एक महाग पुस्तक घ्यायला काय हरकत आहे?

भारतातील किती स्तरांतील लोकांना महाग पुस्तके परवडतात याची कल्पना नाही. कुहूची किंमत किती आहे?

माझा स्वतःचा महाग पुस्तके घेण्याकडे कल नसतो. त्यापेक्षा लायब्ररीतून महाग पुस्तक आणून वाचले जाते. महाग पुस्तक घ्यायची वेळ आलीच तर चांगले डील किंवा डिस्काउंट बघून घेते. तरीही, पुस्तकासाठी $५० पेक्षा जास्त खर्च केल्याचे आठवत नाही. मला परवडत नाही.

मराठीत असे प्रयोग होऊच नयेत का?

अवश्य व्हावेत.

हा दळभद्रीपणा संपायला नको का?

नक्कीच संपायला हवा पण त्यासाठी वाचक वर्ग किती आणि कोणता याचे परीक्षण करणे आवश्यक आहे. इंग्रजी वाचकांची संख्या आणि मराठी वाचकांची संख्या यांचे गुणोत्तर व्यस्त असण्याची शक्यता आहे.

बायदवे,

महिन्याला आवडलेली आणि गरजेची पुस्तके विकत घ्यायला सरासरी दोनेक हजार रुपये जातातच

सध्या भारतातील पुस्तकांच्या किंमती माहित नाहीत पण दोनेक हजारात चार पुस्तके (५०० चे १) येत असावीत. लोकांकडे महिन्याला चार पुस्तके वाचण्याचा वेळ आहे? (हा कुत्सित प्रश्न नाही. खरेच आश्चर्य वाटले.)

अवांतरः प्रस्तावना, आगा पीछा नसलेले लेख वाचले की फारसं काही कळत नाही. मराठी साहित्याशी संबंध राहिलेला नसेल तर आणखीच पंचाईत येते. कुहू काय आहे? कुणासाठी आहे? बांदेकर कोण?(तसे ते वाचकांना अडाणी म्हणणारे हे कळले), दर्शन म्हणजे काय? वगैरे सर्व प्रश्न अनुत्तरित राहतात तेव्हा कृपया थोडी पार्श्वभूमी ठेवून लेखन करावे ही विनंती.

"चिमा" ही आयडी कविता महाजन यांची आहे काय? असल्यास उपक्रम संकेतस्थळावर स्वागत आहे.

यूट्यूब आणि कुहू संकेतस्थळ बघितले. मोठाच प्रकल्प दिसतो. एखाद्या कोर्‍या-करकरीत डीव्हीडी किंवा व्हिडियो-गेमची किंवा एखाद्या मध्यम-रेंज सॉफ्टवेअरची किंमत जितपत असावी, तितपत किंमत असायला हरकत नाही.

- - -
मागे एक मराठी व्याकरणावरचे पुस्तक शंभरेक डॉलरना विकत घेतले. पुस्तक खूप चांगले आहे. तरी ही किंमत फारच होते, असे माझे मत झाले. भारतातील कित्येक (विद्यार्थ्यांना सोडाच) कॉलेज ग्रंथालयांच्या आवाक्याबाहेर हे पुस्तक आहे. अशा पुस्तकांची "भारतीय आवृत्ती" काढायला पाहिजे.

हा प्रकल्प चांगला वाटतोय. युट्यूबवरील व्हीडीओ आवडला. कविता महाजन ह्या लेखिकेबद्दल फेसबुकवरील त्यांच्या स्वत:बद्दल लिहीलेल्या असंख्य अपडेट वाचून वाचून कळले होतेच.

ह्या मल्टिमीडिया कादंबरीला गंध येतो का कागदाचा? लोळत, कूस बदलत मल्टिमीडिया कादंबरी वाचता येते का? पुस्तकातली अक्षरे वाचकाच्या कल्पनाशक्तीला आव्हान देतात. तो स्वतःचे विश्व तयार करतो आणि त्यात बुडून जातो. ह्या मल्टिमीडिया कादंबरीत तेवढाच स्कोप असतो का?
थोडक्यात कल्पना छान वगैरे सगळे ठीक आहे पण मल्टिमीडिया कादंबरीला कादंबरी का म्हणायचे? की आणखी एक गिमिक?

बाय द वे, कुहू कितीला पडते बरे?

"तुझं वाचन किती? तू बोलतोयस किती?"
"तुझा पगार किती? तू बोलतोयस किती?"

लोळत, कूस बदलत पुस्तके वाचणे बहुधा सर्वांनाच आवडते पण पुस्तक वजनी असेल तर थोडा प्रश्न येतो. अशावेळी किंडल, नूक, आयपॅड वापरणे मला आवडते. सोयीचे पडते. लोळत कूस बदलत वाचता येते. अर्थातच, अशी पुस्तके वाचायची तर इ-रीडरचा खर्चही जमेस धरायला हवा. ;-)

गाडी चालवताना ऑडियो बुक्स ऐकणे हे खूपच वेळ वाचवणारे असते. लोकांना वाचायला वेळ कसा मिळतो असा प्रश्न मी वर विचारला होता खरा पण दिवसाचा एक पूर्ण तास माझ्याकडे पुस्तक ऐकायला वेळ असतो हे मी विसरूनच गेले होते. :-)

कुहूची किंमत रु.१५०० आहे असे वर वाचले. यू ट्यूबवर विडिओ पाहता हे पुस्तक लहान मुलांसाठी आहे का असा प्रश्न पडला.

पुस्तक उत्तम असेल तर पैसे देखील देऊ, पण उगाच 'पल्याड' महागाची पुस्तके असतात म्हणून आपल्याकडे पण हवीत हा हट्ट 'उगाच' वाटतो. बाकी ज्यांना परवडते ते घेऊ जाणे. पुस्तक काढणारयाच्या उद्देश बद्दल चर्चा करणे वेगळे आणि घेणाऱ्याच्या उद्देशाबद्दल चर्चा करणे वेगळे. कोणी पुस्तके दिवाणखान्यात चांगली दिसतात म्हणून घेतात कोणी वेळ जात नाही म्हणून पुस्तके काढतात(असे वाटते). जो जे वांछील...