मी या संकेतस्थळावर नवीन आहे. अनेक सुंदर मराठी शब्द न कळल्याने उत्तम लिखाण तुटक वाटते. कालांतराने सवय नक्कीच होईल. पण अनेक नवीन लोक सवय होण्याची वाट न पाहता उपक्रमाला रामराम ठोकत असण्याची शक्यता आहे. निव्वळ वाचनाकरता देखील ते बहुदा पुन्हा इकडे फिरकत नसणार. याबद्दल आधी नक्कीच विचार झाला असणार.
अशा शब्दांवरून उंदीर फिरवल्यास ईंग्रजी शब्द दिसतील अशी व्यवस्था (किंवा तत्सम काही) करता येऊ शकेल का? येथील सदस्य जेंव्हा ते नवीन् होते तेंव्हा काय करायचे?