स्पीचलेस..
स्वतःचीच लाज वाटतेय.
कोणीतरी म्हणाले की, पाश्चिमात्यांचे स्वच्छतेचे मापदंड थोडे जास्त असतात म्ह्णून ते याला 'अस्वच्छ' म्हणतात.
पुण्या-मुंबईतील 'सुलभ'पण यापेक्षा वेगळे नसतात.

||वाछितो विजयी होईबा||

...

शहाजहानने ताजमहाल बांधणार्‍या लोकांचे हात तोडले होते अशी दंतकथा ऐकली आहे (परत अशी वास्तु ते बांधु नयेत म्हणुन) आता ते (वरचे फोटो पाहून) खरे असले तरी फारसे क्रुर वाटत नाही :-)

'आपण आपलं काम कशासाठी करतोय?' ह्याचं उत्तर कोणाकडेच नाही. म्हणून हे असं होत असावं.
-ह्या प्रश्नाचं उत्तर सार्‍या यंत्रणेला कलमाडींनी द्यायला हवं होतं.
-ह्या प्रश्नाचं उत्तर कलमाडींना खेळासंबंधित मंत्र्यांनी द्यायला हवं होतं.
-ह्या प्रश्नाचं उत्तर खेळासंबंधित मंत्र्यांना पंतप्रधांनांनी द्यायला हवं होतं.
-ह्या प्रश्नाचं उत्तर 'कामचलावू पंतप्रधानांना' 'पडद्यामागील पंतप्रधान' सोनिया गांधींनी द्यायला हवं होतं.
-ह्या प्रश्नाचं उत्तर सोनिया गांधी यांना 'तुम्ही पडद्यामागे रहा, मला पंतप्रधान होवू द्या' असा विचार करून त्यांना काँग्रेसचे अध्यक्शपद स्विकारण्याची विनंती करण्यासाठी पुढाकार घेतलेल्या शरद पवार यांनी द्यायला हवं होतं.

हड् साला....

उत्तर.... "नियतीची इच्छा!"

हे बघुन लाज वाटली.. बाकी काय बोलणार :(

@ तुषार, सुलभ याहून बरेच स्वच्छ असतात

ऋषिकेश
------------------
कधी कधी तुम्ही काय बोलताय हे तुम्हालाहि कळत नाहि, इतके तुम्ही हुशार आहात का?

बी बी सी वाल्यांनी कुठल्या रूमचे फोटोस टाकले आहेत ?

---------------------
वाद विवादात "जो शेवटचं वाक्य बोलतो / लिहीतो तो जिंकला" असा समज is = गैरसमज
-धनंजय कुलकर्णी

दिल्लीतील आशिया क्रीडा स्पर्धेचं कौतुक अनेकांनी केलं त्यातल्या उणिवा कुठेच दिसल्या नाहीत. उणिवा असतील पण त्यावर रवंथ झालेले दिसले नाही. दुर्दैवानं राष्ट्रकुल स्पर्धेला सुरुवातीपासूनच गालबोट लागले. भ्रष्टाचार, पुल कोसळणे, निवासस्थानाच्या तक्रारी, प्रमु़ख खेळाडूंची स्पर्धेतून माघार आणि गेले दोन दिवस विविध दैनिकातून वरील दुव्यावरील छायाचित्रे. शेवटी पंतप्रधानांना स्पर्धेच्या तयारीबाबत आढावा घ्यावा लागतो त्याचे कारण एक की स्पर्धेच्या निमित्ताने जी नाचक्की होत आहे ती कुठेतरी थांबावी आणि ती थांबेल असे वाटते . मोठी स्पर्धा म्हटल्यावर उणिवा या असणारच. त्या उणिवांचा गाजावाजा खूप झाला, होत आहे. स्पर्धा यशस्वी होऊन संपेलही पण राष्ट्रकूल स्पर्धेच्या निमित्तानं जी नाचक्की होत आहे ती भरुन निघणार नाही असे वाटते. बरं...! प्रसिद्ध माध्यमांनी तर राष्ट्रकुल स्पर्धेच्या विरोधात असल्यासारखे लेखनी चालवली आहे. स्पर्धा सुरु होईपर्यंत अजून काहीतरी जोरदार "न्यूज'' येतच राहतील. सध्या उठतो तो राष्ट्रकुलच्या निमित्तानं 'ध' चा 'मा' करत असतांना बुद्धीबळपटू विश्वनाथ आनंदला राष्ट्रकुलच्या गोंधळाबद्दल विचारल्या गेले तेव्हा त्यांनी एक शब्दही सावळ्या गोंधळाबद्दल काढला नाही. स्पर्धा यशस्वीरित्या संपन्न होऊन भारतीय खेळाडूंनी खूप पदकं मिळवावीत अशी भावना व्यक्त केली. च्यायला, अशावेळी आपला उर भरुन येतो....!

-दिलीप बिरुटे

भारतीयांच्या सार्वजनिक स्वच्छतेच्या सवयींवरुन एक जुना विनोद आठवला तो सांगतो (चर्चेत असा टाईमपास बरा असतो मधून अधून)

पंडित नेहरुंनी मोठ्या अगत्याने रशियाचे अध्यक्ष क्रुश्चेव्ह यांना भारतभेटीचे आमंत्रण दिले. क्रुश्चेव्ह भारत दौर्‍यावर आले. नेहरु म्हणाले, ''चला. आपण आमच्या ग्रामीण भागात जाऊया. त्यानिमित्त बापूंचा भारत तुम्हाला बघायला मिळेल.' दोघे मोटारीतून निघाले. सकाळची वेळ होती. वाटेत अनेक ठिकाणी क्रुश्चेव्ह यांना रस्त्यावर नि:संकोच विधी उरकणारे लोक बसलेले दिसले. त्यावर ते उपहासाने हसून नेहरुंना म्हणाले, 'हा काय बापूंच्या आणि तुमच्या स्वप्नातला भारत. लोकांना अजून सार्वजनिक स्वच्छतेचे भान नाही. कशी प्रगती करणार तुम्ही? आमच्याकडे बघा. एक माणूस रस्त्यावर विधी सोडा, पण थुंकतानाही दिसणार नाही.' नेहरुंना हा अपमान झोंबला, पण वस्तुस्थिती नजरेसमोर दिसत असल्याने ते चरफडत गप्प बसले.
पुढे क्रुश्चेव्हनी नेहरुंना रशियाच्या दौर्‍यावर बोलावले. त्यावेळी ते नेहरुंना म्हणाले, 'चला मीपण तुम्हाला ग्रामीण रशियाचे दर्शन घडवतो.' दोघे मोटारीतून जात होते. नेहरुंची शोधक नजर कुठे काही अस्वच्छता दिसते का, याकडे होती. पण सगळीकडे चकाचक. रस्त्यावर माणसे होती, पण ती कामात गुंग होती. आणि एकदम नेहरुंनी टाळी वाजवली आणि विजयी नजरेने ते क्रुश्चेव्हना म्हणाले, 'तुम्हीच म्हणाला होतात ना, की रशियात कुणी रस्त्यावर विधीला बसत नाही. तो बघा तिथे एक माणूस बसला आहे. आता काय म्हणाल?' त्यावर क्रुश्चेव्ह लालबुंद झाले. त्यांनी त्या माणसाला पकडून आणण्याचा आदेश सुरक्षा रक्षकांना दिला. तो माणूस समोर येताच ते रशियनमध्ये कडाडले, 'आपल्या पितृभूमीचा असा अपमान करताना तुला लाज वाटत नाही. कोण आहेस तू?'
त्यावर घाबरलेला तो माणूस म्हणाला, 'अहो. मला रशियन समजत नाही. मी एक भारतीय माणूस आहे. पहिल्यांदाच येथे आलो आहे. सवयीप्रमाणे सकाळी बाहेर पडलो अन् ....'

(आपले एक नेते लंडनला तंबाखू खाऊन रस्त्यावर थुंकले होते. ते बघणारी शेजारची एक म्हातारी कडाडली, 'हे असले प्रकार तुमच्या देशात चालत असतील. आमच्याकडे नाही. मुकाट्याने ती घाण साफ करा नाहीतर तुरुंगात जा.' अखेर दादापुता करुन पाणी मागून घेतले आणि साफ केल्यावरच मग जाऊ दिले. हे नक्की कुणाच्या बाबतीत घडले ते माहीत नाही.)

अजित पवार यांनी आर. आर. आबा पाटील यांना तंबाखू खाऊन पचापचा थुंकण्याच्या सवयीवरुन जाहीर सुनावल्याचा किस्साही दोन वर्षांपूर्वीचाच..