काही चलतचित्रांमधे हा परिणाम साधलेला बरेचदा जाणवतो / दिसतो. स्थिरचित्रात केलेला हा प्रयोग आवडला

मेणबत्ती क्र.२ देखील काहिशी फोकस मधे आली आहे (फक्त समोरील काही भाग).. तो टाळता आला असता का?

ऋषिकेश
------------------
कधी कधी तुम्ही काय बोलताय हे तुम्हालाहि कळत नाहि, इतके तुम्ही हुशार आहात का?

चित्र सुंदर आहे, तांत्रिक वर्णन शिकण्यासाठी उत्तम आहे.

चित्राची मांडणी एक सुबक "चौकोनाचा कर्ण" रचना आहे. कर्णातल्या रचनेत गती असते. नजर स्थिर न राहाता कर्णावरून धावते, म्हणून चित्रातही काहीतरी गन्तव्य आहे, असे जाणवते. येथील रचना ईशान्य-नैरृत्य कर्णात जाणारी आहे.

चित्र बघताना माझ्या लक्षात आले, की माझ्यासाठी तरी दोन कर्ण गतिमानतेच्या दृष्टीने समसमान नाहीत. माझी नजर जमल्यास डावीकडून उजवीकडे जाते (मराठी किंवा इंग्रजी वाचल्यासारखी). म्हणजे दर्शनी लाल मेणबत्तीवरून नजर अंधुक हिरव्या मेणबत्त्यांवर जाते तिथून मागच्या मेणबत्त्यांवर. त्यामुळे विचार वर्तमानापासून धुकट स्मृतींकडे जात आहेत, असा भास होतो. भावना गोड-दु:खी स्मृतिरम्यतेची होते (नोस्टॅल्जिया).

मात्र हेच चित्र आरशात बघितले तर काय होते?

आरशात पालटलेल्या मेणबत्त्या

माझे डोळे अजूनही डावीकडून उजवीकडेच (मराठी-इंग्रजी वाचल्यासार्‍अखे) कर्णावर धावतात. म्हणजे मागल्या मेणबत्तीपासून नजर अंधुक हिरव्या मेणबत्तीवरून दर्शनी लाल मेणबत्तीकडे येते. त्या गतीमुळे ही मेणबत्ती अंगावर आल्यासारखी भासते. धस्स होते. मूळ मांडणीपेक्षा पुरती वेगळी भावना आहे.

मला असा प्रश्न पडलेला आहे - नजरेला अशी विवक्षित "मराठी वाचल्यासारखी" दिशा असणे सामान्य असते का? वाचकांपैकी कोणाच्या नजरेत त्या उलट "हिब्रू-उर्दू वाचल्यासारखी" दिशा सातत्याने येते का?

हा अनुभव सामान्य असला, तर याचा वाचनाच्या सवयीशी संबंध आहे का? की मेंदूच्या उजव्या-डाव्या गोलार्धांच्या बलाबलाशी संबंध आहे?

(छिद्रान्वेश : लाल मेणबत्तीवरचे प्लास्टिकचे कवच नजरेला बोचते. फोकस उत्तम असल्याचा अनपेक्षित तोटा.)

रचना आवडली - सगळ्या मेणबत्त्या सारख्या उंचीच्या असत्या तर चित्रात् वेगळीच बहार आली असती. (असे आपले माझे मत)

बाकी धनंजयांचा प्रतिसाद त्यांच्या 'लौकिकाला' साजेसाच (म्हणजे उत्तम -:))

धनंजयशी सहमत आहे.

फोटो मस्त आहे.

मी कदाचित तिसरी मेणबत्ती फोकस केली असती. मागच्या आणि पुढच्या मेणबत्त्या आउट ऑफ फोकस.

नितिन थत्ते
(कॅरॅक्टर काऊंटर स्टिल हॅज द बग, सो आय डोण्ट हॅव टु राईट धिस वे)

तांत्रिक बाबी समजून सांगण्यासाठी केलेला उत्तम आणि सुंदर प्रयत्न. आपल्याकडून हिच अपेक्षा आहे. नाहीतर नेहमीची फक्त वाहवा वाटणारी नुसती छायाचित्रे असतातच. काहीतरी चांगले शिकायला मिळाले. घरी प्रयोग करायला हरकत नाही. बायदवे,पॉईंट आणि शूट कॅमेराने हे शक्य आहे का? माझ्याकडे निकॉन कूलपिक्स पी३ आहे.

फोटो छान आहे. लाल मेणबत्तीवर फोकस असल्यामुळे तिच्या वातीवर आपोआप नजर रोखली जाते. मला धनंजयसारखा नजर फिरण्याचा अनुभव आला नाही. दोन्ही चित्रं समान वाटली. माझ्यासाठी फोकसच्या तंत्रामुळे त्या वातीभोवती गुरुत्वीय आकर्षणासारखं झालं होतं.

एकच फोटो वेगवेगळ्या अॅपर्चरवर काढता आला तर हेच तत्त्व समजून घ्यायला मदत होईल.

राजेश

द्रौपदीचे सत्त्व माझ्या लाभु दे भाषा-शरीरा
भावनेला येउं दे गा शास्त्र-काट्याची कसोटी

प्रात्यक्षिक फार सुबोध झाले आहे. छान प्रयोग!