आजपर्यंत असे ऐकले होते कि अशी चोरी होते तसेच संगणकावरील माहितीची सुद्धा चोरी होते. हे सर्व कसे शक्य होते?

हे सगळं आज प्रथमच ऐकतो आहे! बाकी आमच्यासारख्या अतांत्रिक लोकांना या आणि अश्या प्रकारांची भनकसुद्धा नसते हो!..

तात्या.

संत तात्याबा वापरतात.

गूगल डेस्कटॉप चे नवे संस्करण (५.०१.०७०३, ज्यात पूर्वदृष्याची (प्रीव्हू) सोय आहे.) हे भलतेच धोकादायक व धक्कादायक आहे. तुम्ही उघडझाप केलेले विरोप, यात तुम्ही निघून गेल्यावरही, तुमच्या परवलीच्या शब्दाविना वाचता येऊ शकतात. (घराबाहेरून अशा सेवा वापरणार्‍यांनो व कंपनीच्या संगणकावरून इतरत्र अर्ज करणार्‍यांनो सावधान!)

वाचायचे कसे? इतरांनी वाचू नये यासाठी काय करायचे या व अशा माहितीसाठी संपर्क साधा ;)

(गूगलच्या माहिती हाताळणीबद्दल एकूणच साशंक झालेला) तो.

अवांतर : तुमचे जीमेल खाते तुमच्या कल्पनेपेक्षा/अंदाजापेक्षा अधिक माहिती संकेतस्थळावर खुलेपणाने पसरवत आहे.
(उदा. सर्किटरावांचा पत्ता, दूरध्वनी क्रमांक, कसली कसली प्रयोगशाळा, कुठल्या विद्यापिठात शिकले, इत्यादी इत्यादी.. अर्थात ही माहिती काही वर्षे जुनी आहे ;) )

काही संकेतस्थळे चोरीला गेली आहेत. म्हणजेच त्याचा ताबा दुसर्‍या कोणी तरी घेतला आहे. आजपर्यंत असे ऐकले होते कि अशी चोरी होते तसेच संगणकावरील माहितीची सुद्धा चोरी होते. हे सर्व कसे शक्य होते? याला प्रतिबंध कसा घालायचा? आपल्या संगणकाची तसेच आपल्या संकेतस्थळाची सुरक्षा कशी करावी?

संकेतस्थळाची चोरी कशी होऊ शकेल याची माहिती सर्किट यांनी दिली आहेच. याशिवाय संकेतस्थळ बनवण्यासाठी वापरलेल्या आज्ञावल्यांमध्ये असलेल्या त्रुटींचा फायदा घेऊन (संकेतस्थळ चोरता आले नाही तरी) माहिती चोरता/बदलता येऊ शकते. यासाठी अश्या प्रणाल्या नेहमी अद्ययावत राहतील याची खबरदारी घेऊन धोका कमी करता येईल. सं॰स्थ॰ बनवण्यासाठी आज्ञायन स्वतःच किंवा घरातल्या घरात (इन-हाउस :)) केले असेल तर आज्ञायनातील सर्व सुरक्षाविषयक मार्गदर्शक तत्वांचा काटेकोरपणे वापर करावा.

व्यक्तिगत संगणकावर असणार्‍या नियंत्रण प्रणाल्या (ऑपरेटिंग सिस्टिम्स) आणि इतर आज्ञावल्या (ऍप्लिकेशन्स) हे नेहमी अद्ययावत राहतील याची काळजी घेणे आवश्यक आहे. (भारतात बहुसंख्य लोक मासॉ विंडोज़ची नकली आवृत्ती वापरतात त्यामुळे नियंत्रण प्रणाली अद्ययावत ठेवण्यासाठी मासॉ कडून येणारे अपडेट्स मिळत नाहीत.) शिवाय इतर आज्ञावल्या वापरण्यापूर्वी त्या खात्रीशीर स्थळांकडूनच आल्या आहेत याची खात्री करून घ्यावी. चांगल्या दर्जाचे विषाणूरोधक वापरावे. जालावर वावरताना अनोळखी/संशयास्पद स्थळांपासून सावध राहावे. अश्या स्थळांवर आपोआप उघडणार्‍या खिडक्यांवर ("अभिनंदन! तुम्ही अमुक अमुक डॉलर्स जिंकले!" इ.) टिचकी मारू नये.

तूर्तास इतकेच. बाकी वेळ मिळेल तसे.

(भारतात बहुसंख्य लोक मासॉ विंडोज़ची नकली आवृत्ती वापरतात त्यामुळे नियंत्रण प्रणाली अद्ययावत ठेवण्यासाठी मासॉ कडून येणारे अपडेट्स मिळत नाहीत.)

खरे आहे. परंतु, डिजीट मासिकासोबत येणार्‍या तबकडी मध्ये ते मिळून जातात. :) यासाठी लिनक्स प्रभावी ठरते का? कि लिनक्सला सुद्धा विषाणूंचा प्रादुर्भाव होऊ शकतो?

जर संकेतस्थळे/संगणकावरील माहिती चोरणे अवैध आहे तर 'हाऊ टू बी अ हॅकर' अशी पुस्तके क्रॉसवर्ड मध्ये राजरोज विकली का जातात? आणि ही पुस्तके वाचून खरंच हॅकींग चे ज्ञान मिळते का ही माझी शंका.

मी शुद्धीचिकित्सा वापरते.

सायकल दुरुस्तीचे दुकान चालावे म्हणून दुकानदारच त्याच्या आजूबाजूच्या रस्त्यावर खिळे,काचा पेरून ठेवतात.त्यामुळे एखादी सायकल पंक्चर(मराठी?) झाली की आपोआप गिर्‍हाईक चालून नेमके त्याच दुकानात येते.
इथेही माहितीजालावर विषाणू विरोधक कार्यप्रणाली बनवणार्‍या कंपन्याच स्वत: नवनवीन विषाणू बनवून त्याचा मुक्तपणे संचार होईल अशी व्यवस्था करतात आणि मग त्यावर उपायही त्यांच्याकडूनच विकत मिळतात. आपला धंदा चालावा म्हणूनच हे अशा प्रकारचे उपद्व्याप चाललेले असतात.
सद्याच्या जगात असे बरेच धंदे एकमेकांच्या सहकार्याने(सिद्धसाधकांचा खेळ) चालतात ही वस्तुस्थिती आहे.

मला आणि कचेरीतील बर्‍याच जणांना कचेरीतील विरोपावर निरोप येतात. विषय बहुतेकदा 'फुकट सॉफ्टवेअर मिळवा','स्वीस घड्याळे नगण्य किमतीत','तुमच्या बँकेची महत्वाची सूचना' असे असतात. स्पॅम विरोपात नेहमी विषाणू असतो की स्पॅम आणि विषाणू या पूर्ण वेगळ्या गोष्टी?तसेच विरोपातला दुवा उघडला नाही, पण विरोप उघडला तर संगणकाला काही अपाय पोहचतो का? बर्‍याचदा हे दुवे 'डिलीट' ऐवजी घाईत एंटर कळ दाबून चुकीने उघडले जातात.
हॅकींग, विरोप खाते/संकेतस्थळ/संगणकावरील माहिती याबद्दल सायबर कायदे आणि शिक्षा काय आहे? जर विषाणूमुळे एखाद्याच्या विरोपपत्त्यावरुन त्याला नकळत असे विरोप गेले तर ते 'नकळत' गेले आहेत की मुद्दाम पाठवले आहेत हे शोधता येते का?
मागे आमच्या कचेरीत 'लहान मुलांबद्दल अश्लील आक्षेपार्ह' विरोप फॉरवर्ड केल्याबद्दल परदेशी पोलीसांनी हस्तक्षेप केला आणि कचेरीने दोघांना नोकरीवरुन काढले होते ते आठवले.

मी शुद्धीचिकित्सा वापरते.

सुरक्षा भिंत अर्थात फायर वॉल (अग्नि भिंत) म्हणजे नक्कि काय? या बद्दल कोणी काही सांगु शकेल काय? याचा नक्कि फायदा काय? मला स्वतःला घरच्या संगणकावर ती तयार करता येउ शकते का? याचे काही नियम आहेत का?