आवडाबाई यांच्या "असे का?" या प्रश्नाचे संक्षिप्त उत्तरः

पुरीचे शंकराचार्य श्री भारती कृष्णतीर्थ (मूळ नाव वेंकटरमण थिनवेल्ली :१८८४-१९६०) हे अत्यंत बुद्धिमान होते. वयाच्या विसाव्या वर्षी ते रॉचेस्टर विद्यापीठाची M.Sc.(maths) परीक्षा प्रथम क्रमांकाने उत्तीर्ण झाले.गणिताप्रमाणेच संस्कृत भाषा,तत्त्वज्ञान इ.अनेक विषयांत ते पारंगत होते.१९१९ साली ते शंकराचार्य झाले.त्यानीच वेदिक गणिताची सूत्रे लिहिली.वेद काळी हे गणित होते असे म्हटले असले तरीतसे संभवत नाही.कारण त्याकाळी गणित इतके प्रगत असल्याचा पुरावा नाही. तसेच ब्रह्मगुप्त,आर्यभट, भास्कराचार्य इ.भारतीय गणिती झाले त्यांच्या ग्रंथात या वेदिक सूत्रांचा उल्लेख नाही."अखिलं नवतः चरमं दशतः|" हे उघड उघड गणिती सूत्र आहे.भास्कराचार्यांनी यासंबंधी काहीतरी लिहिलेच असते. पण तसे आढळत नाही.
म्हणून "हे गणित वेदिक नाही" असे म्हटले.
२/ या गणितात गुणाकार, भागाकार, वर्गमूळ,घनमूळ इ.साठी सूत्रे आहेत.त्यामुळे आकडे मोड झटपट होते हे खरे.(आता कॅल्सी मुळे या झटपट पद्धती निरुपयोगीच आहेत)
पण गणित म्हणजे आकडेमोड नव्हे.गणित म्हणजे तर्कशास्त्र.(लॉजिक)भूमितीत आपनण प्रमेयाची सिद्धता लिहितो ती कशासाठी?तर त्यामागचे तर्कशास्त्र समजण्यासाठी.त्यामुळे तर्कसंगत विचार करण्याची क्षमता वाढते.वेदिक गणितात यांत्रिक पणे आकडेमोड करण्याच्या पद्धती दिल्या आहेत.कुठल्याही सूत्राची सिद्धता दिलेली नाही.तसेच सूत्रे संदिग्ध आहेत लावावा तो अर्थ.
म्हणून हे गणितही नाही" असे म्हटले आहे.
यावर पुषळ लिहिण्या सारखे आहे. पण थोडक्यात पुरे.
.................यनावाला,