उपक्रम वाचनमात्र उपलब्ध आहे.
आजचे बलुतेदार
कोंबडी
May 18, 2010 - 5:27 pm
तुमचा पेशा तुम्हाला आवडतो का? त्यात थोडंफार वेगळेपण आहे का? तुम्हाला त्याबद्दल लिहायला आवडेल का? मग माझ्या पुस्तक प्रकल्पात सहभागी होण्याचा विचार करा.
बाजारात उपलब्ध असलेली बहुतेक "करीअर गाइडस" ही व्यवसायाची निवड, कॉलेजांच्या याद्या, परीक्शांची वेळापत्रके, फी, आणि फॊर्म्स यात अडकलेली दिसतात. मुलाखत देण्यांबाबत सल्लेही असतात. मात्र एकदा एखादा व्यवसाय निवडल्यावर त्यातील आयुष्य कसं असतं याबद्दल माहिती अभावानेच आढळते.
या पुस्तकात वेगवेगळ्या ३०-३५ क्षेत्रांतील व्यावसायिक आपापले अनुभव सांगणार आहेत. त्यात त्यांच्या पेशांचं गुणगान नसलं तरच नवल, पण त्याबरोबरच त्यांची आव्हाने, त्यांना करायला लागणार्या तडजोडी, आणि कदाचित फ्र्स्ट्रेशन्सही असतील. "माझं करियर" पेक्शा "माझ्या दृष्टीकोनातून माझा पेशा" असं त्याचं स्वरूप असेल. वाचकवर्ग असेल दहावी-बारावी-कॉलेजच्या पुढची-मागची मुलं, त्यांचे पालक, आणि पेशांच्या/लेखांच्या वैविध्यामुळे सर्वसामान्य चोखंदळ वाचकही. मराठी आव्रुती पुण्यातील एक अग्रगण्य प्रकाशन संस्था करणार आहे, तर इंग्रजी आव्रुत्तीसाठीही प्रकाशक तयार आहे. आतापर्यंत खालील पेशांचा सहभाग नक्की झाला आहे, आणि त्यांची लिखाणंही पूर्ण होत आली आहेत:
रेडियो जॉकी, टेक्निकल रायटर, कंपनी सेक्रेटरी, जेमॉलॉजिस्ट, चाइल्ड सायकॉलॉजिस्ट, शेफ, भाषांतरकार/अनुवादक, एन्वायर्न्मेंटल प्लॅनर, पशुवैद्य, इंटेलेक्चुअल प्रॉपर्टी लॉयर, साउंड रेकॉर्डिस्ट, सेल्स मॅनेजर, अ‍ॅनिमेटर, टीवी कलाकार, एम पी एस सी ऑफिसर, एंटर्टेन्मेंट जर्नालिस्ट, स्पोर्ट्स ट्रेनर, "टीच फॉर इंडिया" फेलो, क्लिअरिंग आणि फोरवर्डिंग एजंट, टूर लीडर, मर्चंट नेवीमन
निवडीसाठी काही ढोबळ निकष लावले आहेतः
- साधासुधा डॉक्टर, इंजिनीयर, आयटीवाला नको (म्हणजे मी स्वतःही बाहेर)
- पेशा अगदीच "रेअर" नसावा, पण "हटके" असल्यास बरं
- त्या त्या क्षेत्रांमध्ये उत्तुंग कामगिरी वगैरे केलेली असण्याची अट नाही
- शक्यतो भारतातच कारकीर्द हवी आहे
- पुस्तकाच्या रॉयल्टीची सर्व रक्कम एका संस्थेला अर्पण होणार असल्याने, कुठल्याही आर्थिक मोबदल्याच्या अपेक्षा नसावी
सविस्तर माहितीसाठी मला खालील ईपत्त्त्यावर थेट संपर्क करा: एम एम अंडरस्कोअर जोशी अ‍ॅट हॉटमेल डॉट कॉम
तुमच्या ओळखीतल्या एखाद्याची/एखादीचा आठवण झाली तरी त्या व्यक्तीशी माझ्याशी गाठ घालून द्या.
धन्यवाद!
- कोंबडी
(हाच मजकूर अन्य संकेतस्थळांवरही टाकला आहे)
दुवे:
Comments
छान
चांगला प्रकल्प आहे. परंतु हे पुस्तक वाचून एखाद्या व्यवसायाविषयीची उत्सुकता, आवड उत्पन्न होईल. अशांच्या फायद्यासाठी कृपया 'फॉर्मल माहिती' सुद्धा द्यावी. उदा. त्या व्यावसायिक शिक्षणाची महाविद्यालये, समाजात उपलब्ध संधी, सरासरी उत्पन्न, इ.
हो
अगदी बरोबर आहे! पटले.
नाहीतर तसा त्या पुस्तकाचा खूप उपयोग नाही.
पण अशी माहिती आली तर पुस्तक 'टाइम्ड' ठरेल.
- मग नवीन आवृत्ती काढायची.
आणि या वर्षीचे व्यवसाय म्हणून विक्रीपण दरवर्षी होईल.
आपला
गुंडोपंत
होय
तसा प्रयत्न असेल.
अजून काही खुलासा येथे
शुभेच्छा
उपक्रमासाठी शुभेच्छा.
फक्त काहि महत्त्वाच्या पेशांना साधासुधा म्हणणं खटकलं.
असो.
ऋषिकेश
------------------
भ्रष्टाचार संपविण्याचा सर्वोत्तम आणि सर्वात सोपा(?) उपाय म्हणजे त्यात स्वतः सहभागी न होणे
अगदी बरोबर, पण!
पण येथे इतर कोणतेही काम असो, त्याला साधे सुधे म्हणता कामा नये - हे जास्त बरोबर.
डॉ. इजि. यांना महत्त्वाचे म्हंटले नाही तर तसे काही बिघडत नाही असेही म्हणता येईल. (आवश्यक असल्यास नवीन उत्तीर्ण झालेल्या इंजिनियर अथवा नुकतेच डॉक्टरी पूर्ण केलेल्यांना विचारावे - कळेलच सद्य अवस्था! )
किमान अशा पुस्तकात तरी या सारखी भूमिका नको!
प्रामाणिकपणे आपल्या कामावर प्रेम केले, आणि ते काम मनापासून केले, तर ते जे काही काम असेल;
ते उच्च दर्जाचेच असेल असे मी मानतो. येथे बहुदा ज्यात जास्त पैसे असतात ते महत्त्वाचे आणि बाकी साधे-सुधे असे आहे काय? मग या वाक्यातले पैसे काढा आणि त्या ऐवजी पॅशन म्हणा मग पाहा त्या पेशाला कसा रंग चढतो ते!
कोणत्याही कामात 'मन लागले पाहिजे' तर मजा. नाहीतर पाट्या टाकणे पाहतोच आपण.
या संदर्भात (बहुदा) स्वभाव-विभाव या पुस्तकात डॉ. आनंद नाडकर्णी यांनी एका मन लावून झाडणार्‍या माणसाचा किस्सा दिला आहे.
काही वेळा तर कामापेक्षा काम करणारा त्यात अशी रंगत आणतो की ते पाहात रहावे. आमच्याकडे एक सुतार येते असे, त्याने सुतारकीचा काही अभ्यास केला नव्हता पण सफाई अशी मस्त होती की पाहात रहावे.
लाकडावर प्रेम असलेला माणूस होता तो.
आपला
गुंडोपंत
साधेसुधे
साधासुधा म्हणण्यामागचे कारण बहुधा या व्यवसायांची माहिती देणारे स्रोत मोठ्याप्रमाणात आधीच उपलब्ध आहेत हे असावे.
नितिन थत्ते
(आय ओवरकम "१० % पेक्षा जास्त रोमन अक्षरे" प्रॉब्लेम बाय रायटिंग धिस वे)
शुभेच्छा
उत्तम कल्पना. विशेषतः त्या त्या पेशात काम करणार्‍यांचे अनुभवकथन असल्याने त्याचे मूल्य वाढते. माझा विषय (भाषाशास्त्र) मी आजवर कुठल्याही करियर गाईडमधे तपशीलात वर्णन केलेला पाहिलेला नाही. करियर काऊन्सिलर्सनाही या विषयाच्या नावापलीकडे त्याची फारशी माहिती नसते. अजून भाषाशास्त्र हा माझ्यासाठी विषय आहे, आणि तो माझा पेशा झालेला नाही. त्यामुळे मी तुम्हाला हा विषय सुचवण्यापलीकडे फारशी मदत करू शकत नाही. शिवाय यातून निर्माण होणार्‍या 'रोजगाराच्या' संधी मुख्यत्वे शिक्षण क्षेत्रात असल्याने आपल्या क्रायटिरियामध्ये हे बसते की नाही माहित नाही. अधिक मूर्त स्वरुपाचा आऊटपुट देणारा व्यावसायिक हवा असेल, तर लेक्झिकोग्राफर म्हणजे एखाद्या शब्दकोशकाराला पकडा.
राधिका
राधिका
शुभेच्छा
उपक्रमाला अनेक शुभेच्छा.