विश्वनाथन आनंदच्या जगज्जेतेपदाबरोबरच माझे बुद्धिबळाबाबतचे कुतुहल वाढले आहे. लास्कर् डिफेन्स, क्विन्स् गॅम्बिट असले शब्द बर्‍याच वेळा ऐकले आहेत. पण बुद्धिबळाचा हा पट इथे उपक्रमावर कोणी उलगडवून दाखवेल काय?

युरोपात आलेल्या ज्वालामुखीच्या राखेच्या ढगामुळे सोफियापर्यंत पोहोचणे अशक्य झाले होते. स्पर्धेच्या आयोजकांनी नियमावर बोट ठेवून स्पर्धा पुढे ढकलण्याची आनंदची मागणी फेटाळली. टोपालोवने आनंदला बरोबरी मान्य करणार नाही असा इशारा दिला होता. ५.५-५.५ अशा गुणासह शेवटचा डाव काळ्या मोहर्‍यानी खेळताना आनंदने टोपालोवला चारलेली धूळ हा विलक्षण विजय आहे.

वेगवेगळ्या चाली, निरनिराळे डाव किंवा बुद्धिबळाशी निगडीत रंजक गोष्टी कोणाला माहित असल्या तर या चर्चेत भाग घेऊन आमचे ज्ञान वाढवावे ही विनंती..