नेट नसताना लिनक्स च्या भानगडीत पडू नये

वरील मताशी पूर्णतः सहमत आहे.
तरी सुद्धा ज्यांच्या कडे नेट आहे त्यांनी उबंटु वापरायला हवे.
एक्सपी पेक्षा किती तरी सुखद आणि सोपे.

उबंटुच्या डिफॉल्ट ड्रायव्हर्स लिस्ट मध्ये नव्याने आलेल्या बऱ्याच प्रिंटर्स व तत्सम उपकरणांचे ड्रायव्हर्स नाहीत आणि हे नेटवरुन इन्स्टॉल करणे हे नवशिक्या वापरकर्त्यांना शक्य होत नाही ही सुद्धा एक मोठी अडचण आहे.

सहमत आहे.

मला उबंटू आवडते, तरीही आजकाल जास्त कष्ट घ्यावे लागत आहेत. मध्ये एकदा एका अपडेटनंतर एमप्लेअर चालणे पूर्ण बंद पडले. व्हीएलसी चालते पण मधूनच आवाज नाही. यांना उत्तरे शोधल्यास सापडतीलही पण यात किती वेळ घालवायचा असा प्रश्न पडतो. मधूनच जीनोमचे सर्व आयकॉन गायब होतात किंवा जागा बदलतात. शिवाय उबंटूच्या विविध आवृत्त्या एकावर एक इन्स्टॉल केल्याने ते आता जवळजवळ विंडोजइतक्या वेगाने चालते आहे.

एकूणात विंडोज आणि लिनक्स म्हणजे इकडे आड तिकडे विहिर अशी परिस्थिती झाली आहे.

---
"भाई बनना है तेरेको?" -- भिकू म्हात्रे

म्हणूनच /boot, /home आणि / वेगळ्या वेगळ्या पार्टिशन वर ठेवणे चांगले.
पुन्हा एक्स पी इन्स्टॉल करण्याची गरज नाही. एक्स पी च्या सेटअप सीडीमध्ये रेस्क्यू पर्याय असतो. मास्टर बूट रेकॉर्ड नीट केले की झाले.

मेड्युबुंटू मध्ये गाणी, व्हिडिओ, इ. आऊट ऑफ द बॉक्स चालतात म्हणे.

अवांतर: नेट नसताना मी संगणकालाच कंटाळेन. फक्त सिंगल प्लेयर खेळ, गाणी आणि सिनेमाच? नेट नसेल तर कोडिंगसाठीही खूप त्रास होईल.

>> १. फक्त गाणी-व्हीडिओ साठी लिनक्स वापरण्याचा सल्ल कोणालाही देऊ नये.
>> २. नेट नसताना लिनक्स च्या भानगडीत पडू नये.

यातील पहिल्या तात्पर्याशी सहमत आहे. जे कॉम्प्युटरचा उपयोग फक्त गाणी - व्हिडीओ, चैटींग किंवा इ-मेल् चेक करण्यापुरताच करतात त्यांना लिनक्सचा फारसा फायदा होत नाही असा माझाही अनुभव आहे. ही गोष्ट इतर ऍप्लिकेशन्सना देखील लागू होते. म्हणजे मला फारफॉक्सशिवाय काम करताच येत नाही पण मी माझ्या वडिलांच्या वयाच्या कोणत्याही व्यक्तिला आय. ई. वापरायचा सल्ला देतो. एखाद्या औषधाने मला गुण आला म्हणजे ते औषध सरसकट वाटत फिरणे मला पटत नाही.
अजून एक गोष्ट मला नमूद करावीशी वाटते ती म्हणजे मी नवीन माणसाला कधीही लिनक्स इन्स्टॉल करायचा सल्ला देत नाही. आधी लाईव्ह सी.डी. वापरून बघायला सांगतो. युबंटू, नोपिक्स, फेडोरा व पपी लिनक्स हे चार डिस्ट्रो मी नेहमी माझ्याजवळ ठेवतो. (इतरांना देण्यासाठी) लाईव्ह सी.डी. आवडली तरी मी त्यांना ती काही महिने वापरण्यासाठी सांगतो आणि मग ते एखाद्या इंजिनियरकडून इन्स्टॉल करू शकतात.
लाईव्ह सी.डी. विषयी अधिक माहिती या प्रतिसादात दिली आहे.

http://mr.upakram.org/node/308#comment-3611

>> त्याला पुन्हा एक्स पी इंस्टॉल करायचा सल्ला दिला तर त्याने 'प्रेमाचे ४ शब्द' बोलून फोन बंद केला.
ह्या अनुभवातून आपण खूप काही शिकला असाल असे वाटते. :)

उबन्तु काय असते?

आपला
अण्णा

माझा लिनक्सचा अनुभव उपरोल्लिखित अनुभवांच्या तुलनेत आनंददायी आहे. सुरुवातीच्या दिवसांतले त्रास सोडले तर नंतर मला आवाज न येणे, चित्र न दिसणे, आयकन्स गायब होणे वगैरे त्रास झाले नाहीत.

नेट नसेल तर उबुंटू व्यवस्थित वापरता येणार नाही हे खरे आहे. पण नेट नसेल तर विंडोजवरही सॉलिटेअर खेळणे वगळता काय करणार हे समजत नाही. निदान मराठी संकेतस्थळांवर काड्या घालण्यासाठी तरी नेट हवेच बुवा. :))

उबुंटूच्या वापरामध्ये सुरुवातीला येणारे व्हिडियो वा ऑडियोचे त्रास टाळण्यासाठी लिनक्समिंट हा उबुंटुआधारित एक उत्तम पर्याय आहे, जो मी गेले ५-६ महिने वापरत आहे. त्यामध्ये गाणी, व्हिडिओ, इ. आऊट ऑफ द बॉक्स चालतात व शोधाशोध करण्याची गरज पडत नाही. (मला तरी पडली नाही.)

माझ्या एका मित्राच्या पत्नीचा संगणक बंद पडला. एक्सपी ने त्रास दिल्याने त्यांना साधे सोपे काही हवे होते. मी त्यांना उबंटु टाकायला सांगितले. आणि त्या अगदी खुश आहेत त्यावर गेले ६ महिने.
एकदाच मी ते टाकायला मदत केली त्या नंतर काहीच करावे लागले नाही. त्या बाई शेयर्सचे काम पाहतात.
शिवाय त्यांचा कॅनन प्रिंटरपण लगेच जोडला गेला. त्या तर अगदी खुश आहेत आणि उत्साहाने सगळ्यांना आपला संगणक विना विंडोज चालतो म्हणून दाखवत असतात.

असो,
कॉशन म्हणून तुमचा लेख महत्त्वाचा वाटला.

आपला
गुंडोपंत

२. नेट नसताना लिनक्स च्या भानगडीत पडू नये.

माझ्याकडच वायरलेस (रिलायन्स) मी उबंटू मधे चालवायचा प्रयत्न केला पण ते काही जमल नाही, तेंव्हा शेवटी नाद सोडून दिला आणि गपगुमान विंडोज मधूनच नेट वापरायला लागलो.

_____________________________________________________________________________________
सुतो वा सूतपुत्रोवा यो वा को वा भवाम्यहम् |
दैवायत्ते कुले जन्म मदायत्तं तु पौरूषम्॥

मी गेलं वर्षभर उबुंटू वापरत आहे आणि त्याआधी चारएक वर्ष जेन्टू लिनक्स! ऑफिसाच्या संगणकावर रेड हॅटची (फेडोरा, सायंटीफिक् लिनक्स) वेगवेगळी रुपं आहेत. मला अशा प्रकारचा कोणताही त्रास आजतागायत झालेला नाही. १०.४ या डिस्ट्रीब्यूशनला थोडाफार त्रास झाल्याचं ऐकलं आहे. लिनक्स माहित नसणार्‍या लोकांना मी शक्यतोवर नवीनतम उबुंटू वापरण्याचा सल्ला देत नाही; किंवा आधी शोधाशोध करून ते डिस्ट्रीब्यूशन स्टेबल आहे का नाही याची खात्री करून घेते.

उबुंटूची एकमेव इन्स्टॉलेशन सीडी वापरली असेल तर अगदी साधी ऍप्लिकेशन्सही नसतात, उदा. केडीई. त्यामुळे लिनक्स चढवताना सिस्टममधे (सिडी/डीव्हीडीमधे) काय काय आहे हे बघून घेणं इष्ट. उबुंटूची डीव्हीडीही असते त्यात जास्त पॅकेजेस असतात का?

थोडा छिद्रान्वेषीपणा: उबुंटू १०.२ नसेल १०.४ असेल.

कालच १०.४ (ल्युसिड लिंक्स्) ला अपग्रेड केले. सुरेख चालते आहे. मला तरी अपग्रेड करताना कोणतीच अडचण आली नाही.

अर्थात 'नेट नसताना' ह्या फंदात पडू नये हेच खरे कारण् मग माहिती किंवा ड्रायव्हर्स् मिळवण्याचे काहीच् मार्ग रहात नाहीत. पण वर काही जणांनी म्हंटल्याप्रमाणे 'आवाज नसणे, चित्रे न दिसणे' वगैरे कोणतीच अडचण मला आली नाही. (कदाचित माझे मशिन नवे असावे - ३ वर्ष जुना डेल ५३०, ४जीबी रॅम). वरती कर्णाने म्हंट्ल्याप्रमाणे 'मिंट' योग्य आहे कारण् त्याच्यात 'रिस्ट्रिक्टेड रिपॉझिटरीज्' संलग्न आहेत.

उबंटू मधे थोडा 'लर्निंग कर्व्ह' आहे हे मी मान्य करतो पण विंडोज् मधेही तो होता/आहे च, फक्त आपल्याला ते अतिपरिचयाचे झाल्यामुळे जाणवत नसेल.

सबायोन जिएनयु/लिनक्स् हे मनोरन्जनासाठी अतिशय उपयुक्त असून सिनेमा पाहण्यासाठी व गाणी ऐकण्यासाठी एकसबीएमसी व वीएलसी मेडिया प्लेयर अशी अनेक एप्प्लिकएशन्स् आहेत्.
http://www.sabayon.org/
http://www.youtube.com/watch?v=Slvl8D4nWZc