जाता जाता बातम्या चालू आहेत ऐकु येतात आपल्या income tax विभागाचे वरती मागून घोडे असा प्रकार करत IPL आणि मोदी वर छापे टाकले म्हणे. सामान्य माणसाने थोडा खर्च केला तर त्यास परेशान करणारा हा विभाग, सरकार काय, IPL चा तमाशा चालू झाल्या पासून चीअर गर्ल्स चा नाच पाहत गप्प बसले होते काय? का आत्ता his masters voice च्या इमानी श्वाना प्रमाणे धाडी टाकण्याचा तमाशा सुरु केला आहे.( माफ करा ही तुलना करून मी श्वानांचे मन दुखावले .त्यांचा अपमान मी करू शकत नाही.)
भारताचे माननीय पंतप्रधान हे अर्थ तज्ञ आहेत म्हणतात. पण लालू यादवांनी ५ वर्षे खोटे रेल बजेट सादर केले .ही बाब नवीन रेलमंत्री ममता बनर्जीने स्पष्ट केले. हा प्रकार म्हणजे वराती मागून घोडे असा आहे. अर्थतज्ञ पंतप्रधान, नियोजन अध्यक्ष,असताना लालू सारखा घोटाळे बाज रेल्मंत्री ५ वर्ष खोटे रेल बजट मांडतो,पंतप्रधानास कांहीच समजत नाही आश्यर्य आहे. IPL चा तमाशा घोटाळा ४ वर्ष चालला तरी पंतप्रधान झोपलेले.याचा अर्थ या घोटाळ्यात सर्वच जन सामील आहेत फक्त थरूर सरळ असल्या मूळे पकडले गेले. बाकी बेरकी असल्या मूळे कागद पत्री कोणाचा हि सबंध सापडणार नाही. विरोधी पक्ष, मिडिया, वर्तमानपत्र वाले सुद्धा या महा घोटाळ्यास जबाबदार आहेत हे सर्व सरकारचे बटिक झाले आहेत
शोध पत्रकारिता हा प्रकार भारतीय वर्तमान पत्र उद्योगात नामशेष झाला आहे. आणि जेंव्हा हे वार्ताहर एखादा विषय हाताळतात तेंव्हा मनात शंकेची पाल चुकचुकते कांही तरी गडबड झाली,हिशोब चुकले म्हणून हे प्रकरण पेपर मध्ये आले.मांडवली पूर्ण जाहली कि बातम्या बंद होतात.नवीन विषय घेवून पुन्हा पहिला अध्याय सुरु केला जातो. माहिती अधिकार वापरणाऱ्याचे सरळ सरळ खून पाडले जातात .आणि भारतीय जनते ची अहिंसेची (हिंसेची) नसबंदी महात्म्याने केली असल्या मुळे ती षंढ झाली आहे.
ट्विटर लिहिणे हा कांही थरूर यांचा गुन्हा नाही.तर मुहमे राम बगल मी छुरी अशी भारतीय नेत्याची करामत त्यांना जमली नाही. आज ४ वर्षा पासून हा घोटाळा चालू आहे आपल्या अर्थतज्ञ पंतप्रधान मनमोहनसिंग यांना समजले नाही का? एक म्हण आहे राजाच्या राणीचे चारित्र्य संशयातीत असले पाहिजे येथे तर राजाचेच चार्रीत्र्य संशयात आले आहे.फक्त उघड कोणी बोलत नाही. सर्वच जण म्हणतात राजाने स्वच्छ कपडे घातले आहेत.पण एखादा लहान मुलगा मात्र जो निष्पाप आहे तो मात्र राजा नंगा राजा नंगा असे सत्य बोलू शकतो. केवळ तुम्ही चारित्र्यवान असून चालत नाही तर तुम्ही ज्या लोकांच्या संगतीत राहतात हे सुद्धा पाहीले जाते. आज राजकारणाचा डोलाराच बेईमानी,विश्वासघात,यावर आधारलेला असल्यामुळे कोण स्वच्छ कोण अस्वच्छ हे ठरविणे कठीण आहे. शशी थरूर यांची मांडवली करण्याची ताकद कमी पडली यामुळे त्यांना तडकाफडकी काढले गेले आणि डागाळलेली प्रतिमा सावरण्याचा खटाटोप कॉंग्रेस ने केला. पण ज्यांची मांडवली करण्याची ताकद मोठी आहे ते मात्र छातीठोक पणे मी नाही त्यातली कडी लावा आतली, असे सांगत आहेत.आणि मिडिया वाले TRP वाढला म्हणून खुश आहेत. अजून एक महत्वाचे हा घोटाळा मिडिया,शोध पत्रकारिता,लोकशाहीचा चोथा स्तंभ यांनी बाहेर काढला नाही तर लोण्याच्या गोळ्या वरून दोन माकडांचे लागलेले अंतर्गत भांडण यास कारणीभूत आहे.

Thanthanpal,
Always visit:-
http://www.thanthanpal.blogspot.com