लय डेंजर फोटू आलाय.

डोळे वटारून, नाकपुड्या फुलवून आणि तोंड गच्च आवळून भयंकर रागाने कोणालातरी चावा घ्यावा अशा विचारांत असावा का काय असे वाटून जाते. ते हिरवेगार डोळे आणि निसर्गाने प्रदान केलेला हिरवट-पिवळा कॅमाफ्लॅज भारी आहे.

छान फोटो. याआधीचा हळद्याही आवडला होता.
सन्जोप राव
हुई मुद्दत कि 'गालिब' मर गया, पर याद आता है
वो हर इक बात पर कहना, कि यूं होता तो क्या होता

फोटो जबराच आलाय.

>>गवत्या साप अर्थात बांबू पीट व्हायपर (bamboo pit viper). फक्त भारतात आढळणारा विषारी साप.

आपली माहिती बरोबरही असेल का ?

पण मला असे वाटते-
गवत्या साप हा विषारी नसतो.त्याचं इंग्रजी नाव आहे Green keelback
किंवा Grass snake.* आम्ही महाराष्ट्रीयन माणसं त्याला 'गवत्या साप' असे म्हणतो.
काही लोक त्याला 'हिरवो नाग' असेही म्हणतात. या सापाचे मुख्य खाद्य बेडूक, पाली आणि अजूनही काही असावे.
या सापाचा रंग हिरवा असतो. याच्या शरिरावरील खवले खूप सुंदर वाटतात. [पाहा एक जालीय दुवा ]
हा साप विषारी नसला तरी त्याचा दंश खूप दाहक असावा असे वाटते.

उन्हाळ्यात आणि पावसाळ्यात वर्षाला एक-दोनदा तरी गवत्या सापाची भेट होते.
आम्हाला त्याला पकडण्याचे तंत्र माहित नसल्यामुळे तो जिवानिशी जातो.

*गुगलून पाहिल्यावर 'गवत्या सापाबद्दल' समाधान करणारे चित्र आणि माहिती मिळाली नाही. म्हणून इंग्रजी नावे खाडखोड केली आहेत.

-दिलीप बिरुटे

सुरेख फोटो.
एखाद्या म्हातार्‍या आजीला जशी नातवंडांची थेरं चालत नाहीत आणि काही इलाज न चालल्याने गप्प तोंड आवळून काय चालले आहे ते पाहते तसा दिसतो आहे असे वाटले. ;)

लै भारी फोटो..
तो साप बघुन सापांनाही राग वगैरे येतो (आणि मग ते डुख धरून बदला घेतात....) या कथांत तथ्य असावेसे वाटते ;)

ऋषिकेश
------------------
भ्रष्टाचार संपविण्याचा सर्वोत्तम आणि सर्वात सोपा(?) उपाय म्हणजे त्यात स्वतः सहभागी न होणे

"पिट" व्हायपरच्या नाकपुडीखालचा खड्डा स्पष्ट दिसतो आहे. पिट हीच फुललेली नाकपुडी वाटत असल्यामुळे साप भयंकर रागावलेला वाटला. पिवळा-हिरवा गवती रंग रंग मोहक म्हणावा की लक्षवेधक हेच कळत नाही.
मी स्वतः चित्र वेगळे कातरले असते.

वेगळे कातरलेले चित्र

मला वाटते की श्री. भालचंद्र यांच्या मांडणीमध्ये सापाचा डोळा हा चित्राच्या बरोबर मध्यावर आहे. झाडाची दांडी/पाने यांची "+"ची खूण बंदुकीचा नेम धरल्यासारखी चित्राच्या मध्ये घेणारी भालचंद्र यांची मांडणी धाडसी वाटते, प्रभावी आहेच.

चित्र कातरल्याने चित्रातली भावना किती बदलू शकते, हे दाखवण्यासाठी चित्र संगणकावर उतरवून संपादित केले. श्री. भालचंद्र यांनी सांगितल्यास प्रत संगणकावरून खोडून टाकेन. तरी श्री भालचंद्र चित्र ठेवण्याची अनुमती देतील अशी आशा आहे.

फोटो फारच सुंदर आलाय. डोळे व चेहेरा अतिशय प्रभावी. कमी डेप्थ ऑफ फोकसमुळे आणखीनच मजा आली आहे.

धनंजयनी कातरला असला तरी मला मूळ मांडणी जास्त आवडली. एक तर त्यांनी म्हटल्याप्रमाणे थोड्या तिरकस + च्या आकाराची मांडणी होते व तिला एक घाट येतो. पण मला महत्त्वाची गोष्ट वाटली ती म्हणजे मूळ चित्रात डावीकडे बघणाऱ्या सापाचे डोळे फ्रेमच्या केंद्राच्या किंचित उजवीकडे आहेत - त्यामुळे ती नजर चित्रभर अधिक राहाते, आपल्या अंगावर काहीशी येते.

राजेश

द्रौपदीचे सत्त्व माझ्या लाभु दे भाषा-शरीरा
भावनेला येउं दे गा शास्त्र-काट्याची कसोटी

पहिल्यांदा मला तो हरणटोळच वाटला!
मस्त आलाय फोटो!