अरे पण काही इच्छुकांना तिथे यायला पैसे लागतात, (हजारो डॉलर्स), भरणार का?

अरे मिलिंदा, का रे अशी थट्टा करतोस गरीबाची? मी एक गरीब विमा दलाल, लोकांचे विमे उतरवतो त्याबद्दल मला पाचशे-हजार रुपयांची दलाली मिळते रे. मी एक गरीब शेअर बाजार सल्लागार. लोकांना 'अमुक शेअर घ्या', 'तमुक विका' असले सल्ले देऊन दोन वेळचा आमटीभात कसाबसा मिळवतो रे. आणि एवढं सगळं सांभाळून गरीबीत का होईना, पण जमेल तसा आपल्या हिंदुस्थानी रागदारी संगीताचा प्रसार आणि प्रचार करतो रे!

मी तुझ्या तिकिटाचे पैसे कसे भरणार रे? आणि ते सुद्धा डॉलरमध्ये? अरे बाबा तुझा तो अमेरिकन डॉलर काळा की गोरा कसा असतो हेदेखील मला माहीत नाही रे! का अशी थट्टा करता गरीबाची?

असो!

तू इथे येशील तेव्हा वाटल्यास पुण्याला आपण हा कार्यक्रम पुन्हा करू. तुझ्याकडे मानधन म्हणून फार पैसे मागणार नाही. फक्त आमचे वर्षभराचे तांदूळ सुटतील, एवढे पैसे दिलेस तरी पुरेसं आहे! आणि हो, माझ्याकरता स्कॉचची बाटली तू येतांना आणणारच आहेस. ती मात्र विसरू नकोस हो! ;)

आपला,
(गरीब!) तात्या.

इथे आम्ही काहीही बरळतो - http://tatya7.blogspot.com/