वास्तूचित्र

ज ह ब ह रा चित्र!!

मस्त चित्र अभिजा! चर्चची इमारत आणि क्रॉस मस्त आहे.

किस्टोन इफेक्ट बराच आला आहे, त्यामूळे उजवीकडचा मनोरा चर्चवर झुकतो आहे (पिसाच्या कलत्या मनोर्‍या सारखा) असा आभास निर्माण झाला आहे. माझ्या माहितीप्रमाणे फोटोशॉपमधे क्रॉप मधील पर्स्पेक्टीव हे फंक्शन वापरुन ते सुधारता येते.

सुरेख चित्र. मला किस्टोन इफेक्ट थोडा कमी असता तर अधिक आवडले असते. उदा. दुव्यातील ट्वाइलाइट सागात जसा आला आहे तसा. अर्थात ही वैयक्तिक आवड आहे. चित्र क्लासच आहे.

---

सुरेख चर्च. क्रॉस जणू काही रक्षणकर्ता असल्यासारखा वाटतो आहे.

समोरच्या भागातील लहानसे कापडी छत आले नसते तर अधिक आवडले असते. ते असल्यामुळे शहरात असल्याचे कळते आहे, नसते तर निव्वळ चर्च आणि क्रॉस अधिक चांगला दिसला असता असे वाटते. पण बहुदा चित्र अशा ठिकाणी आडवे कातरलेले चांगले दिसणार नाहीच.

अग्रभूमी (फोरग्राउंड) मधल्या क्रुसाचा पहिल्या चित्रामध्ये निळ्या आभाळाशी ठळकपणा (कॉन्ट्रास्ट) चांगला आहे. तो कृष्णधवल चित्रात तितका उठून दिसत नाही. पण कृष्णधवल चित्रात वास्तूचे वीटकाम अधिक खुलून दिसते.

मला स्वतःला किरणध्रुवक (पोलरायझर) अर्धाच फिरवून आकाशाचा निळा रंग थोडा गडद केलेला आवडतो. ग्रीटिंग कार्ड कंपन्यांनी या अतिगडद ध्रुवितकिरण निळ्याला फारच स्वस्त केलेले आहे. पण पसंद अपनी अपनी.

किरणध्रुवक वापरताना आणखी एक लक्ष द्यावे लागते - परावर्तक अशा सर्व वस्तूंमध्ये बदल होतात. वास्तूवरील काचेच्या खिडक्या किरणांच्या ध्रुवीकरणामुळे वेगळ्या दिसत असाव्यात असा माझा कयास आहे. खिडक्या रंगीत चित्रापेक्षा कृष्णधवल चित्रात अधिक सौम्य वाटतात - त्यांची निळी चकचक निघून गेल्यामुळे.

चित्रे मस्तच आहेत, हे पुन्हा.

चित्र अतिशयच सुंदर आले आहे. भयंकर आवडले.

तुमच्याकडून खूप काही शिकता येईल असे वाटते. हे वाक्य उपक्रमावर माहितीप्रद लेख लिहायला घ्या असे वाचावे :-)

शुभेच्छा आणि आणखी काही चित्रे पहायला आवडतील......

-सौरभ.

==================

प्रतिक्रियेबद्दल सर्वांचे आभार! :-)

उत्तम छायाचित्र. तुमच्याकडून खूप काही शिकण्यासारखे आहे. तुम्ही यावर जर एक लेखमाला लिहू शकलात तर बहुत बहुत उत्तम होईल्.

-- येडा बांटू

वा! छान!
पहिला फोटो फारच छान!

ऋषिकेश
------------------
समाजातली सामाजिक जाणीवही अगदी नसल्यातच जमा आहे. सुस्त, मद्दड जनता गोळाभर अन्न गिळून, टीव्हीवरच्या मालिका बघून झोपी जात आहे - सन्जोप राव