या सर्वाला फार्स म्हणण्याशिवाय दुसरा पर्याय नाही. काल याविषयी इंडिया टिव्हीवर चर्चा पाहिली. जे चालले होते त्याला चर्चा म्हणणे म्हणजे राहुल रॉयला अभिनेता म्हणण्यासारखे आहे. त्यातील काही मुद्दे.

हे पुस्तक निवडणुकीच्या आधीच तयार होते पण निवडणुका होईपर्यंत थांबावे असे जसवंत सिंग यांना सांगण्यात आले. ते का? तर म्हणे पुस्तक जिनांवर आहे म्हणजे नक्कीच वादग्रस्त असणार असे आम्हाला वाटले. म्हणून थांबायला सांगितले. :प्
आज जसवंत सिंग म्हणत आहेत की अपहरणाची अडवाणींना कल्पना होती. मग निवडणुकांच्या आधी तुम्ही कल्पना नव्हती असे खोटे का सांगितले? तर म्हणे माझी चूक झाली. मी अडवाणींना पाठीशी घालत होतो.
भाजपच्या पराभवाचे विश्लेषण करणार्‍या समितीने अडवाणी, मोदी यांना पराभवासाठी जबाबदार धरले आहे. गुप्त चिंतन बैठकीत याचा उल्लेख झाला का? असल्यास त्यांच्यावर कारवाई होणार का? हे तो ईश्वरच जाणे.

काल शेवटी वैतागून मुलाखतकाराने विचारले, "तुम्ही सर्व पक्ष आपापल्या आयडीऑलॉजींच्या टिमक्या वाजवत असता. हाऊ सीरीयस आर यू अबाउट इट? कारण जवळपास कुठलही पक्ष सत्तेसाठी कुणाशीही युती करू शकतो."

असो. यावर कितीही टंकले तरी कमीच आहे. लोक परत एकदा धर्माच्या राजकारणाला फसले नाहीत ही त्यातलेत्यात समाधानकारक गोष्ट.

----
"And ye shall know the truth, and the truth shall make you free." -- John 8:32

आत्ताच जसवंत सिंग यांची आज की अदालत मध्ये मुलाखत पाहिली. त्यांच्या म्हणण्यानुसार पुस्तक प्रकाशित होण्याची वेळ आणि त्यांना बडतर्फ करण्याची वेळ यातील अंतर लक्षात घेतल्यास पुस्तक पूर्ण न वाचताच हा निर्णय घेण्यात आला असे वाटते. ७०० पानांचे पुस्तक वाचून, त्याचे विश्लेषण करून, निर्णय घ्यायला जो वेळ लागेल तो इथे अजिबात लागला नाही. किंवा पुस्तक स्पीड रीडींगने वाचले असावे. :प

मुलाखतीमध्ये त्यांनी कुणावरही वैयक्तिक टीका करण्याचे टाळले. पुस्तकात जीनांचा गौरव केला आहे या मताशीही ते सहमत नव्हते. त्यांच्या मतानुसार जीना हे व्यक्ती म्हणून चांगले असले तरी त्यांचे राजकारण abhorrent होते. फाळणी आणि टू नेशन थिअरीवरही त्यांनी टीका केल्याचे म्हटले आहे. फाळणीसाठी जीना एकटे जबाबदार नव्हते, त्यात अन्य नेत्यांचाही समावेश होता असे त्यांचे म्हणणे आहे.

पुस्तक वाचा. वाचल्यानंतर जर मला दोष द्यायचा असेल तर द्या असे त्यांचे म्हणणे होते. आणि हे सयुक्तिक वाटते. पुस्तक न वाचता त्याच्याविषयी मत प्रदर्शित करणार्‍यांचा संत रामदासांनी दासबोधात केलेला उल्लेख आठवतो.

----
"And ye shall know the truth, and the truth shall make you free." -- John 8:32

फाळणी- उपजत की संस्कारित असे शिर्षक दिले असते तरी चालले असते. ;)
प्रकाश घाटपांडे

नंबर अरुण शौरींचा का? सुधीद्र जोशीही गेले. चौतालांशी फाटले.
अशाने कुणीच रहाणार नाही, आता उरले अडवाणी आणि भावी पंतप्रधान मोदी.

पक्षाची अवस्था कटी पतंग आहे -- अरूण शौरी :प्

----

या चर्चा विषयासंबंधीची आजची सुदर्शन चक्राची बातमी वाचून(टाइम्स ऑफ इंडिया) मला असलेली मोठ्या गेम प्लॅनच्या शंकेची आता खात्रीच होत चालली आहे. थोड्याच दिवसात भाजपात मोठे बदल होणार असे दिसते आहे.

चन्द्रशेखर

दुसऱ्यांच्या घराणेशाहीला/हुकूमशाहीला नावे ठेवणाऱ्या पक्षाची अंतर्गत स्थिती कशी आहे हे या निमित्ताने उघड झाले. 'मी हसे लोकांना, शेंबूड माझ्या नाकाला' ही एकंदरीत मराठी संकेतस्थळांपासून ते देशव्यापी पक्षांपर्यंत सार्वत्रिक परिस्थिती आहे हेही अधोरेखित झाले.

वसुंधराराजे आणि जसवंत यांचे विळ्याभोपळ्याचे सख्य लक्षात घेता नजीकच्या भूतकाळात वसुंधराराजेंनी केलेले बंड आणि जसवंतांना हाकलून दिल्यानंतर शमलेले वादळ यांचा संबंध सूचित करणारी अनेक विधाने च्यानेलांवर पाहण्यात आली.

नेहरू आणि पटेल हेच फाळणीचे शिल्पकार. सत्तेच्या लालसेतून यांनी फाळणीला तात्काळ मान्यता दिली. फाळणी झाली नसती तर आता ज्यांच्या नावाने हिंदुत्त्ववादी पक्ष बोंबाबोंब करत आहेत ते पाकिस्तानी, बांगलादेशी सगळे भारतात असते, त्यांना पोसणे परवडले असते का? मग कोणत्या संघाच्या विरोधात ग्राउंड उखडले असते? हा प्रश्नही पडतोच.

जसवंतसिंहांना भाजपा म्हणजे कु क्लक्स क्लॅन असल्याची उपरती झाली आहे असे दिसते. इतके दिवस पक्षाच्या पाठबळावर सत्ता भोगताना समजले नाही वाटते.