पुर्वांचलात संघाचे बरेच कार्य आहे असे आपण ऐकतो. पण तेथील समस्या सोडविण्याच्या दृष्टीने नेमके काय चालू आहे याची एक झलक सर्वांना कळावी या उद्देशाने हा लेखन प्रपंच:-

९ मार्च १९९९ रोजी अभ्युदय प्रतिष्ठान संचालित डोंबिवलीत सुरू झालेल्या पुर्वांचल विकास प्रकल्पाला १० वर्षे पुर्ण झाली त्यानिमीत्ताने ३१/१/२००९ रोजी प्रसिध्द नेत्रशास्त्रविशारद डॉ. तात्याराव लहाने यांच्या प्रमुख उपस्थितीत हा कार्यक्रम पार पडला.

हास्यसम्राट् ह्या मालिकेतुन महाराष्ट्राला हसविणारे एक कलाकर श्री अभिनय बोरकर ह्यांनी हसत खेळत नागालॅण्ड्हुन सर्वप्रथम डोंबीवलीत आलेल्या १० विद्यार्थ्याची व्यवस्थापक म्हणुन जवाबदारी पेलत ह्या वसतिगृहाची सुरवात केली. अतिशय भिन्न वृत्तीच्या आणि प्रकृतीच्या, आई वडीलांपासुन अतिशय् दुर रहायला आलेल्या विद्यार्थ्यांची काळजी घेणे हे जिकिरीचे तसेच अत्यंत चिकाटीचे काम श्री अभिनय बोरकर ह्यांच्या नंतर श्री रविकिरण काळे व त्यानंतर श्री व सौ. शशिकांत लेले ह्यांनी समर्थपणे पेलले. नंतरच्या कालावधीत श्री विद्याधर पाठक तसेच श्री संजय काथे ह्यांनी देखील ही कठीण जवाबदारी अत्यंत आनंदाने व प्रेमाने पार पाड्ली. विद्यमान व्यवस्थापक श्री दिलीप दिक्षीत व सौ सानिका दिक्षीत हे दि. ७/६/२००४ पासुन ही जवाबदारी गेली पाच वर्षे सांभाळत आहेत्.

गेल्या १० वर्षातील विद्यार्थ्यांची शालेय प्रगती बघता आत्तापर्यंत एकुण ७ विद्यार्थी १० वी पास झाले आहेत. २ विद्यार्थी पदवीधर झाले आहेत. तसेच इथे राहुन शिक्षण घेतलेले दोन विद्यार्थी नागालँडमधील शाळेत शिक्षक म्हणुन जवाबदारी सांभाळत आहेत्.

वसतीगृहातील विद्यार्थी फक्त शालेय शिक्षणात पुढे आहेत असे नाही तर खेळातील ह्यांची प्रगतीही लक्षणीय आहे. पेंढारकर कॉलेजमधील सर्व एथलेटिक्स स्पर्धातील वैयक्तिक गटात रसिलूग पामे ह्या विद्यार्थ्याने घवघवीत यशा मिळवले आहे.

३१ मे त ४ जून ह्या कालावधीत विद्यार्थ्याची अलिबाग परीसरात सहल नेण्यात आली होती. मुरुड्चा जंजिरा किल्ला, कणकेश्वर ह्या ठिकाणी जाउन आल्यानंतर अलिबाग मध्ये झालेल्या बांगलादेशी घुसखोरी संबंधातील एका जाहीर कार्यक्रमास सर्व विद्यार्थी उपस्थित राहीले होते. परतीच्या प्रवासात मांडवा ते भाउचा धक्का हा लांचचा प्रवास विद्यार्थ्यांनी पहिल्यांदा अनुभवला

गेल्या वर्षात भारत मेरा घर योजनेअंतर्गत नागालॅण्डमधील ७ महिला व ६ पुरुषांनी वसतीगृहास भेट दिली. ह्या नागरीकांसमवेत विद्यार्थ्यांच्या शाळा व कॉलेजला भेट देण्याचा कार्यक्रम घेण्यात् आला. स्थानिक नागरीकांच्या घरातुन ह्या सर्व व्यक्तींची चहापानाची व्यवस्था करण्यात आली होती तसेच ९ जानेवारी २००८ रोजी ५० कुटुंबांच्या उपस्थीतीत सदर नागरीकांनी आपले मनोगत व्यक्त केले व सहभोजनाचा आनंद घेतला.

आजच्या घटकेला जनकल्याण समिती, पुर्वांचल विकास अंतर्गत ठाणे,डोंबीवली, चिपळुण रत्नागिरी, पर्वरी(गोवा), सांगली, चिंचवड, नाशीक, पुणे, संभाजीनगर, परभणी, नांदेड लातुर अंबाजोगाई, नागपुर गोंदीया येथील वस्तीगृहात २०० पेक्षा अधीक विद्यार्थी-विद्यार्थीनि शिक्षण घेत आहेत. भविष्यात हेच भावी नागरीक भारत व पूर्वांचल यामधील मजबूत पुलाचे काम करतील यात शंका नाही. आज गरज आहे ती त्याना आपल्यात सामावुन त्याच्या मनात आपल्या बद्दल जवळीकिची भावना निर्माण करण्याची.