संस्थळ रोचक आहे. जुन्या आयईकरिता हा दुवा वापरून पहावा.

असे दुवे एम्बेड करण्याऐवजी दुवास्वरूपात दिल्यास (निदान हा दुवा पाहतानाच्या या क्षणाच्या माझ्या अनुभवावरून तरी) वापरकर्त्यास सोपे जावे, असे वाटते.

वा! ख्रिश्चन मिशनर्‍यांनी मराठीत जे काम करून ठेवले आहे ते खरोखर स्पृहणीय.

धर्मप्रसाराकरिता/राज्यविस्ताराकरिता/राज्यकारभाराच्या सोयीकरिता का होईना, पण ख्रिस्ती धर्मप्रसारकांनी आणि ब्रिटिश व काही प्रमाणात इतर युरोपीय राज्यकर्त्यांनी (विशेषतः सुरुवातीच्या काळात) मराठीत/महाराष्ट्रात/हिंदुस्थानातच नव्हे, तर जगात अनेक ठिकाणी असे बरेच स्पृहणीय कार्य केले असावे, असे वाटते. (अशा धर्मप्रसारकांनी आणि परकीय राज्यकर्त्यांनी अनेकदा केलेले नुकसान जरी लक्षात घेतले, तरीसुद्धा आपल्याच सांस्कृतिक वारशाचे डॉक्युमेंटेशन - आणि म्हणूनच अप्रत्यक्षरीत्या आणि कदाचित अभावितरीत्या जतन - करण्यातील त्यांचा हातभार मोलाचा आहे, हेही विसरून चालणार नाही. या कामात त्यांना स्थानिकांची बरीच मदत अर्थातच झाली असावी, पण योजक्स्तत्र दुर्लभः*| असो.)

विकास यांनी निर्दिष्ट केलेल्या आर्चिव्ह डॉट ऑर्ग ह्या दुव्याबद्दल त्यांचे आभार.

एक सुचवण: Archive या इंग्रजी शब्दाचा उच्चार 'आर्काइव' असा व्हावा, असे वाटते.

(*अवांतर: 'योजकस्तत्र दुर्लभः'चा आगापिछा कोणी सांगू शकेल काय? म्हणजे या वाक्प्रचाराचा उगम, श्लोकातून अथवा सुभाषितातून उगम असल्यास संपूर्ण श्लोक अथवा सुभाषित आणि त्याचा अर्थ वगैरे? वाक्यात प्रयोग करण्याकरिता उत्तम वाक्प्रचार आहे, पण पूर्ण संदर्भ कळल्यास दुग्धशर्करायोग! असो.)
(अतिअवांतर: 'श्लोक' आणि 'सुभाषित' यांच्यातील नेमका फरक काय?)