महाभारत काळात व्दारका बुडाली

महाभारत काळात इसवीसन नव्हते व यंदाची ग्रहणे एकाच वर्षात म्हणजे एकाच इसवी सनात आहेत.. तेव्हा याचा काहीही संबंध असावा असे वाटत नाही. बाकी ज्योतिषीच जाणोत

बाकी कोणी ग्रहण बघायला जातंय का? मला तिकीटेच नाहि मिळाली :(

ऋषिकेश
------------------
समाजातली सामाजिक जाणीवही अगदी नसल्यातच जमा आहे. सुस्त, मद्दड जनता गोळाभर अन्न गिळून, टीव्हीवरच्या मालिका बघून झोपी जात आहे - सन्जोप राव

एकाच महिन्यात तीने ग्रहणे वाईट अशा आशयाचा लेख "सकाळ"मध्ये वाचल्याचे आठवते. त्यात महाभारत युद्धाआधी एका महिन्यात तीन ग्रहणे झाल्याचे लिहिले होते. काळ बहुधा इ. स. पू. ३०२९ असा काहीसा होता.

विनायक

कित्येकदा दोन चंद्रग्रहणे होतात, असे मला वाटते. (मागे आनंद घारे यांनी चंद्राच्या गतींबद्दल लेख लिहिला होता. त्यातून याविषयी काही ढोबळ विचार करता येऊ शकेल.)

एका चांद्र महिन्यात जास्तीतजास्त दोन ग्रहणे होऊ शकतात. एक अमावास्येला आणि एक पूर्णिमेला.

तिथीचा क्षय: आजच्या सूर्योदयाच्यावेळी जर प्रथमा असेल, आणि जर त्या दिवसभराच्या काळात द्वितीया लागून संपली आणि उद्याच्या सूर्योदयाला तृतीया लागलेली असली, तर द्वितीयेचा क्षय झाला असे समजतात.
वृद्धी: नुकतीच सुरू झालेली प्रथमा जेव्हा पुढच्या सूर्योदयालाही शिल्लक असते तेव्हा लागोपाठ दोन दिवस सूर्योदयाला प्रथमा असल्याने, तिची वृद्धी झाली असे समजण्यात येते. प्रत्यकात कुठलीही तिथी गाळली जात नाही किंवा दोनदा येत नाही.
एका इंग्रजी महिन्यात कदाचित दोन चंद्रगहणे आणि एक सूर्यग्रहण येऊ शकेल, एका चान्द्रमासात शक्यच नाही.--वाचक्‍नवी

हा दुवा बघा. इथे ३० दिवसात तीन ग्रहणे म्हटले आहे. सकाळात एका महिन्यात तीन असे म्हटले होते.

<दुवा>

उपक्रमावरच्या ज्योतिषशास्त्र अभ्यासकांनी ह्या ग्रहणांचा भारतातल्या जनतेवर काय परीणाम होणार आहे, याचा काही अभ्यास केला आहे का? असल्यास काय परीणाम होणार आहे?

नाही बॉ! असा काही अभ्यास मी तरी केलेला नाही. आणि जैमिनिय प्रकाराचा अभ्यास करण्या इतका वेळही मजपाशी नाही.
तीन चार जन्म मिळून मग मला सगळ्या शाखांचा अभ्यास करणे जमेल असे वाटते.

आपला
गुंडोपंत

सूर्य मालिकेतील, सूर्य, एक ग्रह आणि त्याचा उपग्रह हे त्यांच्या भ्रमणकक्षेत फिरत असताना ते अशा स्थानांवर पोचतात जेंव्हा एकाची सावली दुसर्‍यावर पडते किंवा एक दुसर्‍या दोघांच्या मधे येतो. या काळात जे अतिभव्य आणि कल्पनेच्यापेक्षाही सुंदर असे अवकाश दृष्य आपल्या नजरेस पडते त्याचा रसास्वाद घेण्याचे सोडून काहीतरी खुळचट कल्पनांवर आधारित गोष्टींचा कीस काढत बसणे मला तरी रुचत नाही आणि योग्यही वाटत नाही.
चन्द्रशेखर

अरे वा बरीच रोचक माहिती मिळाली.. धन्यवाद

मात्र, तूर्तास माझ्या दृष्टीने महत्त्वाची माहिती म्हणजे तुमच्या ओळखीत कोणी पटणा/त्याभागात ग्रहण बघणे अरेंज करतेय का? (म्हणजे करताहेत बरेच मात्र एवाना जागा फुल्ल झालेल्या आहेत :( )
मला रेल्वेचे आरक्षण नाहि मिळाले :( तेव्हा अश्या एखाद्या संस्थेतर्फे जाईन म्हणतो.. कोणाच्या महितीत जागा शिल्लक असेल तर खरड/व्यनीने कळावा.

ऋषिकेश
------------------
समाजातली सामाजिक जाणीवही अगदी नसल्यातच जमा आहे. सुस्त, मद्दड जनता गोळाभर अन्न गिळून, टीव्हीवरच्या मालिका बघून झोपी जात आहे - सन्जोप राव

एका वर्षात होणार्‍या ३ पेक्षा अधीक ग्रहणांबद्दल बरीच वेगवेगळी माहित वाचायला मिळते. उदाहरणादाखल हा दुवा पाहा.

http://khabar.josh18.com/news/15187/9

टिव्हीवर ज्या पद्धतीने ही माहिती दाखवतात त्यामुळे खुप मनोरंजन होते.

मला पडलेला प्रश्न, ऐका वर्षात की ऐका चांद्र महीन्यात? ह्याचे अजुनतरी मला काही उत्तर मिळाले नाही.

मी पूर्वी केव्हातरी वाचल्याने सामान्यत: वर्षात ७ ग्रहणे होतात. त्यातील चंद्रग्रहणे सर्वत्र (ग्रहणकाळात चंद्र दिसत असलेल्या सर्व ठिकाणी) दिसतात. सूर्य ग्रहणे मात्र सर्वत्र दिसत नाहीत. त्यामुळे ३ ग्रहणांचे एवढे काय कौतुक ते कळत नाही.

There can be from four to seven eclipses in a calendar year, which repeat according to various eclipse cycles, such as the Saros cycle.

वरील वाक्य विकिपिडियातील आहे. किमान संख्याच ४ आहे. तीन ग्रहणे म्हणजे काहीच नाही. सगळी चर्चा म्हणजे वाहिन्यांचा टाइमपास आणि अंधश्रद्धा प्रसार वाटतो.

काही वाईट घटना -

१) लातूरचा भूकंप
२) लादेनने जुळे मनोरे पाडले
३) तमिळनाडूला बसलेला सुनामीचा फटका
४) मुंबैवरील दहशतवादी हल्ला..

इत्यादी..

वरील घटना घडल्या त्या त्या वर्षी तीन ग्रहणे लागली होती का?

अ) लागली असतील तर तीन ग्रहणे आणि वाईट घटना यांचा संबंध असून तो एक अभ्यासनीय विषय आहे असे म्हणावयास हरकत नाही,

ब) लागली नसतील तर, 'एका वर्षी तीन ग्रहणे लागोत वा न लागोत, वाईट घटना या घडतच असतात. सबब तीन ग्रहणांचा आणि वाईट घटनांचा काडीमात्र संबंध नाही!' असे म्हणावयास जागा आहे..

- महाभारत काळात व्दारका बुडाली
- पहिले महायुद्ध
- अमेरीकेने जपानवर केलेला अणुबाँब हल्ला

या घटना घडल्या त्या वर्षी काही चांगल्या गोष्टीही घडल्या असण्याची शक्यता आहे. सबब, 'एकाच वर्षी तीन ग्रहणे आणि चांगल्या गोष्टी' यांचा आपसात काही संबंध आहे किंवा कसे, हादेखील एक अभ्यासनीय विषय होऊ शकतो..

आपला,
(नियतीवर श्रद्धा असलेला) तात्या.

न लगे मुक्ति आणि संपदा, मिसळसंग देई सदा!

सध्या काही हिंदी वाहिन्यांवर एका वर्षात ३ ग्रहणे आली तर जगात कश्या वाईट घटना घटतात, या विषयावर चर्चा झाल्याचे बघीतले.

त्या 'काही वाहिन्या' म्हणजे फक्त इंडिया टिव्ही असेल. भिकार आणि अंधश्रद्धेने बुजबुजलेल्या बातम्या देण्यात त्यांचा कोणीही हात धरू शकत नाही.
--------------------------X--X-------------------------------
गडद जांभळं, भरलं आभाळ,
मृगातल्या सावल्यांना, बिलोरी भोवळ
खोलवरी चिंब बाई, मातीला दरवळ ||

काल ७/७/ २००९ चंद्र ग्रहण झाले. भारतात ते दिसणार नसल्यामुळे काही वाइट प्रकार घडल्याचे ऐकण्यात आले नाही.

दा.कॄ. सोमणांनी लोकांना टिव्हीवर दाखवल्या जाणार्‍या भितीदायक चर्चेकडे जास्त लक्ष देऊ नये असा सल्ला दिलेला आहे.

दोन ग्रहणांचा आपण सगळ्यांनीच अनुभव घेतला. काही वाईट घटना न घडल्याने आधी दाखवलेल्या घटनांशी तुलना करायला मिडीयाला एकही "ब्रेकिंग न्यूज" मिळाली नाही. हे एक बरे झाले.