मला सुद्धा अशीच मदत हवी आहे. :) मी स्वत: सुपर झुमकडे जास्त ओढला गेलो आहे. पण सगळे अभ्यासू मित्र डिएसएलार घे म्हणतात. माझ्याकडे निकॉन फिल्म एसएलाआर आहे. एफ ५५ आणि तो विकायचा आहे. (कोणी घेणार असेल तर :)).
या प्रस्तावावरचे प्रतिसाद मार्गदर्शक ठरतील असे वाटते.

मित्रा, आपल्याकडे असलेला प्रोझ्युमर कॅमेरा कधीच डीएसएलआरच्या गुणवत्तेचे फोटो देऊ शकत नाही. माझे उदाहरण द्यायचे झाले तर माझ्याकडे कॅनन एस टू आयएस कॅमेरा आहे. त्याने खूप उत्कृष्ट फोटो येतात असे मला बरेच दिवस वाटत होते. मान्य करायला वेळ लागला पण नंतर ३५० डी विकत घेतल्यावर सत्य समोर आले. दोन्ही कॅमेर्‍यांनी काढलेल्या फोटोत दिसताक्षणी फरक दिसून येतो. (सर्वात जास्त फरक डिटेल्स मध्ये, मोठ्या सेन्सरमुळे पडला.) कुणा तज्ञ्जाची आवश्यकताच नाही.
कॅमेरा निवडताना आपण कितीपर्यंत खर्च करायला तयार आहात हेच सगळ्यात महत्त्वाचे आहे. खर्चाची फारशी अट नसेल तर ४५० डी ऐवजी ४०डी अवश्य घ्यावा.( फारसा खर्च करायची इच्छा नसल्याने आम्ही साधा ३५०डी सेकंडहँड घेतला आणि बाकी पैसे बर्‍यापैकी लेन्स घेण्यात खर्च केले. काही वर्षांनी अपग्रेड करु :-) तुम्हाला देखील खूप व्यावसायिक नाही पण उत्तम फोटोग्राफी करायची असल्यास डीएसेलारचे एखादे बेसिक मॉडेल घेऊन लेन्सवर खर्च करु शकता. लेन्सवरच बहुतांश खेळ चालतो पण खर्चाची अट नसल्यास ४०डी घ्यायला हरकत नाही.
तुमच्या प्रश्नांची उत्तरे! १)कॅननच...( माझे मत :-) भारतात ते निकॉनच्या खूपच पुढे निघून गेले आहेत) दोन्हीतला कोणता चांगला हा वाद जगाच्या अंतापर्यंत चालू ठेवता येईल.) २) ऑटो फोकसचा संबंध कॅमेर्‍याशी नसून लेन्सशी असतो. ऑटो फोकस आणि फोटोत दिसणारे रंग वगैरे लेन्सवर अवलंबून राहते.तर डिटेल्स वगैरे कॅमेर्‍यावर. ३) या प्रश्नाचे उत्तर वर दिलेच आहे. इमेज क्वालिटीत फरक पडतोच पडतो.

चाणक्य, तुम्हाला सूपरझूमचे आकर्षण का बरे वाटते आहे? जसे मेगापिक्सेलचे युद्ध कंपन्यांमध्ये सुरु आहे तसेच आता झूममध्ये सुरु झाले आहे. कॅननचे बरेच कॅमेरे सध्या २० एक्स झूम पुरवतात. निकॉनदेखील २४ झूमचा कॅमेरा आणला आहे. पण एवढे झूम वापरल्यावर फोटो हलण्याच्या शक्यतेचा विचार केलाच पाहिजे. कारण जेव्हा तुम्ही २४ एक्स पूर्णपणे वापरत फोटो काढता तेव्हा हातातला कॅमेरा काही सेमी इकडेतिकडे हलला तर तिकडे फोटो फुटभर हललेला असतो. एसटूआयएसच्या १२ एक्सलाच ही समस्या जाणवत होती तर २४एक्सने काय होईल? शिवाय इमेज क्वालिटीतही फरक पडणारच! तुम्हीदेखील कॅमेरर्‍याचा वापर कसा करणार आहात याचा विचार करुनच निवड करण्याचा सल्ला मी देईन. मित्र म्हणतात म्हणून डीएसेलारच घ्यायला हवा असे नाही. डिएसेलारला लेन्सचा खर्च करावा लागतो हे लक्ष्यात जरुर घ्यावे. घरगुती सणसमारंभ, सहली अशांकरता फोटोग्राफी करायची असल्यास एखादा ब्रिज/प्रोझ्यूमर कॅमेरा घेण्यास काहीच हरकत नाही. (परत बजेट आणि तुमच्या गरजा हाच मुद्दा येतो )

हुश्श्...थोडीफार मदत झाली असेल अशी आशा करतो.

-सौरभ.
==================

१) कॅनॉन की निकॉन ?
कोणताही. मी स्वत: निकॉन डी ४० वापरतो. या कॅमेराबद्दल माझं मत उत्तम आहे. पण या मध्ये एकच मोठा तोटा मला जाणवला तो म्हणजे, कॅमेर्‍यामध्ये फोकसींग मोटार नसणे. हेच डी४०क्ष व डी६० बाबत. कॅमेरा उत्तम आहे, पण काही स्वस्त किमतिच्या लेन्स (उदा: सिग्मा ७०-३००) यावर ऑटो फोकस होत नाहीत.
पण तुम्ही नवाच घेणार आहात (म्हणजे तुमच्या कडे जुन्या लेन्स नसतील तर)तर कॅनॉनचा ४०डी अथवा निकॉनचा डी९० हे दोन्ही कॅमेरे चांगले आहेत. थोड्या कमी बजेटमध्ये हवे असतील तर निकॉनचा नवा डी५००० अथवा कॅनॉनचा ४५०डी.

कॅनॉन ४५० डी/कॅनॉन ४०डी:
माझ्या अनेक मित्रांकडे कॅनॉन ४०डी आहे. मला तो ४५०डी पेक्षा खालील बाबींमध्ये सरस वाटतो:
१. high ISO performance
२. high fps
३. मजबूत बांधणी (alloy body)

बाकी फरक तुम्हाला येथे कळतील

२) ऑटो फोकस हा DSLR मधे खूप गतिमान असतो का? कारण साधारण कॅमेरामध्ये तो Contrass Base असतो असे वाटते.
ऑटो फोकस तुम्ही वापरणार्‍या लेन्सवर ठरतो. कॅनॉनच्या L प्रकारच्या लेन्सेस गतिमान आहेत. निकॉनबद्दल कल्पना नाही. गतिमान ऑटो फोकस असण्याची गरज बर्‍याचदा क्रिडा क्षेत्रात छायाचित्रण करणार्‍यांना जास्त उपयोगी ठरते. तसेच पक्ष्यांच्या छायाचित्रणातही फायदा होतो. आपले छायाचित्रण कोणत्या प्रकारात आहे हे बघा व तश्या लेन्सेस घ्या. सौरभ यांचे म्हणणे पटते. स्वस्त कॅमेरा व उत्तम लेन्सेस असणे फायदेशीर आहे.

३) माझ्या कॅमेराची Sensor Size - १/१.८" आहे. साधारणतः DSLR ची Sensor Size - १/२.३३"असते. त्यामुळे Image Quality मधे खूपच फरक असेल का? विशेषतः कमी उजेडाच्या छायाचित्रणामधे?
कमी उजेडाच्या छायाचित्रणामधे तुमच्या लेन्सची उघडीप(Aperture) किती आहे यावर सगळा खेळ आहे. f/1.4, f/1.8, f,2.4, f,4 अश्या लेन्स कमी प्रकाशात फार चांगल्या प्रकारे फोकस होतात.

-
ध्रुव

मस्त :)
चर्चेकडे लक्ष ठेऊन आहे. प्रतिसाद उपयुक्त आहेत.
पुढे मागे काधीतरी डी४० किंवा त्यावरचा कॅमेरा घ्यायचा विचार आहे.
--लिखाळ.

सौरभदा आणि ध्रुव तुमच्या लिखाणामुळे खुपच मदत होत आहे.

४०डी हा ४५० डी पेक्षा मला नक्कीच सरस वाटतो. "पण स्वस्त कॅमेरा व उत्तम लेन्सेस असणे फायदेशीर आहे. " हे मला अतिशय पटले आहे. मी पण सेकंडहँड च घेणे पसंत करेन.

४०डी , ४५० डी किंवा ४००डी घेईन असे वाटते. आता बजेट प्रमाणे कोणता चांगला मिळतो बघू.

एक शंका -
कॅमेर्‍यामध्ये फोकसींग मोटार नसणे - ही उणीव ४०डी , ४५० डी किंवा ४००डी यामधे नाही का?

- मित्र