स्वारी.. पण चित्र आवडले नाहि. :(
डावीकडील तटबंदी सदृश भिंत रसभंग करत आहे असे वाटले.

तटबंदी वगळली असती तर वरील पैकी एका विषयावर विचार करता आला असता.

ऋषिकेश
------------------
आयुष्य हे चुलीवरल्या कढईतले कांदेपोऽहे

चित्रातली घुमटांची मांडणी आणि तटबंदी आवडली.

सगळ्यात मोठ्या घुमटावरील सावली मात्र थोडीशी खटकत आहे. वेगेळ्या वेळेला चित्र घेऊन ही सावली टाळता आली असती का?

चित्र सुरेख आले आहे. कृष्णधवल बघायला आवडेल.
कोलबेर यांच्याशी सहमत आहे, सावलीमुळे थोडा रसभंग होतो आहे असे वाटते.

----
परदेशी वूडी ऍलनपेक्षा देशी करण जोहर कधीही श्रेष्ठ असतो.

छायाचित्र ठीक आहे. एखाद्या कडेच्या खिडकीतून कधीतरी अगदी चिंचोळे बाहेरचे दृष्य दिसते तसे वाटले. चित्र गवाक्षातून/झरोक्यातून/ असे काही काढले आहे का?

कधीकधी छायाचित्रात काय दाखवले आहे पेक्षा काय दाखवले नाही ह्याचा विचार करणे सोपे असते तसे आहे.

वरील छायाचित्र इब्राहिम रोजा येथील असावे असे गूगलवरून कळले. बरोबर आहे का?

विजापूरची इतर छायाचित्रे पहायला आवडली असती.

चित्र मोठ्या घुमटाचे आहे असेच् वाटते. घुमटावर पडलेल्या सावलीमुळे चित्राचा निम्म्यापासून खालचा भाग जास्त डार्क आहे. कृष्णधवल इतके चांगले दिसले नसते असे वाटते. त्यात मातकट रंग समजला नसता. सेपिया मोड मध्ये कन्व्हर्ट करुन् बघायला हरकत नाही.

घुमटावर पडलेली सावली महिरपीची नाही अशी शंका येते. महिरपीपलिकडे अजून मोठा घुमट आहे का?

अभिजित...
ता. कर्‍हाड जि. सातारा.

हा चित्र गोल घुमट इमारतीतलाच आहे. मिनारातील जिना चढून गेल्यावर आधी परिघाभोवतीच्या एका सज्जात (बाल्कनीत) आपण पोचतो, मग तिथून पुन्हा मुख्य घुमटाच्या आतल्या बाल्कनीमध्ये जायला दार आहे. त्या बाहेरच्या सज्जातून मिनाराच्या वरच्या घुमटा-घुमट्यांचे हे चित्र वेगळेच टिपले.

सावलीचा मुद्दा बरोबर आहे. सावली हलण्यासाठी अर्धा तास थांबावे लागले असते असे वाटते. (पण घाई होती.)

गंमत म्हणजे सीपिया चित्र केल्यानंतर हे त्या सावलीचेच चित्र होते, आणि तीच उत्सवमूर्ती झाल्यानंतर ती तेवढी बोचतही नाही. डेप्थ ऑफ फोकस बर्‍यापैकी लांब आहे - मोठ्या घुमटावरच्या चुन्याच्या खपल्या दिसत आहेत, सीपियामध्ये हा तपशील उठून दिसतो - मुद्दामून मोठ्या चित्राचा दुवा येथे देत आहे.

सीपिया

धन्याशेठ,

घुमटाचा फोटो मस्तच रे!

तात्या.

न लगे मुक्ति आणि संपदा, मिसळसंग देई सदा!

फोटो सुंदर आला आहे. आम्हाला फक्त छायाचित्रातले इतकेच कळते की पाहताक्षणी चित्र आवडलं का ?
जेव्हा त्याचे उत्तर हो असते ते चित्र सुंदरच !
बाकी छायाचित्रांचे तपशील सांगत बसणे म्हणजे, एखादी सुंदर असलेली स्त्री, कशामुळे अधिक सुंदर दिसली असती असे उगाच कल्पना करुन सांगितल्यासारखे वाटते.
अर्थात आमची काही हरकत नाही...चालू द्या ! :)

सदस्य क्रमांक १४५६ (हल्लीची आयडी "प्रकाश लालपोतू") यांच्याशी झालेल्या पत्रव्यवहारात त्यांनी आपल्या प्रतिक्रिया या धाग्यात जाहीर देण्याबाबत मी त्यांना विनंती केली. त्यानंतरही दुर्दैववश त्यांचे मला अजून व्य.नि.च येत असल्याकारणाने प्रतिसाद देण्यात काही तांत्रिक अडचणी असल्याची शंका येते.

त्यांच्या समीक्षणाची चर्चा व्हावी, मला आणि समुदायातील अन्य सदस्यांना अधिक उद्बोधन व्हावे म्हणून ते येथे देत आहे :

व्य. नि. १
> एव्ह्द्या मोथ्या वास्तूत फोटो घेन्यासारखे दुसरे खूप काही आहे .

व्य. नि. २
> गोल्घुमटाचे आणाखी चान्गले फोटो घेता आले असते .प्रयत्न केला नाही का ?

व्य. नि. ३
> फोटो खास् वाटला नाही.

माझे उत्तर :

गोलघुमटाच्या इमरतीत वेगवेगळ्या दृष्टिकोनांतून अनेक फोटो घेतले आहेत. पैकी हा फोटो मी येथे प्रदर्शित केला आहे. कारण यानिमित्ताने मला लोकांची समिक्षा आणि सूचना मिळवायच्या होत्या. चर्चासुद्धा अधिक उद्बोधक झाली.
छायाचित्रे काढण्याबाबत शिकाऊ असल्यामुळे "आणखी चांगले फोटो घेता आले असते" याबाबत काहीच दुमत नाही.
याबाबत तुमचे विचार लेखाच्या प्रतिसादातच मांडा, त्यामुळे सर्वांनाच तुमच्या चर्चेचा लाभ होऊ शकेल, आणि उपप्रतिसादांमधून मलाही मार्गदर्शन मिळेल.

(त्यांना उघड प्रतिसाद देण्याबद्दल आधीच लिहिल्यामुळे, अजूनही त्यांचे निरोप उघड नसून व्यक्तिगत असणे, हे केवळ दुर्दैववश असावे असे मानण्यास मला जागा आहे. त्यांना तसे सांगितल्यानंतर त्यांचे प्रतिसाद येथे देण्यात कुठलाच अनैतिक गौप्यस्फोट होत नाही, असे मला वाटते.)

मला पण फोटो पाटवायचे आहेत् .काय करू ?

छान चित्रे. मला सगळीच आवडली.

(फोटोग्राफर) माधवी

लय भारी. आमच्या हमाल बंधूंची चित्र पण टाकावी.

- हमाल
सारी दुनिया का बोझ हम उठते है