नमस्कार मंडळी,
सध्या उपक्रमावर चर्चा आणि लेख हे दोन लेखन प्रकार उपलब्ध आहेत आणि अनेक समुदाय सुद्धा आहेत. या पैकी छायाचित्रण-प्रकाशचित्रण समुदायात एखादे छायाचित्र टाकायचे असेल तर लेखन प्रकार निवडताना लेख-चर्चा या पैकी कोणता निवडावा हे ठरवणे थोडे असंबद्ध ठरते असे माझे वैयक्तिक मत आहे. तांत्रिकदृष्ट्या फार फरक पडत नाही. पण या प्रकारचे लेखन करताना अप्रत्यक्षपणे एक साचा बनला आहे. जसे कि,

• छायाचित्र बद्दल माहिती
• छायाचित्राचा दुवा
• छायाचित्र - कॅमेरा बद्दल तांत्रिक माहिती

आता हे लिहिणे अपेक्षीत आहे प्रत्येकाला माहित असेलच असे नाही. त्यामुळे एक विचार असा आला कि जर लेखन करा विभागात छायाचित्र हा प्रकार टाकता आला तर सदस्याना लेखन करणे आणि शोधणे सोपे जाईल. यासाठी ड्रुपलचे एखाचे मोड्युलच बनवता आले तर?

हा झाला एक प्रकार. याच सोबत पुस्तक परिक्षण लिहिताना सुद्धा असाच साचा बनवता येऊ शकतो. म्हणजे पुस्तका बद्दलची प्रकाशन संबंधीत माहिती आणि परिक्षण.

तसे असे काही लेखन प्रकार जे उपक्रमावर वेगळेपण राखुन आहेत आणि त्यांना एक ठराविक साचा आहे अशा प्रकारांसाठी मोड्युल्स बनवता येतील का? तांत्रिकदृष्ट्या ते नक्कीच शक्य आहे. पण त्यासाठी काय करावे लागेल? तज्ञ लोकांची मते आणि मार्गदर्शन लागेल. सदर गोष्ट बनवण्यासाठी उत्साही तंत्रज्ञ लागतील. जर सदस्य यामध्ये सहभागी होणार असतील तर अशी मोड्युल्स बनवण्यासाठी उत्पादन संशोधन समुदायांतर्गत एखादा प्रकल्प राबवता येईल. हे सर्व शक्य होण्यासाठी उपक्रमाच्या व्यवस्थापनाचे सुद्धा सहकार्य लागेल हे वेगळे सांगण्याची गरज नाहीच :). आता हे झाले माझे विचार. तुम्हाला काय वाटते?