शंकर-नाग-उंदिर-उंदिर-उंदिर-बोका-बोका-मांजरी
एक आपला अंदाज ठोकून दिला.

आज उलगडा करावयास हरकत नाही. श्री. धनंजय यांनी व्य,नि,ने उत्तर पाठविले होतेच.
हर ----- शंकर
त्याचा हार ---नाग
त्याचा आहार --- वायु[ हा एक संकेत आहे,नाग वायुवर जगतो अशी समजुत]
त्याचा पुत्र ---- हनुमान
त्याचा मित्र ---राम
त्याचा शत्रु ----रावण
त्याचा भाऊ --- कुंभकर्ण
त्याची प्रेयसी --- निद्रा
तीने गळ्यास घट्ट मिठी मारली तर सकाळी शाळॆस येण्यास उशीर होणारच.
ह्या " अर्क " मुलाच्या पाठीवर एक शाबासकीची थापटी मारावी एवढे पुरे.
शरद

हनुमान हा स्वतःला रामाचा दास म्हणवून घेण्यात धन्यता मानीत असे. म्हणूनच, हनुमान हा रामाच मित्र हे काही पटत नाही.

सहमत आहे. त्यामुळे तर्काची दिशाच बदलते.
प्रकाश घाटपांडे

हनुमान हा स्वतःला रामाचा दास म्हणवून घेण्यात धन्यता मानीत असे. म्हणूनच, हनुमान हा रामाचा मित्र हे काही पटत नाही.

सहमत आहे !

हनुमत्सखा
प्रथम हे मान्य की मित्र हा शब्द पुत्र व शत्रु यांना जुळावा म्हणून निवडला आहे.पण रामाचे व हनुमानाचे नाते केवळ प्रभु-दास असे नाही. त्यांच्यात सख्यत्व आहेच.रांमायणातील एक उदाहरण देतो, इतर सापडतील. हनुमान रामाला म्हणतो " स्नेहो मे परमो राजंस्त्वयि तिष्टतु नित्यदा " उत्तरकांड ४०.१६-१७
हनुमानच कशाला सर्व मराठी संत विठ्ठलाचे भक्त आहेत व त्याच वेळी त्याचे सखे आहेत. तेंव्हा हनुमानाचा मित्र राम हे ठीकच.
अवांतर : ही गोष्ट मी रचलेली नव्हे, ऐकलेली. पण ही नक्कीच संस्कृत सुभाषिताची छाया आहे. कोण शोधणार हे सुभाषित ?
शरद

पण शरद यांचे अधिक पटण्यासारखे आहेत. गंमत म्हणून माझे दुवे देत आहे. सुरुवात आणि शेवट शरद यांनी सांगितलेलाच आहे, पण साखळीच्या दोन कड्या वेगळ्या आहेत :

हर ----- शंकर
त्याचा हार ---नाग
तो आहार ज्याचा --- गरुड [इथे "नागाहार" = नागाचा आहार/नाग आहार ज्याचा असा श्लेष गृहीत धरला आहे]
त्याचा पुत्र ---- जटायू
त्याचा मित्र ---राम
त्याचा शत्रु ----रावण
त्याचा भाऊ --- कुंभकर्ण
त्याची प्रेयसी --- निद्रा

धनंजय यांचे उत्तर् जास्त् योग्य् आहे असे माझे मत् आहे.

कोडे, प्रतिसाद वाचुन मजा आली. अजुन येउ दे. धनंजय यांचे उत्तर जास्त पटते.

अवांतर - शंकर भगवान यांचा नाग म्हणजे मामुली नसावा "नागाधिराज" असावा म्हणजेच किंग कोब्रा. पूर्ण वाढ झालेल्या किंग कोब्राचा आहार हा बहुतांशी इतर साप असतात. पूर्ण वाढ झालेल्या किंग कोब्राचा शत्रु माणूस सोडला तर दुसरा किंग कोब्राच.

यनावालाजी आजकाल कोडी घालत नाहीत :-(

ही माहिती चांगलीच् आहे. नाग, भुजंग, अजगर इत्यादी प्राणी खुपच काळापर्यंत उपाशी राहु शकतात असे ऐकले होते. ते प्राणायम करतात आणि अशा स्थितीत त्यांना अत्यल्प आहारावर जगता येते असेही ऐकले होते.

अमेरिकेत त चा ज
पुण्यात आनंदीबाईने ध चा मा केला हे सर्वांना माहित आहे. पण अमेरिकेत आचार्य धनंजय यांनी त चा ज केला हे आमच्या लक्षात जरा उशिराच आले.
सुरवात अशी आहे....... हराच्या हाराच्या आहाराच्या.... हर ..शंकर, त्याचा हार .... नाग, त्याचा आहार...वायू आचार्यांनी त चा ज करून नाग ..ज्याचा आहार [तो] गरूड
असा दुवा जुळवला.. वाहवा.
[इतिहासात वर्तमान पहाणारा] शरद

वा! खूपच माहितीपूर्ण धागा! :)

तात्या.

न लगे मुक्ति आणि संपदा, मिसळसंग देई सदा!