यात बोली भाषेतला (आणि लेखीमध्ये चालणार नाही असा) कुठला शब्द आला आहे?

फारतर एकाच वाक्यात "सायबाला" आणि "साहेब" शब्द घेतले, ते शैलीच्या दृष्टीने विचित्र वाटते. थोडेसे, खूप नाही. "साहेबाला" असे म्हटले असते, तर त्याच वाक्यातील "साहेब"बरोबर शैली जुळली असती.

(बोलीमध्ये आहेत पण लेखीमध्ये नाहीत, अशी शब्दांची उदाहरणे तुम्ही दिलेली पटत नाहीत. प्रादेशिक बोलींमध्ये काही शब्द आहेत ते बाकीच्या महाराष्ट्रात फारसे ओळखीचे नाहीत, असे काही तुम्हाला म्हणायचे आहे काय? किंवा काही विशिष्ट जातींच्या आपापसात बोलण्यात काही शब्द वापरतात, ते बाकीच्या मराठी लोकांना फारसे ओळखीचे नाहीत, असे काही तुम्हाला म्हणायचे आहे काय? तर अर्थातच उत्तर "होय" असेच आहे. पण तो वेगवेगळ्या बोल्यांमधला फरक झाला, बोली विरुद्ध लेखी असा कुठला फरक वाटत नाही.)

- - - -

त्या अनुषंगाने - वर तुम्ही "नाहीए" असे (उच्चारानुसारी योग्यच) लिहिले. त्याच प्रमाणे
"सख्यान् सायबाल् टोक्री दाखव्ली न् साय्ब् काय् समजाय्च्ते समज्ला."
असा वरील लिहिलेल्या एका वाक्याचा भराभर केलेला उच्चार ठीक वाटतो - सामान्य संधीनियमांप्रमाणे ध्वनींमध्ये बदल झाले आहेत. मराठीत संधी करून बदल झालेले ध्वनी लेखनात लिहायची प्रथा नाही. (संस्कृतात तसे बदल करून लिहिण्याची प्रथा आहे.)
त्यामुळे बोली आणि लेखीमध्ये काही फरक दिसतो - पण तो केवळ भासमान आहे, खरा नाही.

तुम्ही लिहिलेले "नाहीए"बाबत
"नाही आहे" असे लिहिण्याची पद्धत आहे, पण "नाहीए/नैये" असाच काही उच्चार होतो - हे तर सामान्य संधीनियमांप्रमाणे.
(= "नाही आहे" अस्लिह्ण्याची पद्धते, पण्"णाहीए/नैये" असाच्कईयुच्चारोतो - असे लिहिण्याची प्रथा [संस्कृतासारखी] पाडून मराठीभाषकांच्या साक्षरतेबाबत विशेष फायदा होईल असे तुम्हाला वाटते का?)