मासॉच्या उकळत्या दुधाने इतक्या वेळा भाजले आहे की आता त्यांचे ताकही डीपफ्रीज करून प्यावेसे वाटते. विनोदाचा भाग सोडला तर विंडोज सातबद्दल फारशी उत्सुकता वाटत नाही. कारण नव्या खिडक्यांसोबत त्यांच्या नवीन अडचणी आणि त्यावर नवीन उपाय शोधणे नको वाटते.
खरे तर ऑपरेटींग सिस्टीम एकदा सेट झाली की बदलण्याची गरज भासू नये. फक्त त्यात सुधारणा व्हाव्यात. (याच कारणासाठी लिनक्स आणि म्याक इतक्या दणकट बनल्या असाव्यात.) मासॉची दर वर्षाला नवीन ओएस ही कल्पना 'कॉन्ट्रॅडिक्शन इन टर्म्स' वाटते.

----
रंध्रात पेरीली मी, आषाढ दर्द गाणी

मी विस्टा वापरलेली नाही. मित्राकडे पाहिली आहे. मात्र त्यापेक्षा वरील ओएसमध्ये काय वेगळे आहे हे समजले नाही. स्टार्ट मेनू मध्ये दिसणारे "सर्च प्रोग्रॅम अँड फाईल्स" हा पर्याय किंवा मागे डेस्कटॉपवर दिसणारे चंद्रसूर्य, हवामान, घड्याळ, कॅलेंडर वगैरे पायथॉनाधारित स्क्रीनलेटांचे प्रकार मॅक व लिनक्सच्या सिस्टमांमध्ये आधीच होते. (http://www.screenlets.org/index.php/Home)

या ऑपरेटिंग सिस्टममध्ये आधीच्या वर्जनांपेक्षा सुरक्षितता, स्थैर्य वगैरेंसाठी काही भयानक वेगळे केले आहे काय?

You can switch between Wi-Fi networks in one click from the system tray.

ही सुधारणा येण्यासाठी विंडोजकर्त्यांना २००९ ची वाट पाहावी लागली याचे वाईट वाटते. यापूर्वी कसे होते? सिस्टम पुन्हा चालू करावयास लागायची काय? :) वरील सोय इतर अनेक ऑपरेटिंग सिस्टमांमध्ये आधीच आहे.

कर्णा उबंटुच्या वरच्या चित्रांबद्दल जरा सविस्तर माहिती दे ना रे.... आम्ही सुद्धा टाकतो असे...

सूरज का सातवा घोडा (विंडोज ७) मधील गणकयंत्रामध्ये बर्‍याच सुधारणा करण्यात आल्याचे कळते.

----
रंध्रात पेरीली मी, आषाढ दर्द गाणी

ज्यांच्याकडे विस्टा आहे त्यांना सूरज का सातवा घोडा अपग्रेड म्हणून फुकट मिळणार असल्याची बातमी आहे. बातमी ऐकून का कुणास ठाउक, विशेष आनंद झाला नाही. :)

----
काय? तुम्ही चित्रपट पाहिलेत? आणि वर फोटोही काढलेत? स्वतःला भौतिकशास्त्रज्ञ कसे म्हणवते तुम्हाला?