ब्रॅडफोर्ड पीअर झाडांची पांढरी शुभ्र फुले सुंदर दिसतात. आपल्याकडील गुलमोहरासारखेच त्याचे वैशिष्टे दिसते.

अचानक सप्टेंबर महिन्याच्या शेवटाला या झाडाला नवी पालवी आली आणि आठवड्याभरापूर्वी नवी फुलेही. हा प्रकार का आणि कशामुळे घडला असावा यावर कोणी प्रकाश टाकू शकेल का?

सांगता येणार नाही.

अवांतर : वसंत, ग्रीष्म,वर्षा, शरद,हेमंत,शिशिर अशा ऋतूंच्या उल्लेखामुळे पालवी कधी येते आणि फुले कधी येतात यात आमचा जरा गोंधळ होत आहे. त्याच्याऐवजी उन्हाळा, पावसाळा, हिवाळा असे लिहिले असते तर समजणे सोपे गेले असते. अर्थात वेगवेगळ्या देशातील वेगवेगळे ऋतू म्हणुन कदाचित तसे असावे. (चुभुदेघे)

ह्या ऋतून अनेक झाडांना पालवी असते. तुमच्या त्या झाडाला असू शकेल. इथे काही निरीक्षणे आहेत. तुम्ही दिलेला दुवा ब्रॅडफोर्ड पेअरचा नव्हता.

हे म्हणजे कोकणातल्या माणसाला "तुला आंब्याचे झाड ठाऊक नाही रे!!" असे म्हणण्यासारखे झाले. :-) ह. घ्या.

मी दिलेला दुवा ब्रॅडफोर्ड फ्लावरींग पेअरचाच आहे आणि त्याला फॉलमध्ये पालवी येत नाही. अधिक दुवा येथे बघावा. दुकानातून झाड घेताना त्याबरोबर आलेली लेबल्स आणि माहितीही वाचलेली आहे. तेव्हा हे कोणतेही वेगळे झाड नाही. तसेच अशी झाडे आमच्या गावातही भरपूर आहेत. आम्ही झाडं विकत घेतली तेव्हा आमच्या शेजार्‍यांनीही विकत घेतली होती. एकूण १२-१५ झाडे आम्ही त्यावेळेस लावली. त्यापैकी फक्त एकाच झाडाला नव्याने पालवी फुटून फुले आली. बाकीची झाडे अजूनही बर्‍यापैकी हिरवी आहेत.

गावात अन्य ब्रॅडफोर्ड पेअरला फुले आलेली नाहीत*. पानगळ होऊन नवी पालवी आलेली नाही. अद्याप इतर सर्व झाडे बहुतांश हिरव्या पानांची आहेत.

झाड जगले नाही तर वर्षभरात परत करता येते म्हणून त्याचा टॅग जपून ठेवला होता. हा त्याचा फोटो (घाईत काढल्याने जरा हलला आहे त्याबद्दल क्षमस्व!) यावरून झाड कोणतेही वेगळे नाही हे कळेल.

* अन्य म्हणजे येताजाता माझ्या नजरेस जी पडतात ती. संख्या शेकड्याच्या वर असावी.

तुमच्या प्रश्नाचे उत्तर माहित नाहि पण ही फुले असतात मात्र देखणी आणि नाजूक :)

ऋषिकेश
------------------
जगात १० प्रकारचे लोक असतात द्विमान पद्धती समजणारे आणि न समजणारे

वसंतात फुललेल्या झाडांचा फोटो आवडला. (या फुलांना सुवास असतो का? झाड चंदनबटव्याच्या जातकुळीतले वाटले.)
प्रश्नाचे उत्तर माहित नाही.

एकूण १२-१५ झाडे आम्ही त्यावेळेस लावली. त्यापैकी फक्त एकाच झाडाला नव्याने पालवी फुटून फुले आली.

यावरून "शरदातील पालवी" नावाची भयकथा मला स्पष्ट दिसते आहे. जरा झाडाखाली दहा फूट खोल खणून पहा. ;)

असे का व्हावे याचा अंदाज नाही. काही झाडांना दोनदा फुलोरा येतो पण इथे तसा प्रकार नाही. एकाच झाडाच्या बाबतीत ते घडले आहे.

दहा फुट खणण्याचा प्रस्ताव योग्य आहे:) ..तेथे काही खते किंवा रासायनिक संप्रेरके घातली गेली होती का? एखादे वेळी त्यामुळे झाडाच्या नैसर्गिक चक्रात अचानक पानगळ आली असेल आणि त्यामुळे फुलोरा..अथवा अचानक फुलोरा आणि मग पानगळ.. पण असे होउनही पुढे हिवाळा लगेच न आल्याने झाडाने पाने पुन्हा तयार केली असतील. संप्रेरके अथवा वेगळ्याच कुठल्या खतामुळे झाडाला दोनदा फुलोर्‍याची संधी आपोआप मिळाली असेल. हा आपला माझा अंदाज.. तसे नसेल तर तर वेगळा तर्क लढवावा लागेल :)

(संप्रेरके-वेगळीच काही रसायने यामुळे असे होण्याची शक्यता हाच एक अंदाज आणि त्यावरचा हा इमला :) )
--लिखाळ.