मात्र त्यासाठी पुढच्या श्रावण शु. पौ. साठी थांबूया नको. शुभस्य शीघ्रम् ।

_____________________________________________________________________
सुन्दरी च सरला च मधुरा च एषा भाषा, आगच्छन्तु, आगच्छन्तु, आस्वादयन्तु ।
तित्तित्तारा, तित्तित्तारा, तित्तित्तारा, तित्तित्तारा, तित्तित्तारा, तित्तित्तारा, तित्तित्तारा, तोम् ।।

फारच छान!त्यासाठी कांही सुचना मागविल्या तर------?

उदा. अमरकोशाचे सहाय्य घेऊन सर्वाधिक समानार्थी शब्द शोधून काढणे. उदा. सूर्य: = प्रभाकर:, सविता, दिनकर: इ.इ.
______________________________________________________________________
सुन्दरी च सरला च मधुरा च एषा भाषा, आगच्छन्तु, आगच्छन्तु, आस्वादयन्तु ।
तित्तित्तारा, तित्तित्तारा, तित्तित्तारा, तित्तित्तारा, तित्तित्तारा, तित्तित्तारा, तित्तित्तारा, तोम् ।।

संस्कृतसाठी काही करण्यासाठी एखाद्या दिवसाचीच गरज असेल, तर तीन वर्षांपूर्वी भारत सरकारने संस्कृतला अभिजात भाषेचा दर्जा दिला होता. तमिळ भाषेला आधी (राजकीय् सोयीकरिता) हा दर्जा दिला गेला असला आणि संस्कृतला सरकारी दर्जाची गरज नसली तरी प्रगतीचा एक आढावा घेण्यासाठी म्हणून त्या दिवसाचा उपयोग आहेच.

हा दिवस जोरात आणि दिमाखात साजरा व्हावा.
मी ही सहमत आहे!

पण आत्ताच आमच्या बिरुटे सरांच्या वही मध्ये डकवलेले एक अर्थ-गर्भ चित्र पाहिले
आणि भारतीय भाषांची परिस्थिती किती भयाण झाली आहे याची जाणीव झाली.
हे चित्र म्हणजे आजच्या स्थितीचे बोचरे पण खरे विवरण आहे.

असो,

हा दिन 'सरकारी' न उरता जेंव्हा जनसामान्यांना आपला वाटू लागेल तो खरा उत्सवी दिवस असेल.
आजच्या घडील तर संस्कृत घेवून पदवी शिक्षण करणारे किती असतील याची गणतीही नाममात्रच ठरेल.
कारण त्याचे व्यावसायिक उपयोगित्व कुठे दिसून येत नाही. आणि म्हणूनच सामान्यांना त्याचे महत्व वाटत नाही असे मला वाटते.
शिवाय संस्कृत म्हंटल्यावर व्याकरण आणि पाठांतर हे महत्वाचे नावडते भागही घाबरवून सोडतात असे वाटते. तसेच 'संस्कृत म्हणजे बामणांची भाषा' हा पण सार्वत्रीक गैरसमज काही अंशी याला कारणीभूत आहे. काला परवा साप्ताहिक सकाळ मधल्या एका लेखात अशा आशयाचे मराठी विषयी एक वाक्य वाचले. (अनुभव, वंदना भागवत, पान २२, साप्ताहिक सकाळ २७ सप्टे. २००८). [ वंदनांचा हा लेखही उत्तम होता... बराच काळ विचार करायला लावणारा]
म्हणून सामान्यांना आपलेपणा वाटावा आणि सामान्यांसाठी भाषेचे उपयोगित्वही वाढावे या दृष्टीने काही काम करणे आवश्यक आहे असे माझे मत आहे.

आपला
गुंडोपंत