पृथ्वी-मंगळ अंतर हे वर्षात कमीजास्त होत असते. मंगळ आणि सूर्य एका घरात (किंवा जवळपास) असतात तेव्हा मंगळ-पृथ्वी अंतर हे सूर्य-पृथ्वी अंतरापेक्षा अधिक असते. (म्हणजे ऑगस्ट २००८ मध्ये पृथ्वीपासून मंगळ सूर्यापेक्षा अधिक अंतरावर आहे.) मंगळ सूर्याच्या घरापासून ६ घरे दूर असला (उदा : सूर्य मेषात, आणि मंगळ कन्येत) तेव्हा पृथ्वी-मंगळ अंतर हे पृथ्वी-सूर्य अंतरापेक्षा अर्धे असते. पण आकडे माहिती असल्याशिवाय बाह्यग्रह-पृथ्वी अंतर >=?< पृथ्वी-सूर्य अंतर, असे ढोबळ निष्कर्ष काढता येत नाहीत. (बाह्य ग्रह म्हणजे मंगळ, गुरू, शनि...[बुध, शुक्र सोडून बाकी सर्व]) उदा : पृथ्वी-गुरू हे अंतर पृथ्वी-सूर्य अंतरापेक्षा नेहमीच अधिक असते - वर्षातून कधीही.

खग्रास बद्दल शरद् कोर्डे यंचा निष्कर्ष योग्यच आहे. (म्हणजे हा निष्कर्ष : ईमेल ठीक असती तर मंगळावरून पृथ्वीमुळे कधीतरी खग्रास सूर्यग्रहण दिसण्याची शक्यता* होती. आणि ईमेल ठीक नाही. मंगळावरून पृथ्वीमुळे होणारे सूर्यग्रहण कंकणाकृती असते. जसे पृथ्वीवर बुध/शुक्र यांच्यामुळे होणारे सूर्यग्रहण कंकणाकृती असते, तसे. सूर्यापुढे शुक्र/बुध यांचा ठिपका इतका लहान असतो, की "कंकण" शब्द चित्रदर्शी राहात नाही. म्हणून अशा युतीला "कंकणाकृती सूर्यग्रहण" म्हणायची पद्धत नाही. केवळ चंद्रामुळे झालेल्या अशा प्रकारच्या ग्रहणाला चित्रदर्शी शब्द म्हणून "कंकणाकृती" म्हणण्याची रूढी आहे.)
*"शक्यता"च का? शाश्वती का नाही? ग्रहण होण्यासाठी दोन ज्योती एका घरात आलेल्या पुरत नाही. राहू/केतूही त्याच घरात असावे लागतात. म्हणूनच प्रत्येक अमावास्येला पृथ्वीवर चंद्रामुळे सुर्यग्रहण होत नाही.