वीज भारनियमन विचारुच नका, फारच भयंकर अवस्था आहे.
सकाळी सहाला वीज जाते दहाला येते. पुन्हा सायंकाळी चारला जाते आठला येते. दिवसभरात तिला वाट्टेल तेव्हा येते-जाते. मध्यरात्रीही येणे-जाणे चालूच असते. पाऊस नसल्यामुळे उकाडा, पंख्याशिवाय झोप येत नाही. वीजेच्या अशा येण्या-जाण्याने झोपेचे फार खोबरे झाले आहे. त्यामुळे मानसिक आरोग्य बिघडले आहे. :(

१)मुंबईला खाजगी कंपण्या वाढीव दराने वीज पुरवठा करतात आणि त्या मुंबई शहराची गरज भागवू शकतात म्हणे.

मुंबई चे १ तासाचे लोडशेडींग संपूर्ण महाराष्ट्रातील किती तासाचे लोड्शेडीग कमी करु शकेल ?

मुंबईचे एक तास वीजभारनियमन केले तर अंदाजपंचे म्हणतो. सकाळी अर्धा तास आणि सायंकाळी अर्धा तासच वीज भारनियमन करावे लागेल. ( किमान शहरात तरी )

अवांतर : आमचा एक उपक्रमी मित्र म्हणतो. आमच्या देशात एक मिनिट वीज जात नाही, मागे कधी गेली होती आठवत नाही. असं वर्णन केल्यावर वाइट वाटतं :(

-दिलीप बिरुटे

सध्या ग्रामीण आणि निम्नशहरी दर्जाच्या ठिकाणी भारनियमनाने कहर केला आहे. पुणे आणि मुंबई सोडली तर ६ ते १२ तासासाठी भारनियमन चालू आहे.

कदाचित यामूळे शहर आणि खेडी यातील विषमता वाढण्याचा धोका अजूनही वाढलेला आहे.

त्याच बरोबर डिझेल च्या तुटवड्यामूळे अनेक ठिकाणी मालवाहतूक करणार्‍या गाड्या अडकून पडल्याच्याही वार्ता कानी येत आहे.

या पार्श्वभूमीवर पर्यायी इंधन आणि पर्यायी विजेचा विचार व्हावा.

त्याचबरोबर विज आणि इंधन काटकसरीचा विचार व्हावा.