ही गौळण भाटकर बुवांनी मस्त गायलेय.
हे भजन त्यांचे विशेष प्रिय होते. "राधा पाहून भुलले हरी,बैल दुभवी नंदा घरी" हे संत एकनाथांचे शब्द एखाद्या प्रणयी कवीला लाजवणारे आहेत की नाही, असा प्रश्न विचारून ते दुसर्‍याच्या हातावर टाळी द्यायचे.
काट्याच्या अणीवर...हे भजनही ते फार प्रेमाने गायचे.

मराठी भाषा हा माझा प्राणवायू आहे

लेखमालेतील सर्व लेख वाचले. संतकवींच्या कवितांतले 'काव्य' आपण अगदी अचूक टिपले आहे.
लेखमाला अजून पुढेही चालवावी.

अवांतर -
लोकवाङ्मय 'ङ्म' = shift G + m + a

शृंगाररसामध्ये डुंबलेल्या लावणीफ़डावर आणि भक्तरसांत चिंब झालेल्या भजनी मंडळात एकाच वेळी गायले जाण्याचे भाग्य अशा एखाद्याच रचनेला लाभते.

शरदरावांनी समर्पक शब्दात सार दिले आहे.
प्रकाश घाटपांडे

काय योगायोग आहे. कालपरवाच हा अभंग मी कुठेतरी वाचला. जयदेवांचे गीतगोविंद बंगालमध्ये प्रसिद्ध झाले तर महाराष्ट्रात शृंगाररसाने कसे वेगळे वळण घेतले असे त्या लेखात लिहिले होते.

जंबीर आणि मिनणे या शब्दांचे अर्थ इथे विचारणारच होतो. तर तुम्ही हा अभंग इथे दिला.

अतिशय सपर्पक शब्दांत तुम्ही अर्थ दिला आहे. ही मालिका अशीच पुढे चालू राहिली तर फार आवडेल.

या मालिकेतील नामदेवांच्या बरोबर ही चित्रमय कविताही फार आवडली.

अनेकानेक धन्यवाद.

मराठी असे आमुची मायबोली तिला बैसवूं वैभवाच्या शिरी |
***********************************
श्री.शरद यांच्या 'संतांच्या कविता' या मालेतील पाचही कविता उत्तम आहेत. प्रस्तुत गीत "वारियाने कुंडल..." ची चाल परिचित असल्याने ते छानच वाटते. अर्थ तसा सोपा असला तरी"फणस जंबीर करदळी दाटा ,हाती घेऊनि नारंगी फाटा |" याचा संदर्भ समाधानकारक लागत नाही. मला वाटते राधा ज्या वाटेने जात आहे तिथल्या निसर्गाचे हे वर्णन असावे.श्री. शरद लिहितातः "दोघांनी एकमेकांना गल्लीमध्येच पाहीले असणार ..." मला वाटते राधा एखाद्या पाणंदीतून जात असता समोरून हरी आला. दृष्टादृष्ट झाली.
...दोन्ही बाजूला दाट शेते/झाडी आणि मधून जाणारी अरुंद पायवाट. कोकणीत या साठी पाणंद/पाणंदी असा शब्द आहे. घाटावर पांदी म्हणतात.कवि यशवंत यांच्या "अजुनी कसे येती ना परधान्या राजा |" या कवितेत हा शब्द आहे.
...दोन्ही बाजूंना फणस, जंबीर, रानकेळी यांची दाटी असलेल्या पायवाटेवरून राधा चालली होती.तिच्या हातात नारींगीची छडी (फाटा/फोक)होती...(डोक्यावर दही ,दुधाचा घडा असला तर कावळ्या कुत्र्याचा त्रास संभवतो. म्हणून हाती फाटा..)