मालवण किनारपट्टीच्या आसपासच्या परिसरात, विशेषकरून आचरे, देवबाग येथे, माडांची मोठ्या प्रमाणावर हानी झाली आहे.

या परिसरातील माडांना ’कोळी’रोगाने ग्रासले आहे. हे कोळी अत्यंत सुक्ष्म असून सहजासहजी दिसत नाहीत. नारळाच्या देठापासून ते नारळ खरवडायला सुरूवात करतात. त्यामुळे नारळावर तपकिरी रंगाचे चट्टे पडतात.

फळाची वाढ खुंटते आणि नारळ बेढब दिसतो. या कोळी रोगामुळे कोकणातले अनेक बागायतदार ह्वालदिल झाले आहेत.

या रोगावर ’ऍझाडिरेक्टीन’ औषधाची फवारणी लवकरात लवकर करून घ्यावी असे आम्ही सुचवित आहोत.

हे औषध ग्रामपंचायतीत आणि जिल्हा परिषदेत पन्नास टक्के अनुदानावर उपलब्ध आहे. या अनुदानाचा लाभ कोकणातील बागायतदार बंधूंनी घ्यावा.

आपला,
(नारळवाला) धोंडोपंत