या संकेतस्थळाची माहिती दिल्याबद्दल अनेक आभार. संकेतस्थळ देखणे आणि वाचनीय आहेच, पण आर एस एस फीड आणि 'ह्या लेखाच्या जवळपासचे' ह्यासारख्या सुविधांमुळे संगणकावर वाचायला आणि नवीन अंकांचा/लेखांचा माग ठेवायलाही उपयुक्त आहे.

धावत्या वाचनात डॉ. केळकरांचा लेख आवडला. त्यातले 'जीवनाचा अनुभव घेण्याची ज्याची त्याची लकबच अखेर एक भाषिक लकब असते', हे वाक्य आणि त्याआधीचा परिच्छेद विशेष आवडला. 'भाषा आणि जीवन'चे अंक परदेशात मागवण्याची सोय उपलब्ध आहे का? संपर्क साधा/सहकार्य कराल या दुव्यांखाली त्याबद्दल काही आढळले नाही.

नंदन
मराठी साहित्यविषयक अनुदिनी

एकंदरीतच कार्यक्रम खुपच छान झाला. विशेषतः अनिल अवचट यांचे भाषण आम्हाला फार आवडले.

महाविद्यालयीन विद्यार्थ्यांचे वार्षिकांक स्पर्धा आणि त्याबाबत परिक्षकांचे चे विवेचन आवडले.

फक्त एकच खंत जाणवली की कार्यक्रमात ८५% उपस्थिती ही ६० वर्षावरील लोकांची होती आणि काही ठोस कार्यक्रमाची आपल्या भाषेला गरज आहे. अजूनही आपणसर्व चाचपडत आहोत हे काही चांगले चिन्ह नाही.

असो. चित्त आणि त्यांच्या सर्व सहकार्‍यांचे अभिनंदन.

मराठीचा सर्वांगीण विकास होण्यासाठी प्रयत्न करणे.

म्हणजे नक्की काय करणे? कारण माझ्या मते मराठी भाषा ही विकसितच भाषा आहे. (इथे आपल्याला 'मराठी माणसाचा विकास' असे म्हणावयाचे नसून 'मराठी भाषेचा विकास' असेच म्हणायचे आहे असे गृहीत धरतो. हां, 'मराठी माणसाचा विकास' असे म्हणावयाचे असते तर गोष्ट वेगळी, कारण मराठी माणसाचा विकास करण्यास अजून बराच वाव आहे असं माझं मत आहे!)

लोकव्यवहारात मराठीचा वापर होण्यासाठी प्रचार करणे.

इतर ठिकाणांबद्दल मला फारशी कल्पना नाही, परंतु महाराष्ट्राच्या राजधानीत तरी माझ्या पाहणी आणि अनुभवाप्रमाणे बराचसा लोकव्यवहार हा हिंदीतूनच चालतो. १९८३ सालापासून मराठी अभ्यास परिषदेने मुंबई आणि अन्य ठिकाणी लोकव्यवहारात मराठीचा वापर/प्रचार होण्यासाठी नक्की काय प्रयत्न केले आहेत, हे सदर संस्थळावर मला कुठेच आढळले/सापडले नाही. कृपया दुवा द्यावा...

ज्ञानव्यवहारात मराठीला प्रतिष्ठा प्राप्त करून देणे.
मराठी भाषकांच्या भाषिक गरजा पूर्ण करणे

हम्म! हे दोन्ही विचार स्पृहणीय आहेत, अनेकोत्तम शुभेच्छा!

असो, सदर संस्थळाबद्दल जुने मनोगती सदस्य श्री चित्त आणि संबंधितांचे अभिनंदन आणि शुभेच्छा!

आपला,
(मराठी) तात्या.

न लगे मुक्ति आणि संपदा, मिसळसंग देई सदा!

नव्या तंत्राचा अंगिकार करण्याच्या म. अ. परिषदेच्या निर्णयाबद्दल त्यांचे अभिनंदन! अतिशय सुबक आणि सुरेख संकेतस्थळ निर्माण केल्याबद्दल चित्तरंजन यांचे आणि या कामात बहुमूल्य मदत करणार्‍या योगेश यांचे हार्दिक अभिनंदन!

द्वारकानाथ यांनी म्हटल्याप्रमाणे कार्यक्रम चांगला झाला. अवचटांचे भाषण छान होते. (आम्हाला तेवढेच भाषण ऐकता आले.) विशेषतः मराठी माध्यमातून (मातृभाषेतून) शिकण्यामुळे (जाणते-अजाणतेपणी) व्यक्तिमत्त्वाचा होणारा विकास, एक संस्कृती पूर्ण आत्मसात केली की इतर संस्कॄती समजणे आणि अंगिकारणे सहज होते, मुलांवरील 'अभ्यासा'च्या वाढत्या ताणामुळे इतर बाबींकडे होणारे दुर्लक्ष हे मुद्दे त्यांनी सोदाहरण आणि चांगले मांडले.

सकाळमधील बातमी

चित्त आणि योगेश दोघांचेही अभिनंदन. चित्तांनी काही महिन्यांपूर्वी या कल्पनेबद्दल सांगितल्याचे आठवते पण ती इतक्या लवकर मूर्त स्वरूपात येईल असे वाटले नव्हते.

सदर संकेतस्थळावर ऑनलाईन चर्चा इ. विभाग टाकले जाणार आहेत का की संस्थळाचे स्वरूप वाचनमात्र असेल?

चित्त,योगेश,शशांक आणि त्यांच्या सहकार्‍यांचे अभिनंदन!संस्थळाला धावती भेट दिली,देखणे आणि वाचनीय संस्थळ!
स्वाती

चित्त,योगेश (आ.कर्ण) ,शशांक तुमचे मनापासुन अभिनंदन.
आपापले व्याप सांभाळुन असे कार्य करणे खुप कौतुकास्पद आहे,
त्रिवार अभिनंदन !

चित्त, योगेश आणि शशांक यांच्या सोबत या संकेतस्थळासाठी श्रम घेणार्‍या सर्वांचे मनापासून अभिनंदन. नुसत्याच चर्चा आणि त्या चर्चांमधुन तेच तेच मुद्दे काढून, अथवा फक्त वल्गना करण्यापेक्षा अशा कृती करण्याचे श्रेय तुम्हास जाते. या बद्दल जास्त न लिहिता काही सुचवण्या देतो आहे. शक्य असल्यास त्यावर विचार करावा.

संकेतस्थळाच्या हेडरमध्ये जो लोगो आहे तो छोटाकरून ड्रुपलचा जो लोगो आहे तिथे सुद्धा वापरता येईल का?
संकेतस्थळावर गमभनचा दुवा देता येइल का? मराठीच्या प्रसारासाठी त्याचा नक्कीच फायदा होईल.
संकेतस्थळ सुधारणासांठी अथवा तांत्रिक तक्रारींसाठी काही सोय करता येईल काय?

पुन्हा एकदा सर्वांचे अभिनंदन.

संकेतस्थळ फारच छान झाले आहे. सर्वांचे अभिनंदन!
या स्थळावर मराठी शिक्षकांसाठी विभाग सूरू करावा. ज्यामध्ये विद्यार्थ्यांना व्याकरण सोप्या पद्धतीने कसे शिकविता येईल किंवा त्यांच्यामध्ये भाषेची गोडी कशी निर्माण करता येईल यासंबंधी मार्गदर्शन असावे.
जयेश

फायरफॉक्समध्ये विषयाच्या चौकटीत टंकित शब्दांचा खालील भाग नीट दिसत नव्हता. प्रतिसाद संपादित करण्याचा पर्याय दिसत नाही. संपादकांनी कृपया जमल्यास सुधार करावा.

बाय द वे, व्याकरण सोप्या पद्धतीने शिकविल्यास किमान नवीन पिढीमध्ये तरी प्रमाण भाषेबद्दल अढी राहणार नाही :)
जयेश

बरेच दिवस चित्त, योगेश, शशांक वगैरेंची धडपड पहात होतो. संकेतस्थळ एकदम झकास बनले आहे.

मराठी साहीत्य परिषदेच्या कार्याला या संकेतस्थळामुळे नक्कीच हातभार लागेल.

अभिजित...

एक दुरुस्ती - या संकेतस्थळाच्या निर्मितीमध्ये चित्तरंजन आणि योगेश यांचाच सहभाग होता. इच्छा असूनही मला व्यक्तिशः फारसे योगदान करता आले नाही. शेवटच्या दिवशी काही छोट्या तांत्रिक अडचणींवर जुजबी इलाज इतकाच माझा प्रत्यक्ष सहभाग म्हणता येईल.

मराठी साहित्य परिषद ह्या संस्थेच्या भाषा आणि जीवन ह्या त्रैमासिक पत्रिकेला पुढील विषयासंबंधीचे  लेखनला हवे आहे :

मराठी, अन्य देशीविदेशी भाषा, भाषांची तुलना (शब्दघटना, रचनावैशिष्ट्ये, इ०), भाषाविज्ञान, भाषांतर, शैली (व्यवहारातील व साहित्यातील), भाषिक व भाषाशिक्षणविषयक संशोधन, परिभाषा, भाषिक वर्तन, भाषाविषयक शैक्षणिक व शासकीय धोरणे, पुस्तक-परीक्षणे, पानपूरके, पत्रिकेतील प्रकाशित मजकुराबद्दल प्रतिक्रिया, आपली भाषिक प्रचीती, मराठीच्या प्रादेशिक, व्यवसायविशिष्ट, वयोगटविशिष्ट, लिंगविशिष्ट बोलींची वैशिष्ट्ये, मराठी भाषेवरील इतर भाषांचा परिणाम, कवितांचे शैलीवैज्ञानिक विश्लेषण, कवितेची भाषा, साहित्याची भाषा, परिभाषाकोशांचा परिचय/ परीक्षणे.

मूळ दुवा :लेखन हवे आहे