आपले म्हणणे पटते.फायरफॉक्स प्लगीन बाबत माहितीसाठी शोधाशोध करता येईल, आयईसाठी प्लगीन लिहिण्यासंबंधी काही तांत्रिक माहिती उपलब्ध आहे काय? टेक्स्ट फाईल वापरून शब्दशोध कसा घेता येईल याबद्दल काही माहिती मिळेल का?
माझी सद्ध्याची सुविधा सर्वरवर चालते (पीएचपी) आणि मायएसक्यूएल चे विदागार वापरते. आपण म्हणता त्याप्रमाणे टंकलेखन करून झाल्यावरच अशी सुविधा वापरता येईल. त्याचप्रमाणे अशी सुविधा टंकपाट्यांबरोबर जोडणे हे देखील एक आव्हान आहे.
त्या अनुषंगाने विचार करता क्लायंटसाईड सुविधा निर्माण करणे हा चांगला पर्याय आहे. साठवणक्षमता ही ह्याबाबत मुख्य अडचण ठरू शकेल असा माझा प्राथमिक अंदाज आहे. प्लगीन मध्ये जवळपास ५०,००० शब्दांचा तरी साठा ठेवावा लागेल. तो अद्ययावत ठेवण्यासाठी साप्ताहिक अथवा पाक्षिक पद्धतीने नवे शब्दसंच उतरवून घेण्याचीही सोय उपलब्ध करून द्यावी लागेल.
दोन्ही करता आल्यास कसे?

शंतनू ओक यांनी लागलीच सुविधा विनासायास, विनातक्रार उपलब्ध करून दिली आहे. मी त्यांचा सर्वांतर्फे अत्यंत आभारी आहे.

पुढील कामे करण्यास वेळ,श्रम देऊ शकणार्‍यांनी कृपया शंतनु ओक अथवा मला व्य.नि. मधून तसे कळवावे.

शब्दभरणा ( शब्दशोध आणि त्या त्या वेळी उपलब्ध नसलेले शब्द पुरवण्याकरता )
तपासणी (शुद्धलेखनाबाबत उत्तम जाण असणार्‍यांसाठीच)

सद्ध्या शब्दभरणा करण्याकरता जास्तीत जास्त ५ आणि तपासणीकरता ५ इतक्या सदस्यांची गरज आहे. येत्या २ दिवसांत व्य. नि. पाठवणार्‍यांपैकी निवडक सदस्यांना या सुविधेच्या वापराबाबत माहिती पुरवण्यात येईल. ही सुविधा सद्ध्या परवानगीप्राप्त सदस्यांनाच वापरता येईल ( ऑथेंटिकेटेड युसर्स).

ही सुविधा इथे उपलब्ध आहे : शब्दसंपदा

काही दिवसांच्या अवलोकनानंतर शब्दभरण्याकरता सदस्य वाढवायचा विचार आहे.

कळावे,कळवावे.

१) हो तसे करता येईल, त्याकरता एखाद दिवसाचा अवधी पुरेसा आहे. पण अग्रक्रमानुसार हे काम नंतर करता येऊ शकेल.
२) इतर व्यवस्थ म्हणजे नेमकी कशी? त्याच पानावर ही सुविधा उघडता येऊ शकेल परंतु त्याकामी बरीच मेहनत घ्यावी लागेल असे वाटते. राईट क्लीकवर अशी सुविधा देता येईल का याची तपासणी चालू आहे.

म्हणूनच हे शब्द अजूनही विदागारात असले तरी शब्दसंपदेत वापरात नाही. नेमक्या याच कारणास्तव ते तसे पडून आहेत. यावर अधिक साधक बाधक चर्चा झाली तर उत्तम!

कवितेत आढळणारे, जुन्या संत साहित्यात येणारे तर ग्रामीण भागातील बोली भाषेत रूढ झालेले शब्द मुख्य सूचीत असावेत का?

मला वाटते असू नयेत. कवितेतील, बोली आणि ग्रामीण भाषेतील शब्द शब्दसंपदेत नसावेत, तसेच संस्कृत, हिंदी, इंग्रजीतील सर्रास वापरले जाणारे शब्दही नसावेत.

असो. मी तज्ज्ञ नाही. :) केवळ माझे मत दिले.

सर्व किरदार भूमिगत झाले असले तरी सक्रिय आहेत. याचा पुरावा म्हणजे हा...
६ मे रोजी झालेल्या मोजणीत २९७० शब्द होते तर तीच संख्या ५०३९ वर पोहोचली १९ मे रोजी. (२०५९ शब्दांची वाढ केवळ १३ दिवसांत) सध्या त्यात ५२८५ शब्द आहेत. हे शब्द कोणत्या ना कोणत्या तज्ज्ञाने पाहिले आहेत म्हणजे ते ९९.९९% अचूक आहेत. या शब्दांची वर्गवारी अशी आहे.

अ वर्ग 955
क वर्ग 744
च वर्ग 408
ट वर्ग 82
त वर्ग 542
प वर्ग 1280
य वर्ग 1274
(क वर्ग म्हणजे क, ख, ग, घ ने सुरू होणारे शब्द)

आपण हे शब्द वापरून शुद्धलेखन चिकित्सेचा लाभ घेऊ शकता.
आपल्याला यात काही मदत करायची असेल तर या लिंकवर टिचकी देऊन सदस्यनाम व पासवर्ड टाकल्यानंतर प्रवेश करू शकता.
ओंकारच्या परवानगीने पासवर्ड आपल्याला व्य. नि. द्वारे पाठविण्यात येईल.
यात आपला सहभाग फारच मोलाचा ठरणार आहे.
एकदा का आपण प्रवेश केलात की आपल्याला "Scrap words" लिंकवर टिचकी मारून चुकीचे शब्द निवडायचे आहेत. हे शब्द निवडून झाले की "Submit" बटणावर टिचकी द्या. हे शब्द लिस्टमधून नाहीसे होऊन वेगळ्या ठिकाणी सेव्ह होऊन राहतील.

आता "Verification" या लिंकवर टिचकी मारून योग्य शब्द निवडा व परत "submit" बटणावर टिचकी द्या. अभिनंदन! शब्दसंपदेत या शब्दांची भर पडली आहे.

आतापर्यंत जमा झालेले हे शब्द इतरांनी भरलेले आहेत, जर आपल्याला आणखी शब्द जमा करायचे असतील तर "Bulk upload" या लिंकवर टिचकी मारून जितके हवे तितके शब्द आपण भरू शकता. हे शब्द लगेच शब्दसंपदेत सामील होत नाहीत. आपण अथवा इतर संपादक हे शब्द "verification" लिंकवर पाहून मगच शुद्धलेखन चिकित्सेकरता उपलब्ध करून देऊ शकतात. जे शब्द आधीच इतर कुणीतरी जमा केले असतील असे शब्द आपल्याकडून स्वीकारलेच जाणार नाहीत. त्यामुळे आपण अगदी नि:संकोचपणे शब्द टाईप करून अथवा इतर कुठून कॉपी - पेस्ट करून जमतील तितके शब्द जमा करा. मी "य" वरून सुरू होणारे सुमारे ५०० शब्द नीलकांत यांनी पाठवलेल्या एका एचटीएमएल फाइलमधून शब्दसंपदेत जमा केले आहेत. आपण हे "य" वरून सुरू होणारे शब्द बरोबर का चूक हे ठरवण्यापासून आपल्या सहभागाचा श्रीगणेशा करू शकता.

ही फाइल आपल्या संगणकावर उतरवून घेऊन त्यात काही चुकीचे शब्द गफलतीने शिरले आहेत का हे कोणी मला सांगू शकेल का? ही मराठीवर्ड्स नावाची (१३५ के. बी.) पी. डी. एफ. फाइल असून पान क्रमांक व शब्द क्रमांक दिले असल्यामुळे आपण सहजपणे कोणता शब्द चुकीचा आहे ते सांगू शकाल. वाटल्यास वरील लिंकवर उजवी क्लिक करून " save as " चा पर्याय वापरूनही आपण ही फाइल सेव्ह करू शकता.

कार्यबाहुल्यामुळे प्रयत्न कमी पडत आहेत हे मान्य आहे. मुक्त आणि मुफ्त असल्याने आणि काम वेळखाऊ असल्याने शब्दभरणा करणे रोडावले आहे. :(

ओंकारचा हा नवीन प्रयत्न खरोखरच कौतुकास्पद असला तरी विदातील शब्दांची संख्या जोवर पुरेशी वाढत नाही तोपर्यंत या सुविधेकडे भविष्यातील पर्याय म्हणूनच बघावे लागेल. सध्या केवळ ५,८०० शब्द या संपदेत असून २,११७ शब्द संपादकांच्या मंजुरीच्या प्रतीक्षेत आहेत. जास्तीत जास्त लोकांनी यात सहभाग दिल्यास हे काम लवकर पूर्ण होऊ शकेल.
हन्स्पेल इंजिनमध्ये हा विदा उपलब्ध झाल्यावर सध्या जसे फ़ायरफ़ोक्समध्ये टाईप करता करता लाल खुणा उमटत जातात, तसे मराठी टाईप करता करता शुचि आपले काम करीत जाईल. ज्यांना डी. टी. पी. चे काम करायचे असेल अथवा कार्यालयीन कामाकरता मराठीतून लिहायचे असेल त्यांना ओपन ऑफिसामध्ये हीच सुविधा आपोआप उपलब्ध होईल. या सर्वांसाठी शुद्ध मराठी शब्दांचा मुक्त स्त्रोत साठा उपलब्ध होणे आत्यंतिक गरजेचे आहे. मराठी माणसांनी याचे महत्त्व ओळखून हा प्रकल्प पुरेशा गांभीर्याने घ्यायला हवा. सी-डेकने दिलेली हन्स्पेल डिरेक्टरी त्यातील असंख्य चुकीच्या श्ब्दांमुळे कुचकामी आहे तर "आयलिप" या प्रणालीतील शब्द पर्याय समाधानकारक वाटत नाहीत. त्यांचा शब्दसाठा मुक्त स्रोत नसल्यामुळे इतर कुठेही वापरता येत नाही. इतकेच नव्हे तर पैसे देऊन लिगल व्हर्जन घेतल्याशिवाय टंकित केलेला मजकूर इतरत्र डकवताही येत नाही. "बरहा" कितीतरी बरे असे म्हणायची पाळी येते. पण त्यातही शुचि नाही आणि एक परीपूर्ण वर्ड प्रोसेसर वापरल्याचे समाधान मिळत नाही. या प्रयत्नाला इंग्रजीत "Proof of Concept" असे म्हणता येईल. लोकांच्या रोजच्या जीवनातील एक अविभाज्य भाग बनवण्याकरता अजून बरेच काम बाकी आहे.