आपण एव्हढ्यात पाहिलेले जागतिक चित्रपट - भाग २

पहिल्या भागाला ५० प्रतिसाद प्रतिसाद झाल्याने भाग २ सुरु करत आहे.
भरघोस प्रतिसादांबद्दल धन्यवाद!

असेच नवनवीन चित्रपटांबद्दल येवू द्या...
----------------------------------------------
आपण सगळेच चित्रपट बघत असतो. काही जण अधून मधून तर काही अगदी नियमीतपणे.
आपण कोणते चित्रपट येव्हढ्यात पाहिले आहेत?
या यादीत
अगदी सगळे चालतील फ्रेंच, इटालियन, स्पॅनीश, इंग्रजी, हिंदी, मराठी, तामीळ...
डॉक्युमेंटरीज, आर्ट फिल्म्स, शॉर्ट फिल्म्स, फिचर फिल्म्स आणि अगदी ऍडल्ट सिनेमे सुद्धा! ;)

मात्र या चर्चेत नुसते चित्रपटाचे नाव देवू नका, त्या चित्रपटात काय आवडले/नावडले तेही द्या.
चित्रपट पाहिल्यावर काय वाटले, भावले, पटले न पटले व तसे का वाटले हे दिलेत तर बहारच!
शिवाय चित्रपटाचे संक्षिप्त कथानक दिले तर फार उत्तम. मात्र सस्पेन्स असेल तर शेवट देवू नका हे सांगणे नलगे!

या चर्चेच्या निमित्ताने आपल्याला माहीत नसलेल्या भाषांमधील जागतिक चित्रपटांची ओळख व्हावी ही अपेक्षा आहे.
(त्यामुळे अति गाजलेले हिंदी, मराठी, इंग्रजी सिनेमे यात आले नाहीत तरी चालतील असे वाटते.)

आपला
गुंडोपंत