१) जसे काही संगीत संकेस्थळावर आपल्या हव्या तश्या गाण्यांच्या प्लेलिस्ट करता येतात. तसे इथे काही चर्चा विषय, लेख एका फोल्डर(पोतडीत??) मधे साठवता येतील का?

२) तसेच असे काही प्लग-इन आहे का की ठरावीक मुदतीचा विदा आपल्या संगणकावर उतरवून घेता येईल व इथे जसे न्याहळकातुन बघू शकतो तसे आपल्या संगणकावर (ऑफलाईन) बघता येइल.

३) "निवडक २००७" असा एखादा संच/फोल्डर (ऑनलाईन) बनवता येइल का? (तसेच पुढे दरवर्षी)

लेख इतरत्र हलवण्यापेक्षा संकेतस्थळाच्या स्मरणशक्तीमध्ये( मेमरी किंवा वेबस्पेस) वाढ केल्यास उत्तम.याकरीता लागणारा अतिरीक्त अर्थपुरवठा देणग्यांद्वारे गोळा करता येऊ शकतो.(विकीप्रमाणे)

इतर मार्ग असल्यास सुचवावा.

स्वतंत्र लेख/ कविता ह्या बरोबरच काही 'प्रतिसाद' सुद्धा बर्‍याचदा रंजक असतात. विदागाराला अपघात वगैरे गोष्टी घडतात तेव्हा सगळ्यात मोठा बळी जातो तो ह्या प्रतिसादरुपी लेखनाचा. मूळ लेख/कविता/साहित्य आजकाल बहुतेक सर्वजणच आपापल्या ब्लॉग्ज् वर साठवून ठेवत असल्याने इथून गेले तरी तिथे उपलब्ध असते पण आलेले प्रतिसाद मात्र कायमचेच जातात. त्यासाठी काही उपाय योजना करता येऊ शकते का?

>> गुगलवर ठेवलेले मनोगतचे संचित पण अता सापडत नाहिये.
गुगलवरील संचित हे काही ठराविक काळापुरतेच उपलब्ध असते. त्यावर अवलंबून राहू नये. एखादेच पान साठवून ठेवायचे असेल तर टू रीड सारखी सेवा वापरावी.
http://toread.cc

>> येथल्या साहित्याची तबकडी मिळवावी म्हणतो.
त्यासाठी एच टी ट्रेक सारखी सुविधा वापरावी. हे सॉफ्टवेअर येथून उतरवून घ्यावे.
http://tinyurl.com/4glea

>> आहे का कोणाकडे?
मी उपक्रमाचे उदाहरण येथे उपलब्ध करून दिले आहे.
http://saraswaticlasses.net/manogat/upakram.zip

>> अथवा ती कशी करावी यावर कोणी मार्गदर्शन करील काय?
अधिक माहिती येथे वाचा.
http://tinyurl.com/2vvo74