जागतिक पातळीवर न्यायप्रक्रियेंत मृत्युदंड रद्द करावा म्हणून काही विचारवंतांचे प्रयत्न चालू आहेत व आपल्याकडील काही विचारवंतही तसा प्रयत्न करीत आहेत हे आपणांस ठाऊक असेलच. तो का रद्द करावा यासाठी खालील कारणे दिली जातात.

वरील मुद्द्यांचा प्रतिवाद खालीलप्रमाणे करता येईल.

मुद्दा क्रमांक (१)
आरोपीच्या मृत्युदंडावर अखेरचे शिक्कामोर्तब होण्यापूर्वी तिच्या अनिवार्यतेविषयी सर्व अंगांनी खात्री केली जाते. आरोपीला आपली बाजू मांडण्याची अनेक वेळा संधि मिळते. असे असतांना मृत्युदंड देण्यांत चूक होण्याची शक्यता कितपत आहे?

मुद्दा क्रमांक (२)
आरोपीला मृत्युदंड देऊन ज्या व्यक्तीच्या बाबतींत गुन्हा घडलेला असतो ती मृत व्यक्ति परत येत नाही हे खरे असले तरी समाजांत योग्य तो संदेश पसरून संभाव्य गुन्हेगारांना जरब बसते.

मुद्दा क्रमांक (३)
मृत्युदंड गुन्हेगारीला आळा घालण्याच्या दृष्टीने परिणामकारक ठरत नाही याचे मुख्य कारण म्हणजे त्या तरतुदीचा वापर पुरेशा प्रमाणांत होत नाही.

त्याशिवाय मृत्युदंड रद्द करण्याचे औदार्य दाखवण्याइतके आपण अजूनही एक स्वतंत्र राष्ट्र म्हणून स्थिरावलेलो नाही. नवोदित राष्ट्राच्या आयुष्यांत (स्थिरस्थावर व्हायला) साठ वर्षांचा काळ म्हणजे काहीच नाही. त्यांतही दहशतवाद्यांचे व शत्रुराष्ट्रांचे आपल्याला अस्थिर करण्याचे प्रयत्न अविरत चालू आहेत. त्यांत नेतेमंडळीच नाही तर हजारोंच्या संख्येने निष्पाप नागरिकही जिवानिशी मारले जात आहेत. अशा परिस्थितींत दहशतवाद्यांना व या देशांतील त्यांच्या साथीदारांना जरब बसवण्याचा व राष्ट्रविघातक कारवायांपासून परावृत्त करण्याचा मृत्युदंड हाच एक मार्ग आहे व तो रद्द केल्यास राष्ट्र म्हणून आपले अस्तित्वच धोक्यांत येण्याची शक्यता आहे. त्यामुळे मृत्युदंड रद्द करण्याचा विचार आपल्याला अजून कमीतकमी शंभर वर्षे तरी करता येणार नाही.

आपणास काय वाटते?