मराठी असे आमुची मायबोली तिला बैसवूं वैभवाच्या शिरी |
***********************************
श्री. सुरेश चिपळूणकर यांनी उपस्थित केलेला मुद्दा अगदी योग्य आहे. ज्योतिषी जाहीरात करतात. ज्योतिष हे शास्त्र आहे असे सांगतात. अपॉइंटमेंट देतात. फी घेतात. म्हणजे हा व्यवसाय आहे. ते व्यवसाय कर (प्रोफेशनल टॅक्स) ही भरत असतील. तेव्हा हा व्यवसाय उपभोक्ता संरक्षण कायद्याखाली येत असलाच पाहिजे. मात्र कुणीतरी खटला भरणे आवश्यक आहे. असे झाले तर ज्योतिषांची दुकाने बंद हो ऊन लोकांची फसवणूक थांबेल. तथाकथित'वास्तुशास्त्रा' विषयी सुद्धा तसेच घडेल.

अशा प्रकारे ज्योतिष (किंवा बाकी भविष्यवर्तक सल्लागारी) सांगणारे आपली जाहिरात अमेरिकेत तरी करतात. त्यामुळे ते या ग्राहक संरक्षण कायद्याखाली तेव्हाच येतात, जेव्हा तुम्ही सांगू शकाल की "त्यांनी करमणूक विकली नाही".

आपल्या प्रश्नक्रमांकनुसार

१) ज्योतिषाचे भाकित चुकले तर "उपभोक्ता" चे पैसे तर वाया गेले.

जातक तसे समजत नाही. माझ्या मनोगतात ज्योतिषी आणी जातक यांचे नातेसंबंधाबद्दल लिहिले आहे. तसेच विविध प्रश्नात भाकित चुकले तरी जातक कसा समाधानी असतो ते उधृत केले आहे

(२) पैसे घेऊन "सेवा" देणे हा तर सरळ-सरळ "उपभोक्ता-सेवादार" चा मामला आहे कि नाही?

अद्याप ज्योतिषी आणी जातक यांचे नाते सेवादाता व उपभोक्ता असे नाही. पण पुण्यात लॉजेस घेउन काही दिवस मुक्काम ठोकुन नंतर जाणारे ज्योतिषीच किति तरी आहेत. दैनिक सकाळच्या छोट्या जाहिरातीतील मजकुर मी अनेक वर्षे वाचतो आहे. १०१ % ग्यारंटी. १५ दिवसात निकाल्. इकडे तिकडे भटकू नका . पुण्यात बसेरा लॉजवर ए ए ॠषी नामक ज्योतिषाचा पैशाच्या देवघेवीवरुन खुन झाला होता असे पुर्वी पेपरात वाचल्याचे स्मरते. लोकप्रतिनिधी पण जंतेची शेवाच करतात ना? त्याच शेवामुल्य आपन् किती मोजतो आहोत हे तर उघड आहे.

(३) डॉक्टर, इस्पितळ, शाळा-कालेज, टेलीफ़ोन, वीज आदींप्रमाणे ज्योतिष पण ह्या कायद्यात आहेत काय?

ज्योतिष या कायद्यात बसत नाही. उद्या बसवले तरी काही फरक पडणार नाही. पळवाटा आहेतच.

४) समजा आहेत तर ते यजमानाला दानाची "पावती" देतात का?

अजिबात देत नाहीत. अहो स्टँपपेपर सुद्धा बोगस निघाले. स्पेशालिस्ट डोक्टर, पानटपरीवाला कुठे पावती देतो? डोनेशन्स , बिल्डर ला दिलेला २ नंबरचा पैसा यांची कुठे त्या हेडची पावती असते. कितितरी असे व्यवसाय आहे त्याची पावती नसते.

(५) आणि समजा कायद्यात बसत नाहीत, तर कां नाहीत?

मुळात ज्योतिष हा कायदेशीर व्यवसाय होउ शकतो का? सेवा या क्षेत्रात काय मोडते याचे कायदेशीर अन्वयार्थ खुपच किचकट आहेत असे ग्राहक न्यायालयाचे न्यायमुर्ती कै. प्रतापराव बेहेरे यांनी एका भाषणात सांगितले होते.
शासन अनेक गोष्टींना सेवाक्षेत्राच्या जाळ्यात ओढण्याचा प्रयत्न करत आहे. पण ज्योतिष हे धर्माचे अंग आहे म्हणले कि झाले. सध्या ज्यो. शरद उपाध्ये हे ज्योतिषातुन मनोरंजन करतात. त्याचा करमणुक कर आपण भरतोच.

अवांतर - बघा ज्योतिषांना सुटकेची टीप देउन ठेवली कि नाही?
प्रकाश घाटपांडे

ते उपभोक्ता कायदा वगैरे सोडा हो...
जरा शनी ने शेकलं की कळेलच तुम्हालाही काय काय करता येते ते...

त्या शनीच्या फेर्‍यात भले भले गारद होतात.
बाकी गुरुपालट झाला २६ तारखेला... कसा वाटतो आहे?

आपला
गुंडोपंत