आपले रीझनिंग सर्क्युलर आहे.
कारण आपण दिलेल्या बातमीत सदर बीएड च्या विद्यार्थ्यांना "शुद्ध" लिहिता येत नाही, म्हणून ते उत्कृष्ट शिक्षक होऊ शकणार नाहीत, असे बातमीदाराने गृहित धरले आहे.
आणि आपण त्या बातमीचा संदर्भ "शुद्धीचा आग्रह का धरायचा" ह्या शीर्षकाखाली दिलाय.

- तथागत

--
|| बुद्धं सरणं गच्छामि ||

तरीही उमेद्वारांचे म्हणणे आपल्याला 'कळले' आहेच! ;)
तेंव्हा हे
~जे बोललेले व लिहिलेले 'कळते' तो भाषेचा प्रकार शुद्धच असतो.
त्यामुळे शुद्धीचा फाजील आग्रह येथे धरू नये.~

अजूनही ऍप्लिकेबल आहेच! ;)))

आपला
गुंडोपंत

~जे बोललेले व लिहिलेले 'कळते' तो भाषेचा प्रकार शुद्धच असतो.
त्यामुळे शुद्धीचा फाजील आग्रह येथे धरू नये.~

बातमीदाराने गृहीत धरले आहे की निष्कर्ष काढला आहे? निष्कर्ष चुकीचा आहे ?

पहिली गोष्ट म्हणजे बातमीदाराला निष्कर्ष काढण्याचा अधिकार कुणी दिला?

असे शिक्षक जर मुलांना शिकवतील तर ते शुद्ध भाषा कशी शिकवू शकतील? बी एड्‌‌‌-डी एड्‌ चे विद्यार्थी असे का झाले? तर त्यांना भाषा शिकवणार्‍यांनी शुद्धीचा आग्रह धरला नाही म्हणून.

'शुद्ध भाषेची' व्याख्या काय? की आपण म्हणता ती किंवा जी व्याकरणाच्या पुस्तकाबरहुकूम आहे ती शुद्ध भाषा?? आम्ही असं कुठलंही पुस्तक मानत नाही! चार उच्चशिक्षित पांढरपेशा समाजातली लोकं जी भाषा बोलतात/लिहितात तीच भाषा शुद्ध आहे हे कुणी ठरवलं/कशावरून?

~जे बोललेले व लिहिलेले 'कळते' तो भाषेचा प्रकार शुद्धच असतो.
त्यामुळे शुद्धीचा फाजील आग्रह येथे धरू नये.~

या म्हणण्यावर आम्हीही ठाम आहोत!

तात्या.

--
आम्ही जे लिहू, जे बोलू तेच शुद्ध आहे/असते असा आमचा दावा आहे. ज्यांना आमचं बोलणं कळणार नाही त्यांनी ते ऐकावं, आणि ज्यांना आमचं लिहिणं कळणार नाही त्यांनी ते वाचावं असा आमचा बिलकूल आग्रह नाही. इतरांनी त्यांच्या व्याकरणविषयक पुस्तकात लिहिलेले कुठलेही नियम आम्ही मानत नाही/मानणार नाही. व्याकरण विषयक आणि शुद्धलेखन विषयक नियम बनवण्याचे अधिकार कुणा एका व्यक्तिला आहेत, किंवा ती कुणा एका पांढरपेशा समाजाची मक्तेदारी आहे असे आम्ही मानत नाही, आणि सदर मक्तेदारी असलीच तर ती उधळून लावण्यास आम्ही सदैव समर्थ आहोत!

ब्रिटिशांनी शुद्ध भाषेचा आग्रह धरला म्हणूनच आज जगभरात आणि विशेषत: भारतात सार्वजनिक जागी इंग्रजीचे लिखाण बव्हंशी शुद्ध दिसते.--
म्हणून ती अनेकांना डोकेदुखीही झाली!!
पण त्याच वेळी, अमेरिकनांनी इंग्रजीला 'म्हणू तसे स्पेलींग' केली.
वापरायला सोपी केली, म्हणून ती जगभर जाऊ शकली.

"वापरातली सुलभता" हा मोठा भाग आहे भाषा टिकण्यात!

आपला
गुंडोपंत

सदर लिंक ही वाचक्नवी यानी दिली आहे . मी फक्त लिंकशुद्धि केली.
प्रकाश घाटपांडे

पण भावी शिक्षकांनी व्याकरणशुद्ध लिहायलाच हवे.

हे मान्य आहे.
शिक्षकांना मात्र भाषा 'कळलेली' असलीच पाहिजे.
बाकी 'कशी शुद्ध' नि 'किती शुद्ध' हे वाद त्या भाषेच्या कौशल्या नंतरचे आहेत.
तेंव्हा यात आपले म्हणणे मान्य आहे.

मात्र नियम सर्वत्रच नि सदैवच लावू नये या मताचा मी आहे. म्हणजे प्रत्येक सामान्य माणसांनी शिक्षकांइतकेच शुद्ध कायम बोलले लिहिले पाहिजे.
हे म्हणणे अवाजवी आहे. त्यात बोलीचे मरण आहे.

आपला
गुंडोपंत

शिक्षकाने शिक्षण कसे द्यावे ? तर, "ये हृदयीचे ते हृदयी घातले" असे माउलींनी म्हटल्याप्रमाणे.
"ये हृदयीचे ते हृदयी शुद्ध करोनि घातले" असे म्हटलेले नाही.

वा तथागतराव! वरील ओळीमध्ये मुद्दामून 'शुद्ध' हा अनावश्यक शब्द टाकून आपण काय सुरेख दाखला दिलात, आणि खुद्द माउलींनीदेखील सोकॉल्ड 'शुद्धी'चे कुठलेही स्तोम माजवलेले नाही हे काय सुरेख दाखवून दिलेत! आपले मनापासून अभिनंदन व आभार..

अर्थात आता काही मंडळी साक्षात माउलींनादेखील 'शुद्धलेखनाच्या' अकारण माजवलेल्या स्तोमात तोलू पाहतील हा भाग वेगळा! :))

सदर बीयेड च्या विद्यार्थ्यांची भाषा सदाशिवपेठ, पुणे ३० ह्या क्षेत्रात अशुद्ध समजतील नक्कीच.
पण त्या भाषेतूनच ग्रामीण विद्यार्थ्यांशी संवाद साधला जाऊ शकतो.

सहमत आहे..

जीएंची कैरी ही कथा (किंवा त्यावर आधारित चित्रपट) वाचल्यास, त्यातील किस्ना मास्तरचे पात्र अशासाठीच पटते.

वा, क्या बात है! वाचली पाहिजे एकदा ही कथा!

तथागतराव, माउलीच्या वाक्याचे उदाहरण देऊन अगदी साध्या व सोप्या पद्धतीने 'शुद्धीचा' बुरखा फाडणारा आपला प्रतिसाद मनापासनं आवडला...:)

आपला,
(आनंदीत) तात्या.

--
मिसळपाव डॉट कॉम वर शुद्धलेखनाला अवास्तव तर सोडाच, परंतु केवळ तोंडदेखलंही महत्व नसेल! अर्थात, ज्यांना शुद्धलेखानाचे व व्याकरणाचे गोडवे गायचे आहेत, त्यांना 'प्रशासकीय अनुमती'खाली ठेवलं जाणार नाही याची मात्र ग्वाही देतो! :))

लेखन करतांना एकदाच कधीतरी उपक्रमावर यायचे! लेखन टाकायचे! जायचे!

ह्यालाच गनिमी कावा म्हणतात की काय? ते काही असो, असे बर्‍याचदा पाहीले आहे. कदाचीत कधी कधी नकळत होत असेल पण एखादी व्यक्ती नेहेमी तसेच वागत असेल तर मात्र अर्थ वेगळा होईल. तसेच वाद कितीही झाले अथवा काही विचार पटले नाहीत तरी ते वैयक्तिक घेऊ नये असे वाटते. शिवाय येथे प्रत्येकाकडे काही ना काही "स्पेशॅलिटी" आढळते त्यामुळे नित्यनवीन काहीना काही कळते - चर्चेत अथवा खरडवहीत! :)

स्वयंसंपादीत

पण गुंडोपंत,

प्रत्येकाला इतकी इन्टेन्स चर्चा करायची असतेच असे नाही. आणि काही लोकांना वेळही नसतो. नाही, म्हणजे आम्ही असे काही लोक पाहिले आहेत, की ज्यांना महत्वाची कामे असतात. आणि त्यामुळे उपक्रमाबद्दल् कितीही प्रेम असले, तरी दर दोन मिनिटांनी इथे यायला जमत नाही. किंवा काहींना कामे नसली, तरी आपली प्रकृती जोपासायला, व्यायाम करायचा असतो. व्यायाम आणि उपक्रम ह्यामध्ये आम्ही उपक्रम निवडत असलो, तरी काही लोकांना व्यायामाला वेळ देऊन उपक्रमावरचा वेळ कमी करावा लागतो. असे शक्य आहे ना ?

मग वेळेची कमतरता असल्यास आणि चर्चेचा मोह सुटत नसल्यास, फक्त चर्चा टाकून व्यायामास निघून जाणे, हे अधिक श्रेयस्कर नाही का ?

- तथागत

--
|| बुद्धं सरणं गच्छामि ||