आमचे मत... जाहिर विचारलेत म्हणून...
असा चर्चा विषय सुरू करणे म्हणजे निव्वळ उद्दामपणा आहे. उपक्रमाची ध्येय-धोरणे जाहिर असुनसुद्धा असा विषय चर्चेला टाकणे याचा नक्कि हेतु काय? या बद्दल शंका आहे. हे निव्वळ खोडसाळपणाचे कृत्य आहे दुसरे काही एक नाही.

उपक्रम पंतांना जाहिर विनंती कि आपण यावर योग्य ती कारवाइ करावी. तसेच असे काही मुद्दे वारंवार येणार असतील तर ते अशा सदस्यांनी आणि उपक्रम पंतांनी व्य. नि. ने आपापसात सोडवून घ्यावे अशी जाहीर विनंती.

कोंबड आरवल (बरोबर का?) नाही तर सुर्य उगवायचा थांबणार आहे का?

उपक्रमवर (किंवा अन्य कोठे) कोणाच्या विशेष प्राविण्याचे कौतुक , उल्लेख झाला अथवा नाही झाला तरी त्या व्यक्तिचे कर्तुत्व , प्रयत्न विफल किंवा त्याची किंमत कमी होते का? माझे मत म्हणाल तर नाही होत.

नुसते नोंद घेणे , कौतुक करणे ह्या पेक्षा, जे महत्वाचे कार्य त्या व्यक्तिने केले आहे ते पुढे नेणे, त्या अनुषंगाने अजुन चर्चा, लेख हे चांगले नाही का?

लेखन एखाद्या दर्जेदार मासिकात किंवा वृत्तपत्रात प्रसिद्ध होणे, विशेष पुरस्कार मिळणे ....अन त्याची जाहीर नोंद घेणे , कौतुक करणे .........मी तरी personally अभिनंदन करीन.

BTW असे नक्की काय घडले आहे त्याची उत्सुकता आहे. शेखरराव जमल्यास व्यनि पाठवा. :-)

गेले दोन दिवस ..वाट पाहात आहे ...श्रद्धा , प्रेम, सबुरी.... :-) मी पण तुमच्या व्यनिची वाट पहात आहे.

ह. घ्या.

यावरुन कापूसकोंड्याची गोष्ट आठवली... सांगू का? ;)

लेखनविषयक शंका निरोपातून कळवणे योग्य आणि अनुकरणीय आहे. निरोपांना शक्य तितक्या लवकर उत्तर पाठवण्याचा प्रयत्न असला तरी विविध कारणांनी प्रत्येकवेळी विशिष्ट कालावधीत उत्तर पाठवणे शक्य होत नाही. यासंदर्भात सदस्यांकडून संयमाची अपेक्षा आहे. विशिष्ट कालावधीत उत्तर आले नाही तर पुन्हा निरोपातून चौकशी करावी, अश्या स्वरूपाच्या चर्चा सुरू करू नयेत.

असा एक "चर्चेचा प्रस्ताव" नव्हता का पूर्वी मांडला गेला !!

मांडा की मग अजून एक

लोकहो,

उपक्रमरावांनी सुचवल्याप्रमाणे इथपासून पुढे सदर चर्चाप्रस्ताव हा उपक्रमी मंडळींच्या
विशेष प्राविण्याचे कौतुक करणारा एक कॉमन चर्चाप्रस्ताव समजावा!

आम्ही लिहू इच्छित असणारा लेख खालीलप्रमाणे. आता तसं म्हटलं तर यात माहितीही पुरवली गेली आहे जी उपक्रमच्या ध्येयधोरणात बसते. परंतु ही माहिती केवळ एका उपक्रमीबद्दल आहे त्यामुळे या लेखाला उपक्रमावर स्वतंत्र स्थान नाही!

असो...आम्ही उपक्रमरावांच्या इच्छेचा आदर करतो...

आम्ही लिहू इच्छित असणार लेख खालीलप्रमाणे. या माहितीवरून सभासदांनी सदर उपक्रमीचे इथेच अभिनंदन करावे ही विनंती..

--तात्या.

राम राम मंडळी,

आजचा दिवस आहे आपल्याच एका उपक्रमी सदस्याचे कौतुक करण्याचा!

सातीचे कौतुक! अगदी मनापासून...!

उपक्रमावरील एक सदस्या सातीचे मी मनापासून अभिनंदन करत आहे. नुकतीच सातीने मुंबई विद्यापिठातून 'M.D.(Medicine)' ही डॉक्टरी उच्चपदवी प्रथम वर्गात संपादन केली आहे! या पुढील सहा महिने ती मुंबईच्या हिंदुजा रुग्णालयातील अतिदक्षता विभागात महत्वाच्या पदावर कार्यरत असणार आहे.

रत्नागिरीजवळील खेड्यात लहानपणापासूनच अत्यंत प्रतिकुल परिस्थितीमध्ये, परंतु तेवढ्याच जिद्दीने, मेहनतीने आणि कष्टाने M.D. (Medicine) पर्यंतची उच्चविद्या सातीने संपादन केली आहे याचा एक उपक्रमी म्हणून मला अतिशय अभिमान वाटतो.

सातीच्या यजमानांचेही (ते उपक्रमावरील सदस्य नसून केवळ वाचक आहेत) मनःपूर्वक अभिनंदन! ते ही नुकतेच M.D. ची परिक्षा उत्तीर्ण झाले आहेत, एवढंच नव्हे तर त्यात त्यांना मुंबई विद्यापिठाचे सुवर्णपदक मिळाले आहे! त्यांनी 'चेस्ट टी बी' या विषयात प्राविण्य मिळवले असून तेही हिंदुजा रुग्णालयात अतिदक्षता विभागात क्षयरोग तज्ञ म्हणून सहा महिने काम पाहणार आहेत! त्यांचंही मनःपूर्वक अभिनंदन!!

अहो ते जरी उपक्रमाचे सदस्य नसले तरी उपक्रमाचे जावई तर आहेतच की! :)

सातीने आणि तिच्या पतिदेवाने त्यांच्या क्षेत्रातील माहितीपूर्ण लेख (वैद्यक क्षेत्रातील अपडेटस् वगैरे) उपक्रमावरही वेळात वेळ काढून अवश्य लिहावेत अशी मी त्यांना विनंती करतो.

आणि सर्वात महत्वाचे म्हणजे वर्ष-सहामहिन्यांनंतर ते दोघेही इथे मुंबईसारख्या शहरात न राहता खेडेगावात जाऊन आपला व्यवसाय करणार आहेत. मंडळी, ही गोष्ट मला अत्यंत महत्वाची वाटते. आजही महाराष्ट्राच्या खेडोपाडी उतमोत्तम डॉक्टर्सची नितांत आवश्यकता आहे! असो..

ते दोघेही सायन हॉस्पिटलच्या होस्टेलमध्ये राहून शिकत होते त्या काळात मी त्यांना अनेकदा भेटलो आहे. अगदी छान कपल आहे! :) सायन हॉस्पिटलसारख्या दिवसरात्र गजबजलेल्या हॉस्पिटलमध्ये वेळप्रसंगी लागोपाठ दोन दोन पाळ्यात ड्युटी करून त्यांनी हे विशेष प्राविण्य मिळवले याचे खरंच कौतुक वाटते!

त्या दोघांच्याही परिक्षापूर्व अभ्यासाच्या काळात मी त्यांना 'उत्तम अभ्यास करा आणि झकास पास व्हा!' अश्या शुभेच्छा उपक्रमातर्फेही दिल्या होत्या बरं का! :)

असो,

आपला,
(खोडसाळ आणि उद्दाम!)
डॉ. तात्या अभ्यंकर! :)

सर्वप्रथम "कपल"ऑफ डॉक्टरांचे मनपुर्वक अभिनंदन! (व्यक्तिनिरपेक्ष कौतुक? अट पुर्ण?)

भारतीय डॉक्टर:-
आज देश विदेशातील डॉक्टर पाहुन आज मी नक्की म्हणु शकतो कि भारतीय डॉक्टर सर्वोत्तम आहेत. माझ्या लहानपणी तरी डॉक्टर म्हणजे नेक्स्ट टु गॉड असेच मानले जायचे. समाजातील इतर क्षेत्रासारखे हे क्षेत्र देखिल थोडे फार गढुळ होत असले तरी अजुनही बर्‍याच प्रमाणात भारतीय डॉक्टर सर्वोत्तम आहेत.

खेडेगावात जाऊन आपला व्यवसाय करणार आहेत
नक्कीच कौतुकास्पद.

माझे मत मात्र असे की खेडेगावात चांगल्या वैद्यकिय सुविधा उपलब्ध करून द्यायच्या असतील तर "योग्य त्या मार्केट मधे व्यवसाय" करून आधि बक्कळ कमवा. चांगली कल्पना, ईच्छा सर्वांच्या (especially सामान्य लोकांच्या) मनात असते, पण ह्या जगात "मनी"($$) असला कि बर्‍याच गोष्टी नीट जमुन येतात. मी हे एकदम पॉझीटीव्ह बोलतोय हा. गेरसमज नसावा. खेडेगावात "राहून" जरूर गरीब लोकांची सोय करा पण एक वॉर्ड श्रीमंत पेशंट साठी ठेवा (medical tourism term) म्हणजे गरीब लोकांचा वॉर्ड देखिल नीट राखला जाईल तुम्हा दोघांच्या सुरक्षीत भविष्यासकट. ह्यात काही चुकीचे नाही. व्यवसाय हा वाईट शब्द नाही. व्यावसायीकता (भांडवलशाही) अन समाजसेवा (आर्दशवाद) ह्याचा संगम झालाच पाहीजे. एकाशिवाय दुसरे कठीण. सगळ्याच अवचटांना पुलंच सहाय्य मिळतेच असे नाही. मी हे एकदम पॉझीटीव्हली बोलतोय हा.

करीयरबाबतीत तर तुम्ही यशस्वी व्हाल यात शंकाच नाही पण माझ्या शुभेच्छा तुमच्या सुखी आयुष्यासाठी!!! एकमेकांचे दीपस्तंभ बना!! सर्व स्वप्न खरी होतील.

आपल्या समाजात आत्मस्तुती वा आत्मप्रसिद्धी हा दोष मानल्याने, पुरस्कार ही प्रथा चालू झाली आहे. 'क्ष 'यांना 'य' पुरस्कार त्याची परतफेड म्हणून य यांना क्ष पुरस्कार. विद्वत्ता हा देखिल मार्केटिंगचा विषय आहे. नाही तर तुमची विद्वत्ता तुमच्या पाशी. विचारतो कोण? साहित्यसंमेलनातील मानापमान नाट्य , पुरस्कारातील राजकारण, समाजकारण हे पुर्वी पासून चालत आलेले आहे. आज प्रसिद्धिच्या झोतात असलेली मंडळी उद्या अनुल्लेखाच्या काळोखात कधी जातील हे सांगता येत नाही. तरी देखिल उपक्रमींच्या कौतुक करण्याला पायबंद असू नये असे मनापासून वाटते, शेवटी उपक्रम हे देखील एक कुटुंब आहे. सातीचे मनापासून अभिनंदन व शुभेच्छा.
अवांतर -( अंनिस त शुभेच्छा शब्द वापरणे अशुभ मानले जाते म्हणून इथे वापरुन घेतला.)
प्रकाश घाटपांडे

तात्यांनी ही बातमी इथे दिल्याबद्दल त्यांचे आभार.

साती आणि श्री. साती या दोघांचे मनापासून अभिनंदन आणि पुढच्या वाटचालीसाठी अनेक शुभेच्छा.

--लिखाळ.

जय स्वावलंबन ! कष्ट करा ... कष्ट करा !!

श्री व सौ साती यांचे अभिनंदन !!

निरोपातील अर्धवट माहिती प्रसृत झाल्याने गैरसमज होऊ नयेत म्हणून निरोपातील अधिक माहिती इथे देण्यात येत आहे.

एक व्यक्तिनिरपेक्ष अभिनंदनपर चर्चाप्रस्ताव सुरू करून त्याच्या प्रतिसादांच्या रूपात "उपक्रमींच्या यशाचा/कार्याचा परिचय आणि सर्व उपक्रमींच्या वतीने गौरव" असे करता येईल. ('व्यक्तिनिरपेक्ष' generic या अर्थाने)
एक चर्चाप्रस्ताव ज्यात
१. चर्चेचा उद्देश (विशेष/उल्लेखनीय यश, एखादे सामाजिक सत्कार्य, किंवा कौतुक करण्यासारखे काही केलेल्या उपकमी सदस्यांच्या कार्याचा परिचय आणि गौरव),
२. अभिनंदनाचे स्वरूप (स्वतंत्र प्रतिसादात यशाची/कार्याची माहिती आणि सर्व उपक्रमींच्या वतीने गौरव/शुभेच्छा)
३. सर्वसामान्य सूचना (सर्व उपक्रमींच्या वतीने गौरव केला असल्याने तिथे अभिनंदन स्वरूपाचे प्रतिसाद न देणे (एका पानावर ५० प्रतिसादच दिसण्याची सोय असल्याने अशी अट घालणे आवश्यक आहे. ज्यांना व्यक्तिश: अभिनंदन करायचेच आहे ते खरडवही/निरोपातून करू शकतात), यश/कार्य जेन्युइन आणि महत्त्वाचे असावे इ. सूचना/विनंत्या)
यांचा समावेश असेल.

या मुद्द्यांना अनुसरून व्यक्तिनिरपेक्ष चर्चाप्रस्तावाचा स्वतंत्र मसुदा तयार करून प्रकाशित करावा आणि त्यानंतर प्रतिसादात उपक्रमींच्या कार्याविषयी/यशाविषयी लिहावे.

उपक्रमींच्या चांगल्या कार्याचा परिचय, गौरव व्हावा, उल्लेखनीय यशाचे कौतुक व्हावे आणि त्याचबरोबर उपक्रमाचे स्वरूप अबाधित राहावे यासाठी अशी भूमिका घेण्यात आली आहे, जी विचारांती सर्व सदस्यांना पटेल असा विश्वास आहे.

सदस्यांनी व्यवस्थापनाच्या आणि संपादन मंडळाच्या प्रतिसादामागील भूमिका, आशय समजून घेऊन, प्रसंगी शंका/प्रश्न योग्य मार्गाने सोडवून घेऊन त्यांच्या सूचनांचे पालन करणे अपेक्षित आहे.

मराठी असे आमुची मायबोली तिला बैसवूं वैभवाच्या शिरी |
***********************************
चला. ज्याचा शेवट गोड ,ते सारेच गोड. (ऑल इज वेल दॅट एण्ड्स् वेल.)