तरीही,उरलेले प्रतिसाद हे स्पष्ट करतात की उपक्रमाचे लेखक आणी वाचक हा मनोगता पासून संपूर्ण पणे एक वेगळा वर्ग आहे.

नाही रे गुंड्याभाऊ, मला वाटतं की काही मोजके अपवाद सोडले तर तीच मंडळी दोन्हीकडे आहेत. मनोगत हे अधिक डायवर्सीफाईड संस्थळ असल्यामुळे तिथे कदाचित तुझ्या चर्चाप्रस्तावाला प्रतिसाद मिळाला नसेल. पण तीच मंडळी जेव्हा उपक्रमवर असतात/येतात, तेव्हा अचानक त्यांना (माझ्यासकट बरं का!) 'माहिती आणि विचारांच्या' संसर्गाची लागण होते आणि त्यांचे इंटेलेक्चुअल मास्टरबेशन सुरू होते आणि मंडळी धडाध्धड प्रतिसाद लिहू लागतात! :)

त्यामुळे मला (आताशा) अशी जाणीव होते आहे की उपक्रमाचा 'माहितीपूर्ण लेखन' हा उद्देश योग्य असावा. हा उद्देश काही अंशी सफल होत आहे.

योग्य की अयोग्य ते माहीत नाही, पण सफल मात्र होत आहे आणि त्याबद्दल उपक्रमाचे अभिनंदन व शुभेच्छा! :)

आपला,
(रोज उपक्रमावर दोनचार माहितीपूर्ण अंडी घालणारा!) -:)
तात्या.

लेखक आणि वाचक,
येथे अनेकदा उपक्रम आणि मनोगत यांची तुलना होते. तुलना हा मनुष्य स्वभावाचा एक भाग आहे. पण जेंव्हा जेंव्हा येथे तुलना झाली तेंव्हा हे दिसुन आले की ज्यांनी तुलना केली त्याची काही कारणे आहेत.
१. मुळातच सर्वात जास्त तुलना करणारे जे आहेत त्यांचे मनोगतावर पहिले प्रेम आहे/होते. ते लोक आता तेथे लिहित नाहीत. वाचत नाहीत असे म्हणणे हास्यास्पद ठरेल. दुसर्‍या शब्दात ते तेथे सक्रिय नाहीत. आता ते प्रेम का होते/आहे याची कारणे व्यक्तिसापेक्ष आहेत. आता काही ठराविक सदस्य आहेत त्यांची तक्रार तिथे ही होती आणि इथे ही आहे. तसेच आज ना उद्या इतर ठिकाणी सुद्धा असणार आहे. मग असे सगळीकडे होते आहे असे म्हणले तर मग चुक कोणाची आहे/होती हे सुज्ञास चांगलेच कळते.
२. मुळातच हे संस्थ सुरू करण्याचा उद्देश नेहमी येथे चर्चीला गेला आहे. असे असताना उगाचच तुलना करण्यात काय अर्थ आहे? प्रत्येक ठिकाणचे नियम/कायदे पाळायला नकोत का? जर संकेतस्थळ कोणाच्या तिर्थरुपांनी सुरू केले असेल तर त्या चिरंजीवांनी नक्किच माज करावा. ज्यांना हा उद्देश मान्य आहे आणि त्या बद्दल समाधान आहे असे सदस्य एकाच विषयावर तेच तेच प्रतिसाद अनेक ठिकाणी का टाकतील? फुकटात असले तरी स्वतःचा वेळ घालवावा लागतो हे प्रत्येकाला कळते. तसेच आता येथे जास्त सक्रिय असणारे सदस्य दुसरीकडे सुद्धा असतीलच असे नाही.
३. मला उपक्रमाचा उद्देश साध्य होताना दिसतो आहे. येथे असे अनेक वादग्रस्त चर्चा विषय होते ज्यावर अनेकांनी ठरवून प्रतिसाद दिले नाहीत हे जाणवते. लोकांना उपक्रमावर वाद नको आहेत तर माहितीपूर्ण लेखन/चर्चा हव्या आहेत हे यावरून स्पष्ट होते.
असो, एवढे लिहून आम्ही आमचा प्रतिसाद आवरता घेत आहोत. :)

मूळ चर्चा आणि त्या चर्चेच्या अनुषंगाने आलेले सुसंगत प्रतिसाद खूपच मनोरंजक - आणि हो, माहितीपूर्णही आहेत. उघड उघड किंवा आडून आडून 'मनोगत' आणि 'उपक्रम' यांची तुलना होत असतेच. (ओंकार जोशीच्या गौरवचर्चेत 'तो' मुद्दा कधी निघतो ते पहात होतो, तसा तो निघालाच!). आता तर मी टाकलेल्या लिखाणाला इकडे इतके प्रतिसाद आणि 'तिकडे' इतके , त्यामुळे 'हे' श्रेष्ठ की 'ते' - अशी तुलना करण्याची नवी मिती उपलब्ध झालेली दिसते.
यावर एक लिखाण एकाच ठिकाणी प्रसिद्ध करावे ही इथेच व्यक्त झालेली सूचना पाळून मी हा मुद्दा माझ्यापुरता संपवला आहे.
सन्जोप राव

गमभन चा उल्लेख आणि नंतरचे वाक्य हे संदिग्ध आहेत, पण मनोगताचा उल्लेख असलेल्याच्या नंतरचे वाक्य वाचल्यास आजानुकर्ण यांची बाजू बरोबर वाटते.
वाक्य ही अशी:
" मराठी ब्लॉगजगतात मुशाफिरी करणाऱ्या ँ़कार जोशी या बुद्धिमान तरूणाने इंटरनेटवर कोणालाही मराठी टाइप करता यावे यासाठी ' गमभन ' नावाचे ओपन सोर्स सॉफ्टवेअर तयार करून ते http://www.var-x.com/gamabhana/ या संकेतस्थळावर मोफत उपलब्ध केले आहे . या तंत्राचा वापर करून manogat.com सारख्या अनेक दजेर्दार मराठी वेबसाइट्स आज इंटरनेटवर आल्या आहेत . थोडक्यात , कम्प्युटरवर आणि इंटरनेटवर मराठीला गेल्या २५ वर्षांत जे जमले नाही ते येत्या ५ वर्षांत जमेल अशी आशावादी परिस्थिती आणि एक नवे पर्व ' युनिकोड ' तंत्रामुळे आज निर्माण झाले आहे . "
यावरुन असे वाटते की हा सर्व उल्लेख मधेमधे गमभन बद्दल असला तरी एकूणात शिरवळकरांना युनिकोड तंत्राबद्दलच बोलायचे आहे.

माहितीपूर्ण विचारांनी,प्रतिसादांनी आम्ही भारावलो आहोत.उपक्रमपंतानी मराठीच्या माहितीच्या संकेतस्थळावर आजघडीला बाजी मारली आहे.पण,आम्हालाही पहिल्या प्रेमाची राहून राहून आठवण येते.

आपला (पहिल्या प्रेमाच्या आठवणीने)
गळा दाटून आलेला.
प्रा.डॉ.दिलीप बिरुटे

हो हो हो नाही नाही नाही

(तुलनेपार केव्हाच पोहचलेला) एकलव्य