फोटो चांगला आहे. पण या कंपोझिशनला जर बदलले तर तो आणखी आकर्षक होऊ शकतो.

यासाठी हा फोटो आपण क्रॉप करु शकतो. मला जर या फोटोची मुळप्रत मिळाली तर् मी स्वतः त्यात बदल् करुन् तुम्हाला पाठवु शकतो.

हा पक्षी बहुतेक Ashy Prinia जातकुळीतील आहे. आधिक माहितीसाठी विकी पाहावे.

अभिजीत राजवाडे

डेप्थ ऑफ फोकसने हिरवी पार्श्वभूमी धूसर केली, हे उत्तम. काही लक्ष विचलित करणार्‍या काटक्या कातरून टाकल्या तर मजा येईल, अभिजित राजवाडेंशी सहमत.

पक्ष्यावरचा फोकसही थोडासा धूसर आहे. (१) लक्ष विचलित करणार्‍या काटक्या (पक्ष्याहीपेक्षा अधिक रेखीव फोकस असलेल्या) कातरून टाकल्यावर पक्ष्यावरचा फोकस अधिक रेखीव वाटतो. (२) चित्रातील डीपीआय दुप्पट केल्यास चित्र आकाराने लहान होते (हा तोटा), पण पक्ष्यावरचा फोकस अधिक रेखीव भासतो (हा फायदा).

चित्र थोडेसे काळवंडलेले/मलूल वाटते. दिवसच तसा असावा बहुधा. पण ते अधिक तुकतुकीत करण्यासाठी काही करता आले असते काय? असा विचार करतो आहे. (व्हाईट बॅलन्स बदलणे, वगैरे.)

चित्र छान आले आहे. पक्षी टिपणे हा अवघड प्रकार आहे. धनंजय म्हणतात तसे कातरुन पक्ष्याला ठळक केले तर अधिक चांगले दिसेल. पार्श्वभुमी धुसर केली असली तरी अजून थोडी डिस्ट्रॅक्टींग आहे. आणखी धुसर केल्यास छान बोके (Bokeh) दिसला असता. शक्य असल्यास कमीत कमी ऍपर्चरला, जास्तीत जास्त झूम करुन टेलेफोटो लेन्सने असे फोटो अचुक येतात. ट्रायपॉड आवश्यक.