या जगात मुक्त आणि न गोंधळलेलं असं कोणी आहे का?

एकावेळी अनेक संकेतस्थळांवर ही चर्चा टाकायला हवी एवढा हा विषय महत्त्वाचा आणि सामाजिक गुंतागुंतीशी संबंधित आहे. सोबत ग्राफ, चार्ट आणि आकडेवारीही द्यायला हवी होती असे वाटून गेले. असो.

अवांतर: एकंदरच चर्चा वाचून एमसीपी (मेल शोविनिस्ट पिग) हा संज्ञा आठवली.

"तुझं वाचन किती? तू बोलतोयस किती?"
"तुझा पगार किती? तू बोलतोयस किती?"

श्री. महाबळ ह्यांनी टिपिकल पुरुषाच्या भूमिकेतून चर्चाप्रस्ताव मांडताना घरकामांवर भर दिला आहे. त्यामुळे चर्चा लिमिटेड झाली आहे. ती आणखी नीट मांडता आली असती. स्त्रीकडे निर्णयक्षमता आणि आत्मनिर्भरता आली आहे का, ह्यावर फोकस हवा होता. असो. आज 9 मार्चच्या एका पेप्रातला खालील मजकूर वाचला:

आजच्या महिलेचे अवस्था कडेवरच्या बाळासारखी आहे. तिला जिथे जायचे आहे त्या दिशेला ती हातवारे करत असते. तिची इच्छा पूर्ण झाली तर ती आनंदाने उड्या मारते. नाहीतर थोडावेळ हात पाय आपटते आणि शांत बसते. ती सक्षम असली तरी तिच्या हातात निर्णयक्षमता नाही, अशी खंत ज्येष्ठ साहित्यिका मंगला गोडबोले यांनी व्यक्त केली. स्वांतत्र्य आहे, शिकता येते, पैसे मिळवण्याची कुवत आहे. देशा-परदेशात दौरे करता येतात, पण हया स्वातंत्र्याचा उपयोग कसा करावा हे माहीत असणे आवश्यक आहे. महागडे कपडे, दागदागिने, परदेश दौरे म्हणजे कर्तबगारी नव्हे. निर्णयक्षमता, आत्मनिर्भरता ज्यादिवशी येईल तोच खरा महिला दिन, असेही पुढे त्या बातमीत म्हटले आहे.

स्त्री ही निर्णयक्षमतेच्या आणि आत्मनिर्भरतेच्या अभावापायी गोंधळलेली वाटू शकते. असो. कालपरवाच कुठेतरी वाचले/ऐकले की मुली परदेशी काम करणारी एन्नाराय/ग्रीनकार्डी स्थळे नाकारू लागली आहेत. ह्याचे कारण त्यांना तिकडे मोलकरिणी नसल्याने सगळी घरकामे करावी लागतात. राब राब राबावे लागते. दुसरे म्हणजे भारतातही करियरच्या चांगल्या संधी आहेत. आणि परदेशवाऱ्या काय आजकाल कुणी, केव्हाही करते. त्यामुळे तिकडे राहण्याचे अप्रूप कमी होऊ लागले आहे. असो. एकंदर स्त्रीवादाच्या किंवा सक्षमीकरणाच्या गप्पा करणाऱ्या देशी-परदेशी बाया किती सक्षम, निर्णयक्षम आणि आत्मनिर्भर आहेत हे बघायला हवे.

"तुझं वाचन किती? तू बोलतोयस किती?"
"तुझा पगार किती? तू बोलतोयस किती?"

ती सक्षम असली तरी तिच्या हातात निर्णयक्षमता नाही, अशी खंत ज्येष्ठ साहित्यिका मंगला गोडबोले यांनी व्यक्त केली.

अरे वा, मंगला गोडबोले का? मग हे मान्य केलेच पाहिजे. आता मीना प्रभुंनाही विचारुन बघायला हवे!
सन्जोप राव
हम तुझे वली समझते, जो ना वादाखार होता

अरेच्चा! ही चर्चा भलतीकडे चाललेली दिसते. येथे विषयांतर करण्यापेक्षा "माझी (न्)आवडती लेखिका" अशी स्वतंत्र चर्चा का नाही करत? ;-)