भरपूर रागवून हे लिहिले गेले आहे. राग येणे साहजिक असले तरी इथे व्यक्त करणे चुकीचे.

ग्राहक न्यायालयात याविरुद्ध तक्रार करता येते. कुठल्याही वकिलाशिवाय.
माझ्या एका मित्राला मोबाईल बिल भरले असून देखील वारंवार लोक त्रास द्यायला यायचे. दरवेळेला रिसीट बघून परत जायचे. एकदा तर तो हॉस्पिटल मधे असताना आले होते.
याचा राग येऊन त्या त्रासाबद्दल तो मोबाईल कंपनीच्या विरोधात ग्राहक न्यायालयात गेला. नाहक त्रास दिल्याबद्दल ५००० रु. मागितले.
तक्रार करताना महत्वाची कागदपत्रे हातात लागतात. जसे रिसीट, वॉरंटी कार्ड वगैरे.
तक्रार दुकानदार आणि कंपनी दोघांविरुद्धही करता येते.
तक्रार केल्यावर फक्त ३ सुनावणीत हा अर्ज निकाली काढला जाण्याची तरतूद आहे. तुम्हाला वा तुमच्या प्रतिनिधीला या सुनावण्या दरम्यान जावे लागते. माझ्या मित्राला बहुतेक वेळी उगाचच जाऊन यावे लागले. (विरुद्ध पक्षाने चालढकल केली. ) तिसर्‍या सुनावणीनंतर माझ्या मित्राच्या बाजूने निकाल लागला. पण सगळ्याच केसेस अशा सुटत नाही. तिनही सुनावणी दरम्यान त्याला सुटी घेऊन जावे लागले. (ते नुकसान तुम्ही मागू शकता पण मंजूर होईल की नाही सांगता येत नाही.) अजून त्याला पैसे मिळाले की नाही माहिती नाही.

बराचश्या मोठ्या कंपन्या याप्रकाराला घाबरतात. त्यामुळे पहिल्या नोटीसीत समेट होऊ शकतो. दुकानदाराला प्रतिवादी केले तर तोही घाबरतो कारण वकिल ताफा तो बाळगू शकत नाही.

तुमची तक्रार स्वीकारत नसेल तर गुमच्यापाशी दोन मार्ग आहेत. एकीत तक्रार कोरियर रजिस्टर्ड पोस्टाने पाठवायची. ग्राहक कायद्याचे उल्लंघन नमूद करायचे. तक्रार पूर्ण न झाल्यास ग्राहक कोर्टात जाऊ असे सांगायचे.
हेच पत्र इमेल वा अन्य मार्गाने सर्वांना पाठवायचे. (अगदी एचपीच्या डायरेक्टरला देखील.)
दुसरा मार्ग म्हणजे साक्षिदारासमक्ष हे पत्र द्यायचे. आणि तिथेच हे पत्र न घेतल्याचा पुरावा म्हणून त्याची सही घ्यायची. दुकानात आवाज चढवून बोलायचे. (हे सगळ्यांना जमते असे नाही.) पण काम बरेचदा होते.

प्रमोद

मन यांना झालेला त्रास बघून वाईट वाटले. त्यांनी संगणक घेण्याआधी हा विषय चर्चेस आणला असता तर मी त्यांना स्वानुभवाने सल्ला दिला असता की डेल, कॉम्पॅक व एचपी यांचे लॅपटॉप चित्रात सुद्धा बघू नयेत. ब्रॅन्डच्या नावाखाली जास्त पैसे उकळणे, सर्व्हिस न देणे व ग्राहक तक्रार घेऊन आला की त्याला टोलवाटोलवी करून उत्तरे देणे याबाबत या कंपन्यांचा कोणीही हात धरू शकणार नाही. काही वर्षांपूर्वी मी डेल चा असाच एक संगणक घेतला होता. त्याची क्रॅश डिस्क मला कधीच मिळाली नाही. एका वर्षापूर्वी सिस्टीम फेल झाल्यावर मला आता नवीन ओएस घ्या असा सल्ला त्यांनी दिला होता. सुदैवाने माझ्या एका मित्राकडे ओएस ची मूळ प्रत असल्याने माझा संगणक दुरूस्त झाला.
अर्थात आता तो पूर्ण मोडला असल्याने भंगारात टाकण्याच्या मी मार्गावर आहे. अमेरिकेत असे संगणक एक सहस्त्र डॉलरच्या आसापास मिळत असल्याने तिकडच्या मंडळींना 3/4 वर्षांनी ते भंगारात टाकणे जमते. भारतात तीस किंवा पस्तीस सहस्त्र रूपयाचा संगणक दर 3/4 वर्षांनी भंगारात टाकणे शक्य नाही.
चन्द्रशेखर
Learning is not compulsory... neither is survival.

"सर्व प्रतिनिधी व्यस्त आहेत" ह्या आशराष्ट्रभाषाआंग्लभाषेतुन येत होता.

एचपीच्या शाईसोबतच्या बक्षिसांबाबत मला तक्रार करायची होती तेव्हाही मलाही त्यांच्या कॉल सेंटरकडून असाच अनुभव आला.
--
तरीही, मुळात, रिकवरी डिस्क शिवाय काम चालविता येते. किंबहुना, ते एकचएक सी ड्राईव देतात ते मला आवडत नाही. त्यांनी दिलेली सिस्टिम पूर्ण फॉर्मॅट करून हवे तसे पार्टिशन टेबल बनवावे आणि बॅकप स्वतःच इतर कोणत्यातरी पार्टिशनवर ठेवावा. संगणकाने कधीही काही त्रास दिला तर ओएसला फॉर्मॅट करावे किंवा ओएसची इमेजही (एखाद्या सॉफ्टवेअरने घेतलेली) बॅकपमध्येच असेल तर तिला पूर्ववत करावे.

शक्यतो बाबा लॅपटॉप वाला किंवा तत्स्म दुकानातुन मशीन घेवुच नये, नंतर वात आणतात.

हवी आहे ते समजले तर त्याप्रमाणे मदत करुन तुमची एक अडचण दूर् करता येउ शकेल. बर्याच वेळेला नविन लॅपटॉप मधेच् एक् छुपे पार्टीशन असते त्यावरुन ओ एस् परत टाकता येते. F12 or F8 अशा कळा वापरुन ह्या पार्टीशन मधे जाता येते.
तसेच अजून् वॉरंटी असेल तर् त्याचाही उपयोग होउ शकेल.

तूर्तास जो विदा हवा होता, तो महत् प्रयासाने माझ्या मूळ गावकडुन इथे पुण्यात मागवला आहे. काम् होण्याच्या मार्गावर् आहे.
@प्रमोद :- राग आवरतोय, पण भलताच परेशान झालो होतो.(कारण अशी सर्विस् बर्‍यापैकी अनपेक्षित होती.)

@चंद्रशेखर् :- डेल्, एच् पी, कॉम्पॅक नको म्हणताय, पण मग इतर शिल्लक राहतातच कुठले? फक्त सोनी , लिनोवो वगैरेच उरतील ना.
आणि एच् पी ची सेवा केंद्रे जास्त आहेत हेही एक कारण होतं एच् पी घेण्यामध्ये.

@रीटे :- तशी इमेज मिळवलिये हो आता. पण अधिकृत कॉपी हवी आहे.

@आनंद :- ह्यात बाबा वाल्याचा दोष नसावा असं वाटतय.
@वाचक :- हो. वॉरंटी आहे. म्हणुन तर हक्काची , मूळ् विंडोज् ची प्रत मागतोय.(जी आधीच मिळणं आवश्यक होतं, आणि मी भाबडेपणामुळं उशीर केला.)

--मनोबा

सोमवार ते शूक्रवार या दरम्यान केव्हांही त्यांच्या ऑफीशीअल वेळेत कॉल सेंटरला फोन लावा, काम् होइलच. नाही झाले तर मग् त्यांच्या वेबसाइटवरून इमेल शोधा व तेथे तक्रार नोंदवा साधारण् अधीक्रूत रीस्पॉन्स टाइम हा २४ तासांचा असतो, जर ऊत्तर आले नाही तर अजून् एक इमेल. तरीही फरक पडला नाही तर सेंट इमेल्च्या प्रींटाऊट्स मारा व कोर्ट गाठा आणी तेथे मनस्ताप व व्यावसायीक् नूकसान सेवेमधे दीरंगाइ वगैरे गोश्टीचा खटला बीन्धास्त दाखल करा अरामात जींकाल. पण मला वाटत नाही ती वेळ येइल कारण वीकेंड असल्याने तूम्हाला असा अनूभव आला असावा. सोमवारी ९ ते सायंकाळी ६ या वेळेत फोन करून बघा.

माझ्याकडेही एचपीचा लॅपटॉप आहे. मला असा त्रास झालेला नसला तरी सेवादात्यांच्या मग्रूरीला आळा घातलाच पाहिजे या मताचा मी आहे. तेंव्हा आपला प्रश्न सुटला की झाले, असा दृष्टीकोन कृपया ठेवू नका. काळ सोकावतो. राग जिवंत ठेवा. समाजातले बरेचसे बदल रागावलेल्या लोकांनी घडवून आणले आहेत.

सन्जोप राव
आह को चाहिये, इक उम्र असर होने तक
कौन जीता है, तिरे जुल्फ के सर होने तक

ह्या मोठ्या संगणक कंपन्या अमेरीका व इतर विकसीत देशात वितरीत केलेले संगणक ६ ते ८ महिन्याने तेथे आऊटडेटेड झाले की, भारतात लाँच करतात. तेथे ६०० ते १८०० डॉलरला मिळणारे मॉडेल पुन्हा तेव्हढ्याच किंमतीला येथे लाँच होते पण त्याच वेळी त्याची अमेरीकेतील किंमत ४०% कमी झालेली असते.

>>आज पुन्हा ग्राहक सेवा केंद्राला कॉल लावला तेव्हा मात्र चक्क "आम्ही केवळ सकाळी ९ ते सायंकाळी ६ ह्या वेळेतच सेवा देतो"

बहुदा तुम्ही जो नंबर फिरवला त्यावर सोमवार ते शुक्रवार सेवा उपलब्ध असणार. सोमवारी पुन्हा प्रयत्न करा, कदाचित तुमचे काम होउन जाईल. भारतातील अफाट कार्यक्षमतेच्या ऐतीहासीक पार्श्वभूमीवर केवळ शुक्रवार ते शनिवार या कालावधीत प्रकरण पार न्यायालयात नेणे तुम्हाला पटते आहे का?

एच पी, डेल इ. कंपन्यांची नेक्स्ट बिझनेस डे ऑनसाईट / ३६५ दिवस प्रिमीयम फोन सेवा असा पर्याय उपलब्ध असल्यास त्याचा फायदा घ्या. हो पैसे जास्त लागू शकतात.

सहमत.

मी स्वतः डेल कंपनीच्या ह्या असल्या प्रकारातून गेलो आहे. ३ वेळा फोन वर ४५ मिनिटे फक्त होल्ड वर होतो. असे ७ दिवस गेले, शेवटी एक भला माणूस फोन वर सापडला त्याने बरीच मदत केली व माझा त्रास दूर झाला. (तपशिल दिला तर तो वेगळा धागा होइल, म्हणून एव्हढेच).

मात्र त्यावेळेस त्याची दुकान बंद करायची वेळ असल्यामुळं आणि नंतर मीही व्यस्त असल्यामुळं, काही दुय्यम(ज्यांच्या विना काम चालु शकतं अशा) गोष्टी नंतर करायच्या ठरल्या

हे सर्वात वाईट, पुण्यात असे फक्त "जीव जाणार" असेल तरच करावे, अन्यथा सख्खा भाऊ जरी असला, आणि "नंतर करून देतो" हे वाक्य एकाल्याक्षणी बाहेर पडावे. तरी डीसीसी नामक संस्थेमध्ये ह्यापेक्षा बरी सेवा मिळते हा माझा अनुभव आहे, बाकी पुण्यात "सेवा" मिळणे म्हणजे "सेवा आत्ता नाहीये, कधी येईल माहित नाही" असे काहीतरी वाटते.

आता तुमच्या प्रश्नांबद्दल -

मी काय काय करु शकतो किंवा करायला हवं , उपलब्ध पर्याय कुठले ते कृपया सांगा.
१. धीर धरा आणि सतत पाठपुरावा करा, तुमच्या पेशन्स ची परीक्षा झाली पाहिजे. पण कन्झ्युमर कोर्ट वगैरे मध्ये वेळ जाऊ शकतो, तो संयम तुमच्याकडे हवा.
२. एचपी च्या व्यवस्थापना पैकी कोणाचा इमेल पत्ता मिळाला तर त्यावर सरळ तक्रार नोंदवा, काही वेळा त्याने देखील काम होऊ शकते.
३. किंवा डीसीसी,पुणे येथे सोय होते का हे विचारून बघा. (हि जाहिरात नाही, केवळ सल्ला आहे.)

माझ्याकडे सुद्धा एचपीचा लॅपटॉप आहे. पण मला अनुभव कधी आला नाही. मी नेहमी विन्टेक कडून सेवा घेतो. आजवर तरी त्रासदायक अनुभव नाही.