पुढच्यास ठेच मागचा शाहाणा. अनुभव सांगितला हे चांगले केले.

त्यातल्या त्यात तोटा कमी केल्याचा यशस्वी उपाय सांगितला हेसुद्धा चांगले.

उत्तम माहिती येथे दिल्या बद्दल धन्यवाद!
-निनाद

अनुभव सांगीतल्याबद्दल धन्यवाद.

लोकांना असे फसवणे काय आणि पेट्रोलमधे भेसळ करुन विकणे काय- एकाच जातकुळीतील हे विचार.

हा प्रत्यक्ष अनुभव असतांना त्या कंपनीचे नाव देण्यात कसली अडचण आहे? ते समजल्याशिवाय मागचे शहाणे कसे होणार?
युलिप हा प्रकारच एकंदरीत वाईट आहे असे समजणे बरोबर नाही. त्यापासून आपल्याला फायदा झाला असे सांगणारे लोकसुद्धा भेटतात.

लेखाचा अर्थ कळायला वेळ लागला. या लेखात बरीच अर्धवट माहिती दिली आहे म्हणून गैरसमज होऊ शकतो.

मी असे धरतो की तुम्ही केलेल्या धोशामुळे तुमची रक्कम कुठलीही कपात न करता परत मिळाली. तसे न होता, मला चेक ५ दिवसात मिळाला. या वाक्यावरून तो अर्थबोध होतो.

आता तुम्ही भरलेली रक्कम आणि मिळालेली रक्कम यात तफावत नुकसान असू शकते पण याला जबाबदार कंपनी नाही.
युलिप म्हणजे युनिट-लिंक्ड -पॉलिसी. यातील जे युनिट असतात ते 'म्युच्युअल फंडाचे' असतात. तुम्ही जी रक्कम भरता त्याचे दोन भाग होतात. एक आयुर्विम्याचा हप्ता (हा हप्ता फक्त रिस्क साठी असतो आणि त्याचा परतावा नसतो.) आणि दुसरा म्हणजे गुंतवणूक. (गुंतवणूकीत सहसा २.५ टक्याच्या आसपास वार्षिक फी असते. ) बर्‍याच वेळा ही गुंतवणूक शेअरबाजारात केली असते. तसा तुमचा देकार योजनेतच असतो. अशा वेळी शेअर मार्केटच्या चढावाउतारा प्रमाणे ही गुंतवणूक कमी जास्त होत असते. गुंतवणूक करणार्‍या फंडातील रक्कम शेयर मार्केट पेक्षा स्मार्ट असावी अशी एक अपेक्षा असते. पण ती फार महत्वाची नाही.

तुम्ही एक काळ लोटल्यावर ही गुंतवणूक परत मिळवता. त्यावेळी तिचा जो भाव चालू असेल त्यातून १ टक्याच्या आसपास रक्कम काढून परत मिळते. असे करणे तुमच्या हातात असते. त्यावर फारशी बंधने नसावीत.
सद्य परिस्थितीत तुमची गुंतवणूक घटली असेल आणि त्यामुळे तुमचे नुकसान झाले असेल असे मानण्यास जागा आहे. (तुमचे नुकसान का झाले याबद्दल तुम्ही काहीच लिहीत नाही.) तुम्ही भरलेली रक्कम यातून पहिल्यांदाच विमा हप्ता गेल्याने व शेयरबाजारातील अस्थिरतेने हे झाले असणार.

दुसरी कडे हेच पैसे व्याजावर लावले जातात. त्यामुळे तुमचे नुकसान होत नाही. (विम्याचा हप्ता सोडल्यास) पण फायदाही मर्यादित होतो. तुम्ही या पद्धतीत जास्त फायद्याची अपेक्षा ठेवली आणि त्यातील रिस्क मुळे तुमचे नुकसान झाले असे मला वाटले.

यातही प्राप्तीकरातील सवलतीमुळे तुमची गुंतवणूक काही वर्षे ठेवावी लागते हा नियम पण आला असणार.

प्रमोद

कष्टाचे पैसे गुंतवण्याआधी पुरेसा अभ्यास करणे आवश्यक आहे. मी सर्वसाधारणपणे खालील वेबसाईट वाचत राहतो. बहुतेक प्रश्नांची समाधानकारक उत्तरे मिळतात.

मी माझी युलिप बंद करू का?
युलीप की टॅक्ससेविंग फंड
युलिप आणि बॅलन्स्ड फंड

अभिजित यादव
ता. कर्‍हाड जि. सातारा