अरे बापरे. म्हणजे गेले वर्षभर पाणी कपात नव्हती?

नितिन थत्ते
(नाऊ आय डोंट हॅव टु राईट धिस वे)

पाणीवाहीन्या टाकतानांच जर त्यास आवश्यक तेव्हढी छीद्रे ठेवली तर पाणी मुरवण्याची सोय वर्षभर होऊ शकते

शाश्वत गति यंत्रांची आठवण होते.

वरुण यंत्राचा प्रयोग का केला जात नाहीये? त्यासाठी लागणारे ढग तर रोज आकाशात दिसत आहेत.
वर्तमान पत्रे देखील ह्याबाबत फार आढावा घेत नाहीयेत, फक्त पाउस होत नाही असे म्हणणे म्हणजे उत्तर नव्हे, मौसम विज्ञान विभागने देखील ह्यावर काही खास अशी माहिती दिली नाहीये.

पुण्यातील लोक पाण्याची उधळपट्टी करतात. त्यावर नियंत्रण पाहिजे.नळाचे पाणी गाड्या धुणे,बागेला पाणी घालणे अशा गोष्टीत वाया जाते.
प्रकाश घाटपांडे

पाणी कपात हा काय चर्चेचा विषय आहे का? पाऊस पडला नाही म्हणून धरणात पाणी नाही म्हणून पाणी कपात होणार आहे. त्यात विशेष काय आहे? पुण्यात रहाणार्‍या सर्वांना नवीन परिस्थितीशी जुळवून घेणे क्रमप्राप्त आहे. त्यात चर्चा करण्यासारखे काहीच नाही.

चन्द्रशेखर

पाणी दिलखुलासपणे वापरणे हा प्रकार जगाच्या पाठीवर सगळीकडे दिसून येतो. ऍव्हरेज अमरू दररोज ९० ग्यालन पाणी वापरतो.

--

'सामना' मध्ये मास्तर (श्रीराम लागू) वारंवार 'मारुती कांबळे कोण? त्याचं काय झालं?' हा प्रश्न विचारत असतो. त्या धर्तीवर मलाही बरेच प्रश्न पडायला लागले आहेत.

१) दोन वर्षापूर्वी ते ढगात सिल्व्हर आयोडाईड फवारण्याचे प्रयोग झाले होते? आता त्यांची चर्चा का होत नाही?
२) वरुणयंत्राचा प्रयोग का होत नाही?
३) वाजपेय यज्ञ केला की पाऊस पडतो म्हणतात. पुणे आणि महाराष्ट्रातील विद्वान ब्राह्मण असे यज्ञ गावोगावी का करत नाहीत?
४) एक दिवसाआड पाणी पुरवूनही समजा पंधरवडाभर पाऊस आलाच नाही तर काय करायचे? वेधशाळा, भोलानाथ नंदीबैल, चातक, पावसाचे कीडे, पंचांग, सहदेव भाडळी यापैकी कशावर विश्वास ठेवायचा?
५) उत्तर भारतातून पाण्याच्या वॅगन्स भरून रेल्वेगाड्या का मागवल्या जात नाहीत?
६) कर्नाटक व आंध्र प्रदेश ही शेजारी राज्ये पाण्यासाठी कायम हावरट असतात. महाराष्ट्रातील लोकांना कधी शहाणपण सुचणार?

कृपया पुढील मजकूर गंभीर वाचनाची आवड असणार्‍यांनी दुर्लक्षित करावा. टाईमपास करणार्‍यांचे हर्षभराने स्वागत...

आता काही उपशंका
१) आंघोळीपुरते पाणीही उपलब्ध न झाल्यास काय काय करता येईल?
२) पुण्यात पाणी नसल्याने आपल्याला इतर कोणत्या भागातील नातेवाईकांकडे पाहुणचारासाठी जाता येईल? मात्र 'उघड्याशेजारी नागडं गेलं आणि थंडीने काकडून मेलं', असं नको व्हायला.
३) अंगाला वास यायला लागल्यास चांगला डिओडरंट कुठला वापरावा?

१. प्रयोगशाळेत पाणी तयार करण्याबद्दल काहि प्रयोग का होत नाहित?
२. पुण्यातील भामट्यांनी ह्या परिस्थितीचा आजून फायदा का घेतला नाही? "हवेतून पाणी तयार करून देतो असे सांगून लुबाडले" अशी बातमी ऐकिवात नाही.
३. युरोप मधील आर्थिक मंदी ह्यास जबाबदार नाही ह्याची काय शाश्वती?

गेल्या वर्षी मिनरल वॉटरचा २० लिटरचा कंटेनर आम्ही ७० रुपयांना विकत घेतला होता. सहा महिन्यांपूर्वी त्यासाठी १०० रुपये मोजले होते. आता पाणीटंचाई सुरु झाली तर किती रक्कम मोजावी लागेल हे आताच कसे सांगता येईल? पण पाऊस वेळेवर पडला नाही तर काही गोष्टी नक्की होणार.
१) टँकरसाठी मागेल तेवढे पैसे मोजावे लागणार.
२) बोअरवेल खणणार्‍यांचाही भाव वधारणार
३) पाऊस न पडल्याचे कारण सांगून भाज्यांचे भाव कडाडणार (श्रावणासारखा सणावारांचा महिना आणि त्यात कमावून घेण्याची संधी. कोण सोडणार?)

कृत्रिम पावसाचे विज्ञान उलगडणार
"या प्रयोगांमधून भारतासाठी कोणते तंत्र योग्य आहे, हे आम्ही तपासणार आहोत"

आजच्या सकाळमधे ह्या चर्चेतील सगळे मुद्दे चर्चेला घेतले आहेत. मुख्य म्हणजे पाणी गळती जमीनीत झाली असती तर आतापर्यंत पुणे शहर तरंगले असते, जमीनी धसल्या असत्या हे ही कळले.