शहर विकासाच्या मुद्यावर पुणेकरांनी कलामाडी, काँग्रेसला नाकारले. पण बहुमत कोणालाच दिले नाही. सर्वात मोठा पक्ष म्हणून राष्ट्रवादी काँग्रेसला होते तर, निवडणुकी पुर्वीची युती असल्याने शिवसेना-भाजपा यांची एकुण संख्या जास्त होती. पण कोणालाच बहुमत नव्हते कि बहुमताजवळ जाणे सहजा सहजी शक्य नव्हते. मग अपक्ष आणि मनसे यांच्या जोरावर काँग्रेसने सत्ता मिळवायचा प्रयत्न केला पण मुळातच कौल काँग्रेस विरोधात असल्याने राष्ट्रवादी काँग्रेस, शिवसेना-भाजपा यांनी एकत्र येउन सत्ता संपादित केली अन शहर विकासाचे नाव पुढे करून काँग्रेसला सत्ते पासून् दूर ठेवले आहे.

राष्ट्रवादी काँग्रेस, शिवसेना-भाजपा यांचे परस्परातील एकुण सामंजस्य पाहून हा प्रकार बरा वाटतो आहे आणि कदाचित खरोखच चांगला शहर विकास होईल असे वाटते. कोणा एकामुळे सत्ता चालणार नसल्याने हा प्रकार यशस्वी होईल असे वाटते.

राष्ट्रवादी काँग्रेस आणि शिवसेना-भाजपा एकत्र येणे याला पुणे पॅटर्न असे म्हणले जात आहे.