वाचकराव,
तुमच्याशी सहमत आहे.
पण हे स्थित्यांतर प्रत्यक्षात कसे आणायचे?
कायदाच करावा लागेल बहुदा!

कारण पुस्तक खरेदी हे मोठे सरकारी कुरण आहे आणि त्यात अनेक अधिकारी आणि नेते सध्या चरत आहेत.
हे चरावू गेंडे बाहेर हाकलल्या शिवाय काही खरे नाही!

वाचनलयांची पुस्तक खरेदी या क्षेत्रात थोडीफार चौकशी केलीतर अनेक हकिकती बाहेत येतात!.

आपला
गुंडोपंत

प्रति,
वाचक
आपला विचार अवांतर नाही पण ह्या विषयावर सर्व बाजूंनी विचार होणे आवश्यक आहे असे वाटते.
मुळात कोणत्याही शैक्षणिक संस्थेचे शिक्षक वर्ग, शिक्षकेतर कर्मचारी व ग्रंथालय हे प्रमुख आधारस्तंभ आहेत.
प्रत्येक वर्षी, विद्यार्थ्यांकडून फी आकारताना त्यात ग्रंथालय फीचादेखील समावेश असतो. त्या फीचा विनियोग करून दरवर्षी थोड्याफार फरकाने ग्रंथालयांची सुधारणा करता येईल.
ग्रंथालय ही वर्धिष्णु संस्था आहे असे म्हटले जाते. पण ही वर्धिष्णुता एका रात्रीत आकारास यावी असे अपेक्षित नाही. त्यासाठी वेळ हा लागणारच.
भौगोलिकदृष्ट्या जवळ असलेल्या ग्रंथालयांमध्ये पुस्तकांचे हस्तांतरण (इंटर लाइब्ररी लोन) यापेक्षा डॉक्युमेंट डिलिव्हरी सर्वीस अधिक योग्य होईल असे वाटते.
अपुर्‍या ग्रंथालय कर्मचारी वर्गाचा विचार केला तर अनेकजण असे आहेत ज्यांना ग्रंथालयाच्या कामाची माहिती आहे पण ते अजूनही बेरोजगार आहेत. कमी वेतनावर सुद्धा काम करण्याची त्यांची तयारी असते, पण त्यांना संधी मिळणे आवश्यक आहे.

नोंद :- वरील विचार हे माझे वैयक्तिक मत आहे. आपली तसेच इतरांची मते त्यापेक्षा वेगळी असू शकतात.

अनुदानित महाविद्यालयांमधे पहिल्यांदाच 'नॅक' ला सामोरे जातांना इमारतींना रंगरंगोटी बरोबर केवळ कार्यालयीन कागदपत्रांची केवळ पुर्तता असाच तो भाग होता असे मला वाटते. त्यामुळे ग्रथांलयाच्या बाबतीत फार थोडा व्यवस्थितपणा आला होता . पुस्तक खरेदी नोंदवही, ग्रंथालयात असलेल्या पुस्तकांच्या नोंदी. आणि नियमित देवाण-घेवाणाच्या अद्यावत नोंदी सोडल्यास काही विशेष आमच्या महाविद्यालयात तरी झाले नाही. मात्र महाविद्यालयाच्या ग्रंथालयात असलेल्या पुस्तकांचे संगणकीकरणाची आवश्यकता आहे. त्यासाठी योग्य रीतीने पुस्तकांची मांडामांड करावी लागेल. जे आमच्याकडे अजूनही नाही. खूप पुस्तके असूनही पुस्तकाची मागणी करणार्‍याला ग्रंथालयात पुस्तक असूनही पुस्तक देता येत नसेल तर ते ग्रंथालय काहीच कामाचे नाही असे वाटते. मोठ्या ग्रंथालयात असतात तसे कॅटलॉग करुन 'पुस्तकाचे नाव किंवा लेखकाचे नाव' सांगितल्याबरोबर ताबडतोब पुस्तकाची यादी समोर आली पाहिजे. आणि मागितलेले पुस्तक देता आले पाहिजे अशी सोय आवश्यक आहे, असे मला वाटते.