कृपया Dpreview.com या संकेतस्थळावर आपल्याला मार्गदर्शन मिळू शकेल. या संकेतस्थळावर दोन्ही कॅमेर्‍यांची तुलना करुन बघावी.

मला वाटते दोन्ही मधील कॅनन १००० डी कॅमेरा योग्य ठरेल. कॅननसाठी लेन्सचे बरेच चांगले तसेच किफायतशीर दरातले पर्याय उपलब्ध आहेत.
सोनीचा कॅमेरा घेण्याची काही गरज आहे असे वाटत नाही. कॅनन किंवा निकॉन या कंपन्यांच्या कॅमेर्‍यांचा विचार करावा.

-सौरभ.

==================

मला यातले काही कळत नाही परंतु एका कॅमेरावेड्या मित्राने माहिती दिली त्यावरून -
कॅनन ५ डी मार्क २ हा कॅमेरा जरा वरच्या श्रेणीत असला तरी हाच बरा आहे असे कळले.
यावरून उत्तम चित्रीकरणही करता येते.

आपला
गुंडोपंत

Dpreview.com या संकेतस्थळावर दोन्ही कॅमेर्‍यांची तुलना केली असता, सोनी अल्फा २०० के उजवा वाटला, तसेच jjmehta.com या संकेतस्थळावर दोन्ही कॅमेर्‍यांच्या ३०० मी मी लेन्सेस जवळपास सारख्याच किमतीस भेटतात.
पुन्हा सोनी अल्फा २०० वर ३ years warranty आहे.
तरीही सोनीचा कॅमेरा घेण्याची काही गरज आहे असे वाटत नाही असे सौरभ यांना वाटते त्यावरुन नक्कीच सोनी अल्फा २०० मध्ये काहीतरी त्रुटी असव्यात.

बाकी गुंडोपतांनी सुचलावलेल्या कॅनन ५ डी मार्क २ हा कॅमेर्याची किंमत खिशाला मोठ्ठे भोक पाडणारी आहे.

सोनी नको. फक्त Dpreview.com यावर जाऊ नका. कॅनॉन व निकॉन अनेक वर्षे एसएलाअर श्रेणीत उत्तमोत्तम कॅमेरे आणत आहेत.
तसेच jjmehta.com वरील सगळ्या किंमती विश्वासार्ह आहेत असे नाही. कॅनॉनच्या ७०-३०० लेन्स् पेक्षा ५५-२५० लेन्स् जास्त चांगली आहे असे समजले जाते. त्यामुळे नुसत्या लेन्स मिमिवर काहीही ठरवण्यापुर्वी बराच विचार करावा अशी विनंती.

निर्णय तुमचा आहे. मला विचारले असता मी खालील गोष्टींचा विचार केला असता.
१. वेगवेगळ्या लेन्सेसची उपलब्धता
२. किंमत
३. छायाचित्राचा दर्जा.
४. कॅमेराची घडण
५. रिसेल :)

वरील सर्व बाबतीत सोनीपेक्षा कॅनॉन उजवा ठरेल असे वाटते. निकॉनमध्येही पर्याय आहेतच. नुकताच (३० जुलैला) निकॉननी नवा डी३००० हा कॅमेरा आणला आहे. हा त्यांच्याच वर्षानुवर्षे प्रचंड खपाच्या डी४० ला बदलेल असे वाटते. तसेच आत्तातरी किंमत कमी आहे असे कळते (३०००० ते ३५०००)

तुमचा वापर व गरज या दोन्ही गोष्टी बघा. एसएलाआर कॅमेरा ही मोठी वस्तु आहे (माझ्यासाठी तरी) विचारांती निर्णय घ्या.

मी तुमच्या जागी असतो तर कॅनॉन ४००, निकॉन डी५०००, डी३००० या पर्यायांचाही विचार केला असता.

थोडं बजेट अजून वढवता येत असेल तर निकॉन डी९०, डी३००, डी३००एस(नवा आहे, विक्री सुरु नाही झाली अजुन) अथवा कॅनॉन ४५०डी, कॅनॉन ४०डी यांचाही विचार केला असता.

मुंबईमध्ये कॅमेरे घेता अनेक पर्याय उपलब्ध आहेत. अनेक दुकाने, वेगवेगळ्या किंमती. तुम्हाला सर्वोत्तम कॅमेरा मिळेल ही शुभेच्छा!

-
ध्रुव

सोनी नको याच्याशी सहमत आहे. सोनी क्यामेर्‍याचा प्रत्यक्ष अनुभव नाही. पण सोनी कंपनीचा अनुभव चांगला नाही.

मी आणि दुर्दैव, दोघांनी जाऊन सोनीचा एमपी३ प्लेअर खरेदी केला. तो संगणकाला जोडल्यावर लक्षात आले की त्यात गाणी टाकायची तर फक्त सोनिकस्टेज नावाचे त्यांचे सॉप्फ्टवेअरच चालते. सोनिकस्टेजपुढे विंडोज थंड वार्‍याची झुळूक आहे. याला पर्याय म्हणून आंतरजालावर शोधले असता सर्व लोक या सॉफ्टवेअरच्या नावाने कंठशोष करत असल्याचे दिसले. तेव्हापासून सोनी या नावावर बहिष्कार टाकला आहे.

तात्पर्यः सोनीचे हार्डवेअर छान आहे पण सॉफ्टवेअर केवळ करायचे म्हणून करतात असे वाटते. क्यामेरा डिजीटल असल्याने यात सॉफ्टवेअर लागणारच. शिवाय क्यामेर्‍यांच्या जगात कॅनन, निकॉन ही नावे विश्वासार्ह आहेत. तेव्हा त्यांचा विचार करावा असे वाटते.

----
“What people say about you is none of your business” - Sean Stephenson

कॅनन चा चांगला अनुभव आला.
माझ्या कॅनन कॅमेरा च्या सीसीडी मध्ये बिघाड झाला.
कॅनन ने हि त्यांचीच चूक असल्याचे मान्य केले.
माझा व माझ्या तीन-चार मित्रांचा कॅनन कॅमेरा त्यांनी ताबडतोब फुकट दुरुस्त करून दिला.

मगं... ठरल का कुठला घ्यायचा ते...?
-
ध्रुव

आपल्या सर्वांच्या सुचनांबद्दल धन्यवाद, सध्यातरी नाही पण लवकरच घेईन कॅनन १०००डी .