मी अगदी लहान असताना नुकतीच जेव्हा बाराखडीची ओळख झाली होती तेव्हा जाड ठश्यातील ज्योत्स्ना प्रकाशनाची "जोडाक्षर विरहित" गोष्टींची पुस्तके वाचल्याचे आठवते.

ह्याचाच अर्थ मराठी भाषेत अगदी गोष्टी लिहिता येतील इतके "जोडाक्षर विरहित" शब्द नक्की आहेत. तसेच सामान्यत: लिखाण करताना सतत असे जाणवते की शब्दांत जोडाक्षरे कमी आणि पूर्ण अक्षरे अधिक असतात. (पहा ###) भाषा तज्ज्ञांनी ह्यावर प्रकाश टाकावा. असे असताना खरे तर गमभन आविष्कारकर्त्यांनी देवनागरी टंकन सुविधेत हलन्त अक्षरे टंकन करण्याची सुविधा न देता कळ दाबताच पूर्ण अक्षर येईल अशी व्यवस्था करावी. म्हणजे 'a' वारंवार टंकावा लागणार नाही. छाहरीच्या धर्तीवर पूर्ण अक्षर जोडाक्षर म्हणून वापरायचे असेल तर / चा वापर करण्याची व्यवस्था करावी ज्यायोगे बरेच श्रम तसेच वेळही वाचेल. मनोगत, उपक्रम ह्यां सारख्या ठिकाणी टंकलेखन user friendly होईल.

.
.
.
.
# कविता आणि ललित लेखनासाठी हा पर्याय वापरू नये. प्रख्यात लेखकांच्या/कवींच्या साहित्याविषयी चर्चा करण्यासाठी हा पर्याय वापरता येईल.
# सार्वजनिक चर्चेचे सर्वमान्य संकेत पाळले जावेत.
# चर्चाप्रस्ताव लिहिताना विषयाची शक्य तितकी माहिती द्यावी.