उबुंटूच्या शिकी ब्रेव्ह या निळसर थीमसाठी अत्युत्कृष्ट वॉलपेपर. रंग आणि दृश्यही आफ्रिकन आले आहे.

ओरिजनल साईझचा फोटो वॉलपेपर म्हणून लावायला मिळेल का? [इतरत्र कोठे वापरणार नाही]

छायाचित्रकाराने काढताना काय काळजी घेतली, वेगवेगळे फोटो काढून पैकी याची निवड कशी केली, वगैरे तपशील एका प्रतिसादात देऊन चर्चेची खोली वाढवावी. अशी विनंती.

वाह! चित्र खूपच आवडले..
संगणकाच्या मुख्यपटलावर लावण्याजोगे.. विस्तीर्ण (मुळच्या) आकारात मिळेल काय?

ऋषिकेश
------------------
आपले ते टंकनदोष दुसर्‍याच्या त्या प्राथमिक चुका

सही दिसतंय चित्र! खरे तर फोटो, पण चित्रंच वाटते आहे..
मलाही आवडेल मूळ फोटो वॉलपेपर म्हणून!

वरील छायाचित्र हे यलोस्टोन तळ्याकाठी संध्याकाळी सव्वासात वाजता काढलेले आहे. छायाचित्राची मूळ संकल्पना माझ्या सोबत असलेल्या मित्राला सुचली. एकूणच थंडी, ढगाळ आकाश, गोठलेले तळे आणि तळ्याच्या काठाशी असलेले एकाकी झाड हे पाहून त्याला साधारण भुताळी असा परिणाम साधणारा फोटो काढायची इच्छा झाली. म्हणून मी हा फोटो काढला. मूळ फोटो याच्यापेक्षा मोठा आहे, हा फोटो क्रॉप केलेला आहे. पण साधारण एक तृतीयांशाचा नियम सांभाळण्याचा यत्न केलेला आहे. मूळ फोटोमधे वर उल्लेखिलेला भुताळी परिणाम देण्यासाठी व्हाईट ब्यालन्स टंगस्टन ठेवला होता. रंगीत फोटो असा आहे (मूळ नाही) -

गिंपमधे प्रक्रिया करताना क्रॉपिंग झाल्यावर च्यानल मिक्सर वापरून या चित्राला कृष्णधवल केले. नंतर कृष्णधवल चित्राची एक कॉपी नवीन लेयरमधे घेतली आणि तिला ४० पिक्सेल त्रिज्या ठेवून गाऊशियन ब्लर केले. नंतर त्या लेयरची अपारदर्शकता (ओपॅसिटी) ५०% ठेवली. यामुळे सॉफ्ट फोकस परिणाम आला. थोडा रंग भरण्यासाठी याच लेयरला कलर्स -> कलराईझ हे टूल वापरून थोडी निळसर झाक दिली. सॉफ्ट फोकस दिला नसता तरी चालले असते पण मूळ चित्र आयएसओ ८०० ला काढलेले असल्याने चित्रात नॉइज होता. कृष्णधवल आणि ब्लर केल्याने तो थोडा कमी झाला. असे प्रोसेसिंग केले.

मोठ्या आकारातील चित्र येथून उतरवून घेता येईल. हे चित्र केवळ वैयक्तिक वापरासाठीच ठेवावे अशी सर्वांना नम्र विनंती.