(१) मंगळ शनी युती द्वितीय स्थानात
मंगळ शनी युती द्वितीय स्थानात असल्यास स्त्रियांबद्दल विशेष राग वाटू शकतो. मराठी संकेतस्थळांवर स्त्रियांच्या मनातील उपजत सूडबुद्धी, पुरुषांवर होणारे अन्याय अशा चर्चा सुरु करण्याची इच्छा होऊ शकते.

(२) प्रथमस्थानी लग्नी मीनेचा शुक्र
प्रथमस्थानी-लग्नी मीनेचा शुक्र असल्यास शुक्रवारी सर्वप्रथम मासे खावेसे वाटेल.

(३) सप्तम्स्थानी कन्या राशीत प्लुटो
ह्या ग्रहयोगाचे वैशिष्ट्य म्हणजे सासु सुनांमधील भांडणांमुळे भारतात सर्वत्र युद्धे सुरु होऊ शकतात की काय अशी शंका मनात येईल. अमेरिकेने इराकवर केलेल्या हल्ल्यापेक्षाही जास्त गंभीर स्वरुपाची हानी आणि प्रचंड स्वरुपाच्या तणावाचा सामना पुरुषांना करावा लागण्याची शक्यता आहे.

(४) नवम् स्थानी वृश्चिक् राशीत् नेपच्यून्
ह्या ग्रहयोगामुळे विंचू चावला हे भारूड नऊ वेळा ऐकावेसे वाटेल.

(५) अष्टम् स्थानी तुळ् राशीत् राहू हर्शल् युती
मराठी संकेतस्थळांवर ग्रहयोगांबाबत चर्चा करावीशी वाटेल.

आपला,
(चर्चाप्रस्तावामुळे डोक्याची वैतागवाडी झालेला) आजानुकर्ण

गुरु रवी चंद्र बुधादी ग्रह कुठे आहेत?

द्वितीय हे मारक स्थान आहे मंगळ स्वराशीत असल्याने आपले मत निर्भीडपणे व्यक्त करण्यास अडचण नसावी. मात्र त्यातून शनी मंगळ एकत्रीत पणे तेथे असल्याने बोलणे तिखट असावे. यावर नियंत्रण ठेवणे अवघड जात असावे. जेंव्हा बोलायचे आहे तेंव्हा बोअलले जात नसावे पण नंतर खुपच स्फोटक काही तरी वाक्य जात असावे असे वाटते.

मंगळाची चौथी दृष्टी पंचमस्थानावर जात आहे. ते चंद्राचे स्थान आहे. त्यामुळे स्वभाव आगखाऊ/ भडकू असावा की काय असे वाटले. (म्हणून चंद्र कुठे आहे हे विचारले आहे. गुरु च्या योग्य सान्निध्यात असेल तर मात्र तसे नसून अतिशय चांगला स्वभाव परंतु मन मोकळा असा असेल.)
शनी ची दृष्टी व्ययावरही आहे त्यामुळे खर्चावर चांगले(च) नियंत्रण असावे.
राहते घर जुने आहे काय?
जोडीदार सुंदर आणि हुषार असावा.

शनी मंगळाची एकत्रीत दृष्टी अष्टमावर आहे. तेथेच राहू आहे, शिवाय हर्षल. त्यामुळे आयुष्य विषयक काही तरी गर्भीत चिंता असावी असे जाणवते. यात कधी अतिशय उत्तम तर कधी अतिशय वाईट असे काही तरी घडते. (पण इतर ग्रहस्थिती माहिती नसल्याने काय ते मात्र सांगता येत नाहीये.)

मात्र त्याच वेळी मीनेचा शुक्र लग्नी हे तसे चांगले आहे. ही व्यक्ती कलासक्त असावी.
मात्रे कलेवर उपजिवीका करतच असेल असे नव्हे.

मात्र प्लूटो आणि नेपच्युन विषयी मला काही सांगता येणार नाही.

नोंदः वरील सर्व स्पष्टीकरण जर पत्रीका योग्य असेल तरच लागू
आपला
गुंडोपंत

१ शंकाः लेखनाचे वर्गीकरण भाषा असे का केले आहे.

पत्रीकेत दिलेली माहीती अपूर्ण आहे. तथापि, अभ्यास व अनुभव यांवर आधारित एक भाकित मांडणे शक्य आहे. सदरहू पत्रिकाधारकास तात्काळ मलराशिविमर्शक किंवा तत्सम उपनाम धारण करणार्‍या गृहविरहार्ती मेधाविन नरपुंगवाकडून तेजोभंगाचा अत्यय संभवतो. विदेशेवास्यव्य असणार्‍या प्रस्तुत उपद्रवाची मण्डार्पण करुन शांती करण्याचा यत्न करावा.
सन्जोप राव
काही उत्पीडक व्यक्ती याला शृंगभंग करून गोवत्सांत क्रीडा करण्याचा यत्न करणे असे म्हणतात, पण आपण निश्चिंत असावे, महाराज… गुरुदेव वैद्यराज दल्यप्रवाद.

चालू द्या, चालू द्या. उक्रमवर मिपा.ही!
शरद

वा वा वा!.. आज बरीच ज्ञानोपासना झाली :).. चालु द्या

स्वगतः त्या बिरुटेसरांना आणि कर्णाला काहि काम नाहि दिसते.. अरे म्हणावं मग यापेक्षा एखादा फर्मास माहितीपूर्ण वगैरे असा लेख येऊद्यात
ऋषिकेश
------------------
आपले ते टंकनदोष दुसर्‍याच्या त्या प्राथमिक चुका