उपक्रम हे सेल्फ-गव्हर्निंग नाही, याबाबत सहमत. खाजगी मालकीचे संपदित स्थळ आहे, संपादनाविषयी "उपक्रम" आयडी यांचे निर्णय अंतिम आहेत, असे त्यांनी स्पष्टच सांगितले आहे :

कोणत्याही लेखनात आवश्यकतेनुसार कोणतेही बदल करण्याचे अधिकार संपादन मंडळातील सदस्यांना आहेत.

तरी सदस्यांना मते असतील याची जाणीव स्थळाच्या चालकांना असावी असे वाटते. ते म्हणतात :

आपल्या पाहण्यात आलेले आक्षेपार्ह लेख, प्रतिसाद, व्यनि, खरडवहीतील नोंदी यांची माहिती व्यनिने कळवावी ही विनंती

माझ्या बघण्यात आले आहे, की अनेक सदस्यांनी निंदा केली, आणि कोणी समर्थन केले नाही, तर काही लेखक येथे लेखन करायचे थांबतात. उपक्रमचालकांनी लेख उडवले नाही तरी असे झाल्याची उदाहरणे दिसतात. त्यामुळे या स्थळावर स्व-नियंत्रण (सदस्य-नियंत्रण) काही प्रमाणात आहे, असे मला वाटते.
- - - -

उपक्रमपंतांनी कवितेबद्दल काय आक्षेप घेतले होते, ते माहीत नाहीत, पण विस्तृत विवेचनाबरोबर माझ्या काही वृत्तबद्ध रचना मी स्वतः उपक्रमावर दिलेल्या आहेत. यापैकी काही लेखन उपक्रमाच्या मुखपृष्ठावरती पोचल्यामुळे उपक्रमचालकांच्या दृष्टीने हे चालते असे दिसते. अशा प्रकारचे पद्यलेखन छायाचित्र समुदायातील लेखनासारखे आहे, असे मला वाटते. मला अशा प्रकारे लेखनप्रकारांतील सामांतर्य आणि फरक जाणवला, तरी दुसर्‍या कोणाला नेमके तसेच वटणार नाही :

कविता आणि छायाचित्रे ह्यांचा तुलनात्मक विचार केल्यास दोन्हीतले माहितीचे प्रमाण साधारणतः समान असते असे दिसून येते. दोन्ही कला आहेत.

खरे तर कुठल्याही दोन गोष्टी साधारणपणे समान असतात : उदाहरणार्थ, सफरचंद आणि संत्रे, दोन्ही फळे आहेत.
तसेच कुठल्याही गोष्टी साधारणपणे अतुलनीय असतात : उदाहरणार्थ, "सफरचंद आणि संत्रे यांची तुलना करू नये" अशा आशयाची म्हण आहे.

तुलना नेमकी कुठल्या बाबतीत होत आहे, याबाबत कायदेशीर दस्तऐवजात काटेकोर (आणि किचकट) भाषा वापरणे आवश्यक असते. सामान्य आयुष्यात अशी वापरता येत नाही. तरीसुद्धा सामान्य आयुष्यात परिणाम बघून कित्येकदा अर्थनिश्चिती होते.

"सफरचंदे आणि संत्री 'फळपणाच्या दृष्टीने' साधारणपणे समान आहे" असा हट्ट धरून सफरचंदाचे मार्मालेड मी केलेच, असे समजा. ते बाजारात मार्मालेड म्हणून दुकानदाराने विकायला ठेवले नाही, तर दुकानदाराकडे कायदेशीर दस्तऐवजावरून भांडता येणार नाही. या बाबतीत "बहुधा या बाबतीत ही फळे तुलनीय नाहीत", अशी समजूत पटणे फायदेशीर असते.

पण तसे पटलेच पाहिजे असे नाही. सफरचंदांच्या सालीचा मुरंबा चविष्ट असला तर तो मार्मालेडच्या शेजारी ठेवून विकणारा दुकानदार शोधल्यास जरूर सापडेल.

हा उपप्रतिसाद "असहिष्णुता" उपविषयाला अवांतर आहे. पण उपक्रमावर "अमुक समुदाय चालतात, तमुक चालत नाहीत" हे पूर्णपणे अनियमित नसावे, असे मूळ विषयाला धरून असलेले माझे मत देत आहे.